Uber चालवत असताना सुरक्षेस प्राधान्य देणे

रायडर्सना तुमची लायसन्स प्लेट, तुमच्या कारचे मेक आणि मॉडेल तसेच त्यांच्या अ‍ॅप मध्ये दिसणारा तुमचा फोटो जुळतो आहे का ते तपासून तुम्हाला शोधण्यास सांगितले जाते. रायडर्स वाहनात प्रवेश करण्यापूर्वी तुम्ही त्यांना तुमच्या नावाची पुष्टी करायला नक्की सांगू शकता.

तुम्ही सतर्क राहून, रस्त्यावर नजर ठेवून आणि झोपाळलेल्या अवस्थेत गाडी चालवणे टाळण्यासाठी विश्रांती घेऊन, रस्ते सुरक्षित ठेवण्यास मदत करू शकता. लक्षात ठेवा: बहुतेक राज्ये आणि देशांमध्ये वाहन चालवत असताना मजकूर संदेश पाठवणे बेकायदेशीर आहे. काही ड्रायव्हर्स त्यांचे लक्ष विचलित होऊन काही दुर्घटना घडू नये म्हणून त्यांचा फोन, ते सहजपणे पाहू शकतील अशा ठिकाणी, माउंट वापरून त्यावर ठेवतात. काही शहरांमध्ये असे करणे कायद्याने आवश्यक आहे.

आम्ही असे तंत्रज्ञान वापरतो जे तुम्ही तुमच्या प्रवाशाला अ‍ॅपद्वारे कॉल करता किंवा संदेश पाठवता तेव्हा तुमचा फोन नंबर गुपित ठेवते जेणेकरून त्यांना तुमचा वैयक्तिक नंबर दिसणार नाही.*

एकट्याने प्रवास करणार्‍या रायडर्सना तुम्ही मागील सीटवर बसण्यास सांगू शकता. असे केल्याने त्यांना रहदारी टाळण्यासाठी वाहनाच्या दोन्ही बाजूंनी सुरक्षितपणे बाहेर पडता येते तसेच तुम्हाला दोघांना थोडी खाजगी जागा देखील मिळते.

अनेक ठिकाणी, ड्रायव्हर्स आणि रायडर्स दोघांसाठी सीट बेल्ट वापरणे कायद्यानुसार आवश्यक आहे. सेंटर्स फॉर डिसीज कंट्रोल प्रमाणे कार अपघातांशी संबंधित घटनांमध्ये जीव वाचवणे आणि दुखापती होण्याचे प्रमाण कमी करण्याचा हा सर्वात प्रभावी मार्ग आहे.

वाहन चालवण्याच्या सामान्य नियमांनुसार, पादचारी तसेच दुचाकी चालवणारे यांच्यावर नजर ठेवणे गरजेचे असते. जेव्हा तुम्ही ड्रॉप ऑफ किंवा पिकअप साठी गाडी थांबवत असता किंवा जेव्हा तुम्ही'रात्री गाडी चालवत असता तेव्हा हे विशेष महत्वाचे असते.

तुम्ही रायडर्सना कुठे ड्रॉप ऑफ करू शकता ह्या बद्दलचे स्थानिक कायदे जाणून घेतल्याने लोडिंग क्षेत्र, पार्क केलेली वाहने तसेच आणखी बर्‍याच गोष्टींशी गाठ पडल्यास तुम्हाला मदत होऊ शकते.

तुमची सहज प्रेरणा आणि अनुभव यावर विश्वास ठेवा आणि Uber सह गाडी चालवत असताना तुमच्या सर्वोत्तम आकलनाचा वापर करा. आपत्कालीन परिस्थितीत 'आहात असे कधीही वाटल्यास, तुम्ही तुमच्या अ‍ॅपमधील आपत्कालीन बटणाचा वापर करून त्वरित मदत मिळवू शकता. आणि लक्षात ठेवा की तुम्हाला असुरक्षित वाटल्यास तुम्ही कधीही राईड संपवू शकता.

Uber' ची समुदाय मार्गदर्शक तत्त्वे ही प्रत्येक अनुभव सुरक्षित, सन्माननीय आणि सकारात्मक वाटण्यात मदत करण्यासाठी विकसित करण्यात आली आहेत. या स्टॅंडर्ड्सचे'पालन करत राहणे ही आपल्या सर्वांची जबाबदारी आहे जेणेकरून आपण एक सुरक्षित आणि अगत्यशील समुदाय तयार करण्यात मदत करू शकू.

प्रत्येक ट्रिपनंतर, तुम्हाला तुमच्या अ‍ॅपमधील मदत विभागाद्वारे रायडरला 1 ते 5 स्टार्स देऊन रेट करण्याची आणि तुमच्या टिप्पण्या जोडण्याची संधी मिळते. आमची 24/7 प्रतिसाद टीम घटनेचा आढावा घेईल.

आणि लक्षात ठेवा, प्रत्येक ट्रिपवर Uber चे सेफ्टी टूलकिट अ‍ॅक्सेस करण्यासाठी आणि आवश्यक असेल तेव्हा मदत मिळण्यासाठी तुम्ही अ‍ॅपमधील ढाल या चिन्हावर टॅप करू शकता.