அனைவரையும் மரியாதையுடன் நடத்துங்கள்

எந்தவொரு பாலியல் வன்கொடுமை மற்றும் பாலியல் ரீதியான தவறான நடத்தை தடைசெய்யப்பட்டுள்ளது. பாலியல் தாக்குதல் மற்றும் தவறான நடத்தை என்பது மற்ற நபரின் வெளிப்படையான அனுமதியின்றி பாலியல் தொடர்பு அல்லது நடத்தையில் ஈடுபடுவதைக் குறிக்கிறது.

தனிப்பட்ட இடமும் தனியுரிமையும் மதிக்கப்பட வேண்டும். பின்வரும் பட்டியல் பொருத்தமற்ற நடத்தைக்கான எடுத்துக்காட்டுகளை வழங்குகிறது, ஆனால் அது முழுமையானது அல்ல.

• மக்களை தர்மசங்கடமாக உணரச்செய்யக்கூடிய நடத்தைகள் மற்றும் கருத்துகள் ஏற்கத்தக்கவை அல்ல. எடுத்துக்காட்டுகளில், முழங்கையால் மென்மையாக இடிப்பது, விசில் அடிப்பது மற்றும் கண்ணடிப்பது ஆகியவை அடங்கும். உங்களுக்குத் தெரியாதவர்களைத் தொடுவதோ அல்லது பாலியல் எண்ணத்துடன் பழக்குவதோ கூடாது.
• பாதிப்பில்லாததாகக் கருதக்கூடிய சில உரையாடல்களும் கூட மனதைப் புண்படுத்தலாம். தோற்றம், உணரப்பட்ட பாலின அடையாளம் அல்லது பாலியல் நோக்குநிலை குறித்து கருத்துத் தெரிவிக்கக் கூடாது. “நீங்கள் உறவில் இருக்கிறீர்களா?” போன்ற தொடர்பில்லாத தனிப்பட்ட கேள்விகளைக் கேட்பதைத் தவிர்க்கவும். உங்களின் தனிப்பட்ட அல்லது வேறொருவரின் பாலியல் வாழ்க்கையைப் பற்றி விவாதிப்பது, ஆபாசமாகப் பேசுவது, பாலியல் குறித்த நகைச்சுவைகளைக் கூறுவது ஆகியவற்றைத் தவிர்க்கவும்.
• பாலியல் உறவு கூடாது என்ற விதியை ஊபர் கொண்டுள்ளது. பயணத்தின்போது உட்பட ஊபர் ஆப்களைப் பயன்படுத்தும்போது பாலியல் தொடர்பு தடைசெய்யப்பட்டுள்ளது. இங்கே மேலும் அறிக.