முதன்மைப் பக்கத்திற்குச் செல்லவும்

ஒருவருக்கொருவர் பாதுகாப்பாக இருக்க உதவுங்கள்

பாதுகாப்பான சூழலை உருவாக்க உதவுவதில் அனைவருக்கும் பங்கு உள்ளது. அதனால்தான் அக்கவுண்ட் பகிர்வு, அக்கவுண்ட் வைத்திருப்பவரின் வயது மற்றும் பலவற்றில் தரநிலைகளை வைத்திருக்கிறோம்.

அக்கவுண்ட் பகிர்வு அனுமதிக்கப்படாது. எந்த ஊபர் ஆப்பையும் பயன்படுத்த, நீங்கள் பதிவு செய்து அக்கவுண்ட்டைச் செயலில் பராமரிக்க வேண்டும். உங்கள் கணக்கை மற்றொரு நபர் பயன்படுத்த அனுமதிக்கக் கூடாது. உங்கள் உள்நுழைவுத் தகவலை வேறு யாருடனும் பகிரக் கூடாது.

  • உங்கள் அக்கவுண்ட்டைப் பாதுகாத்திடுங்கள். உங்கள் கணக்கை வேறு யாரேனும் அணுக அனுமதிக்காதீர்கள். எங்கள் வயதுத் தேவையைப் பூர்த்தி செய்கின்ற மற்றொரு நபருக்குப் பயணத்தைக் கோருவது நல்லது, அது ஊபரின் சமூக வழிகாட்டுதல்களின் மீறலாகாது.

  • உங்கள் அக்கவுண்ட்டைப் பாதுகாத்திடுங்கள். உங்கள் அக்கவுண்ட்டைப் பயன்படுத்தி ஊபர் ஆப்பின் மூலம் வேறு யாராவது கோரிக்கைகளை ஏற்க அனுமதிக்காதீர்கள்.

  • உங்கள் அக்கவுண்ட்டைப் பாதுகாக்கவும். உங்கள் அக்கவுண்ட்டைப் பயன்படுத்தி வேறு யாரேனும் ஸ்கூட்டர் அல்லது பைக்கை வாடகைக்கு விடுவதற்கு அனுமதிக்க வேண்டாம்.

பயணி அக்கவுண்ட் வைத்திருக்க நீங்கள் 18 வயது அல்லது அதற்கு மேற்பட்டவராக இருக்க வேண்டும். அக்கவுண்ட் வைத்திருப்பவர்கள் தங்களின் துணையின்றி அல்லது வேறொரு பெரியவரின் துணையின்றி 18 வயதிற்குட்பட்டவர் பயணிப்பதற்காக பயணத்தைக் கோர முடியாது. அக்கவுண்ட் வைத்திருப்பவர்கள் 18 வயதிற்குட்பட்ட ஒருவர் பயன்படுத்துவதற்காக பைக் அல்லது ஸ்கூட்டரை வாடகைக்கு எடுக்க முடியாது.

  • உங்கள் பயணி 18 வயதிற்குட்பட்டவர் போன்று தோன்றினால், நீங்கள் பயணத்தை நிராகரித்து ஊபருக்குப் புகாரளிக்கலாம். இந்தக் காரணத்திற்காக பயணங்களை மறுப்பதோ ரத்துசெய்வதோ உங்கள் ஓட்டுநர் மதிப்பீட்டைப் பாதிக்காது என்பதை நினைவில் கொள்க. நீங்கள் ஏன் பயணத்தை ஏற்க முடியாது என்பதை உங்கள் பயணிக்குத் தெரியப்படுத்துவதும் நல்லது. இதனால் என்ன நடந்தது என்று அவர்கள் காரணம் தெரியாமல் தவிக்கும் நிலை ஏற்படாது.

  • 18 வயதிற்குட்பட்ட நபருக்காக பெரியவர்கள் பயணத்தைக் கோரவோ அல்லது அவரைத் தனியாகப் பயணிக்கவோ அனுமதிக்க முடியாது.

  • ஊபர் ஆப்பைப் பயன்படுத்தி பைக் அல்லது ஸ்கூட்டரை 18 வயதிற்குட்பட்டவர்கள் வாடகைக்கு எடுக்க அனுமதிக்கப்படாது.

ஊபருடன் வாகனம் ஓட்டும்போது, கோரும் பயணி மற்றும் அவரின் விருந்தினர்களைத் தவிர வேறு யாரும் வாகனத்தில் அனுமதிக்கப்படாது. ஊபருடன் பயணிக்கும்போது, தங்களின் முழுத் தரப்பின் நடத்தைக்கு அக்கவுண்ட் வைத்திருப்பவரே பொறுப்பு. வேறு பெரியவர்களுக்காக நீங்கள் ஒரு பயணத்திற்கோ, பைக் அல்லது ஸ்கூட்டரை வாடகைக்கு எடுப்பதற்கோ கோரினால், பயணத்தின்போது அவர்களின் நடத்தைக்கு நீங்களே பொறுப்பாவீர்கள்.

கூடுதலாக, ஊபர் ஆப்பை டெலிவரி சேவையாகப் பயன்படுத்தக்கூடாது என்பதை நினைவில் கொள்ளுங்கள். ஒரு பொருள் மற்றும்/அல்லது தொகுப்பை டெலிவரி செய்வதற்கான நோக்கங்களுடன் ஒரு பயணி கோரியிருந்தால் அந்தப் பயணத்தை ஏற்க மறுப்பதற்கான அல்லது ரத்து செய்வதற்கான உரிமை ஓட்டுநர்களுக்கு உள்ளது. தொகுப்பு மற்றும்/அல்லது பொருளை டெலிவரி செய்வதற்காக ஊபர் ஆப்களைப் பயன்படுத்த நீங்கள் தேர்வுசெய்தால், தொகுப்பு(கள்) மற்றும்/அல்லது பொருட்(களுக்கு) என்ன நடந்தாலும் அதற்கு நீங்களே முழுப் பொறுப்பாவீர்கள். அத்தகைய தொகுப்புகள் மற்றும்/அல்லது பொருட்களை உள்ளடக்குகின்ற காப்பீடு ஊபரிடம் இல்லை.

எளிதான பிக்அப்பிற்காக, ஓட்டுநரின் வாகன உரிம எண், வாகனத்தின் தயாரிப்பு மற்றும் மாடல், சுயவிவரப் புகைப்படம் மற்றும் பெயர் உட்பட ஓட்டுநர்கள் மற்றும் அவர்களின் வாகனங்கள் பற்றிய அடையாளங்காணக்கூடிய தகவல்களைப் பயணிகளுக்கு ஊபர் ஆப்கள் வழங்குகின்றன.

  • ஊபர் துல்லியமான தகவல்களை வழங்கக்கூடிய வகையில், உங்கள் வாகனத் தகவல்களையும், காலாவதியாகவுள்ள ஓட்டுநர் உரிமம் போன்ற செல்லுபடியாகாமல் போகக்கூடிய உங்கள் ஆவணங்களின் புதுப்பிப்புகளையும் எங்களுக்குத் தெரியப்படுத்துங்கள்.

  • ஆப்பில் வழங்கப்பட்ட தகவல்களுக்கு எதிராக உங்கள் பயணத்தை எப்போதும் சரிபார்க்கவும். 'சரியான அடையாளப்படுத்தும் தகவல் இல்லாத ஓட்டுநருடன் காரில் ஏற வேண்டாம்.

கார் விபத்துகள் காரணமாக ஏற்படக்கூடிய உயிரிழப்புகளையும் காயங்களையும் குறைப்பதிலான சிறந்த வழிமுறை சீட் பெல்ட்டைப் பயன்படுத்துவது. ஓட்டுநரும், பின் இருக்கையில் உள்ள பயணிகள் உட்பட அனைத்துப் பயணிகளும்-எப்போதும் சீட் பெல்ட் அணிந்திருக்க வேண்டும். பயணிகள் தங்கள் தரப்பில் உள்ள அனைவருக்கும் போதுமான சீட் பெல்ட்களைக் கொண்ட ஒரு காரைக் கோர வேண்டும். மேலும் தங்கள் காரில் உள்ள எல்லாப் பயணிகளுக்கும் போதுமான சீட் பெல்ட்கள் இல்லாத பட்சத்தில் ஓட்டுநர்களால் பயணத்தை நிராகரிக்க முடியும்.

பைக், மோட்டார் சைக்கிள் அல்லது ஸ்கூட்டரில் பயணம் செய்யும்போது, உங்கள் பாதுகாப்பிற்காக நன்கு பொருந்தக்கூடிய ஹெல்மட்டை அணிந்து கொள்ளுங்கள். உற்பத்தியாளரின் அறிவுறுத்தல்களின்படி அணியும்போது ஹெல்மெட் உங்களைப் பாதுகாக்க உதவும்: உங்கள் நெற்றியை மறைத்து இருக்கும்படி, உங்கள் தாடைக்குக் கீழ் நெருக்கமாகக் கட்டவும்.

ஊபர் ஆப்களைப் பயன்படுத்தும் எவரும், ஊபர் அல்லது தொடர்புடைய அதிகாரிக்குப் புகாரளிக்க விரும்பும் சிக்கலை ஆவணப்படுத்துவது உட்பட, பொருந்தக்கூடிய சட்டங்களால் அனுமதிக்கப்பட்ட அளவிற்கு ஒரு பயணம் அல்லது டெலிவரியை முழுமையாகவோ பகுதியளவிலோ பதிவு செய்யத் தேர்வு செய்யலாம். பொருந்தக்கூடிய சட்டங்கள் அல்லது ஒழுங்குமுறைகளின்படி, பதிவுசெய்யும் சாதனத்தைப் பயன்படுத்தும் எந்தவொரு நபரும் பதிவு செய்யப்படுகின்ற நபருக்குத் தகவலளிக்க வேண்டிய மற்றும்/அல்லது அவரின் ஒப்புதலைப் பெற வேண்டிய தேவை உள்ளது. இவை பொருந்துகின்றவா எனப் பார்க்க, உங்கள் உள்ளூர் விதிமுறைகளைப் பார்க்கவும்.

ஒரு நபரின் படம், ஆடியோ அல்லது வீடியோ பதிவை ஒளிபரப்புவது அனுமதிக்கப்படாது.

சாலையில் இருப்பது என்பது உங்களையும் மற்றவர்களையும் பாதுகாப்பாக வைத்திருக்க உங்கள் பங்கைச் செய்வதாகும். இது சாலையைப் பார்த்து கவனமாக வாகனம் ஓட்டுதல், நன்கு ஓய்வெடுத்தல் மற்றும் விரைவான நடவடிக்கை தேவைப்படும் சூழ்நிலைகளைக் கவனித்தல் போன்றவற்றைக் குறிக்கும். பாதுகாப்பற்றதாக இருக்கச் சாத்தியமுள்ள வகையில் வாகனம் ஓட்டும் நடத்தை பற்றிய புகார்களை நாங்கள் மதிப்பாய்வு செய்கிறோம்.

தொழிற்துறைப் பாதுகாப்பு மற்றும் பராமரிப்புத் தரநிலைகளின்படி, பிரேக்குகள், சீட் பெல்ட்கள் மற்றும் டயர்கள் ஆகியவற்றுடன் ஓட்டுநர்கள் தங்கள் வாகனங்களை நல்ல இயக்க நிலையில் பராமரிக்க வேண்டும் என்றும், வாகன உற்பத்தியாளரின் நினைவூட்டலின்படி எந்தப் பாகங்களையும் அவர்கள் கண்காணித்து சரிசெய்யவேண்டும் என்றும் எதிர்பார்க்கப்படுகிறது.

பாதுகாப்பான சாலைகள் என்பது பாதுகாப்பான நடத்தையைப் பயிற்சி செய்வதாகும். இதில் சாலையில் பயணம் செய்பவர்கள் எவ்வாறு சென்றாலும், அவர்களின் மீது கவனம் செலுத்தி வாகனம் ஓட்டுவதும் உள்ளடங்குகிறது.

  • வாகனத்திலிருந்து வெளியேறுவதற்கு முன்பு எப்போதும் உங்களுக்கு ஏதேனும் தீங்கு ஏற்படாமல் இருப்பதில் விழிப்பாக இருங்கள், மேலும் சைக்கிள் ஓட்டுபவர்கள், கார்கள், பாதசாரிகள் மற்றும் ஸ்கூட்டர்கள் குறித்து கவனமாக இருங்கள்.

  • பைக், ஸ்கூட்டர் அல்லது கால்நடையாகப் பயணம் செய்யும் மற்றவர்கள் குறித்து எச்சரிக்கையாக இருங்கள். மேலும் உங்களுக்கு முன்னால் உள்ள சாலை நிலைமைகளைப் பற்றி அறிந்திருங்கள்.

இயற்கைப் பேரழிவுகள், பொது சுகாதார அவசரநிலைகள் மற்றும் பொது நெருக்கடி சூழ்நிலைகள் ஆகியவற்றுடன் மட்டுமல்லாமல், பொது அவசர காலங்களில் எங்கள் தளத்தின் பாதுகாப்பைப் பாதுகாக்க ஊபர் கூடுதல் நடவடிக்கைகளை எடுக்கக்கூடும்.

எடுத்துக்காட்டாக, ஊபர் இயங்குதளத்தைப் பயன்படுத்தும் ஒருவர் பொது மக்களுக்குத் தீங்கு விளைவிப்பதற்குச் சாத்தியமாக இருக்கிறார் என ஒரு பொது சுகாதார அதிகாரியிடமிருந்து ஊபர் அறிக்கையைப் பெற்றால், அந்தத் தனிநபரின் அக்கவுண்டைக் காத்திருப்புப் பட்டியலில் வைத்திருப்போம். அவருக்கு அனுமதியளிப்பது பாதுகாப்பானது என்று உறுதிசெய்த பிறகே, அவர் ஊபர் இயங்குதளத்தை மீண்டும் பயன்படுத்த அனுமதிப்போம். பொது சுகாதார அவசரநிலை, இயற்கைப் பேரழிவு அல்லது பிற பொது நெருக்கடி சூழ்நிலைகள் ஆகியவற்றின் போது அல்லது ஊபர் இயங்குதளம் தொடர்ந்து பயன்படுத்துவதற்குக் கிடைப்பது, வெளிப்படையான, நடப்பு ஆபத்தை ஏற்படுத்தக்கூடும் சமயங்களில் அதிகாரிகளின் வழிகாட்டுதலுக்கு இணங்கும் விதமாக, ஒட்டுமொத்த நகரம் அல்லது வட்டாரத்தில் தனிநபர்கள் ஊபர் இயங்குதளத்தைப் பயன்படுத்துவதை, நாங்கள் பகுதியளவு அல்லது மொத்தமாகத் தடுக்கக்கூடும்.

அனைவரையும் மரியாதையுடன் நடத்துங்கள்

சட்டத்தைப் பின்பற்றுங்கள்