Uber உடன் ஓட்டும்போது பாதுகாப்பிற்கு முன்னுரிமை அளித்தல்

உங்கள் உரிமத் தகடு, உங்கள் காரின் மேக் மற்றும் மாடல் மற்றும் அவர்களின் ஆப்பில் காட்டப்படும் புகைப்படத்துடன் உங்கள் புகைப்படத்தின் பொருத்தம் ஆகியவற்றைச் சரிபார்ப்பதன் மூலம் உங்களைக் கண்டுபிடிக்குமாறு பயணிகளுக்குக் கூறப்படும். உங்கள் வாகனத்தில் நுழைவதற்கு முன்பு உங்கள் பெயரை உறுதிப்படுத்துமாறு பயணிகளிடம் நீங்கள் தாராளமாகக் கேட்கலாம்.

விழிப்புடன் இருப்பது, சாலையைப் பார்த்தபடியே ஓட்டுவது, தூக்கக்கலக்கத்தில் ஓட்டுதலைத் தடுக்க, தேவைப்படும்போது ஓய்வெடுப்பது ஆகியவற்றின் மூலம் சாலைகளைப் பாதுகாப்பாக வைத்திருக்க நீங்கள் உதவ முடியும். நினைவில் கொள்ளுங்கள்: ஓட்டும் போது குறுஞ்செய்தி அனுப்புவது பெரும்பாலான மாநிலங்களிலும் நாடுகளிலும் சட்டவிரோதமானது. சில ஓட்டுநர்கள் ஆபத்தான கவனச்சிதறல்களைக் குறைக்க உதவுவதற்காக, தங்கள் தொலைபேசியை எளிதாகப் பார்க்கக்கூடிய இடத்தில் வைக்க ஒரு மவுண்டைப் பயன்படுத்துகிறார்கள். சில நகரங்களில், சட்டங்கள் அவற்றைப் பயன்படுத்தும்படி வேண்டுகின்றன.

ஆப்பின் மூலம் உங்கள் பயணியை நீங்கள் அழைக்கும்போதோ அவருக்குச் செய்தி அனுப்பும்போதோ உங்கள் தொலைபேசி எண்ணை அநாமதேயப்படுத்தும் தொழில்நுட்பத்தை நாங்கள் பயன்படுத்துகிறோம், இதனால் அவர்கள் உங்கள் தனிப்பட்ட எண்ணைப் பார்க்க மாட்டார்கள்.*

பல இடங்களில், ஓட்டுநர்கள் மற்றும் பயணிகள் ஆகிய இருவரும் சீட் பெல்ட்டைப் பயன்படுத்துமாறு சட்டத்தால் வேண்டப்படுகிறது. உயிர்களைக் காப்பாற்றுவதற்கும் கார் விபத்துக்கள் தொடர்பான காயங்களைக் குறைப்பதற்கும் இது மிகவும் பயனுள்ள வழியாகும்.

நடைபயிற்சியும் பைக்கிங்கும் செய்பவர்கள் குறித்து கவனமாக இருக்கும்படி சாலையின் பொதுவான விதிகள் கூறுகின்றன. நீங்கள் ஒரு இறங்குமிடம் அல்லது பிக்அப் இடத்தை நோக்கிச் செல்லும்போதும், இரவில் ஓட்டும்போதும் இது குறிப்பாக முக்கியமானது.

பயணிகளின் இறங்குமிடம் குறித்த உள்ளூர் சட்டங்களை அறிந்திருப்பது, ஏற்றும் பகுதிகள், பார்க் செய்யப்பட்ட வாகனங்கள் போன்ற பலவற்றை நீங்கள் எதிர்கொள்ளும்போது உங்களுக்கு உதவும்.

உங்கள் உள்ளுணர்வு மற்றும் அனுபவத்தை நம்புங்கள் மற்றும் Uber உடன் வாகனம் ஓட்டும்போது உங்கள் சிறந்த தீர்ப்பைப் பயன்படுத்துங்கள். நீங்கள் எப்போதாவது அவசரகாலச் சூழ்நிலையில் இருப்பதாக உங்களுக்கு உணர்வு ஏற்பட்டால், உங்கள் ஆப்பில் உள்ள அவசரநிலை பட்டனைப் பயன்படுத்தி அவசர உதவியைப் பெற்றுக்கொள்ளலாம். நீங்கள் பாதுகாப்பற்றதாக உணர்ந்தால் எந்த நேரத்திலும் பயணத்தை முடிக்க முடியும் என்பதை நினைவில் கொள்ளுங்கள்.

ஒவ்வொரு அனுபவமும் பாதுகாப்பான, மரியாதைக்குரிய மற்றும் நேர்மறையானதாக உணர உதவும் வகையில் Uber-இன் சமூக வழிகாட்டல்கள்' உருவாக்கப்பட்டுள்ளன. இந்தத் தரநிலைகளைப் பின்பற்றவேண்டியது நம் அனைவருடைய பொறுப்பு, இதன்மூலம் ஒரு பாதுகாப்பான மற்றும் வரவேற்கிற சமூகத்தை உருவாக்குவதில் நாம் உதவலாம்.

ஒவ்வொரு பயணத்திற்கும் பிறகு, உங்கள் பயணிக்கு 1 முதல் 5 நட்சத்திரங்கள் வரை மதிப்பிடவும், உங்கள் ஆப்பில் உள்ள உதவி என்ற பிரிவு மூலம் உங்கள் கருத்துகளைச் சேர்க்கவும் உங்களுக்கு வாய்ப்பு உள்ளது. வாரத்தின் 7 நாட்களும், நாளின் 24 மணிநேரமும் செயல்படும் எங்கள் பதிலளிப்புக் குழு அந்தச் சம்பவத்தை மதிப்பாய்வு செய்யும்.