Usalama
Usaidizi
Ruka uende katika maudhui ya msingi
Angalia ripoti kamili ya D&I ya mwaka wa 2019
Safiri
Endesha gari
Uber for Business
Kuingia katika akaunti ya dereva
Pata chochote unachohitaji ili uweze kufuatilia mafanikio yako unaposafiri.
Kuingia katika akaunti ya msafiri
Dhibiti njia zako za kulipa, kagua historia ya safari na zaidi.
Chagua lugha ambayo unapendelea
Unaona maelezo ya . Ili uone vipengele na huduma zilizo mahali pengine, tafadhali chagua mji tofauti.
Je, unasafiri?
Uanuai na Ujumuishaji
Katika Uber, lengo letu ni kutoa fursa za kiuchumi kwa kuleta huduma ya usafiri. Tunaona uhusiano uliopo kati ya jinsi tunavyozindua fursa kupitia kampuni yetu na jinsi tunavyozizindua ndani ya kampuni yetu. Lakini pia tunajua kwamba mtazamo unaoongozwa na data pekee hautoshi, kwa sababu Uanuai na Ujumuishaji ni zaidi ya hatua ya kuteua kisanduku au shabaha ya kulenga. Takwimu ni muhimu, lakini ni mwanzo tu; ahadi ya kutii uanuai na ujumuishaji inahusu mengi zaidi.
Ndiyo maana tumejiwekea lengo thabiti: kuifanya Uber kuwa sehemu ya kufanyia kazi kote duniani inayothamini zaidi uanuai, usawa na ujumuishaji. Na hatuweki matarajio makuu kwa manufaa yetu pekee. Tunalenga juu zaidi kwa sababu tunafahamu (kupitia uzoefu) kwamba hatua ya kupunguza na kuondoa matukio yasiyo ya usawa ni jambo gumu kutimiza ikiwa unalenga mabadiliko madogo madogo tu.
Athari kwa jamii
Katika mwaka wa 2018, Uber iliunga mkono miradi mingi na ushirika mpya unaoshughulikia ukosefu wa usawa na kuleta mabadiliko ya kudumu nje ya wigo wa biashara yetu kote duniani.
Kwa mfano katika jiji letu la San Francisco, tunashirikiana na
Pia tunatoa usaidizi kwa jamii nyakati za mahitaji. Mwaka uliopita, Uber ilianzisha hazina ya usaidizi wakati wa majanga ili kutoa usafiri, chakula na misaada mingine bila malipo kwa watu wanaoathiriwa na kimbunga, mioto ya asili na majanga mengine ya kimaumbile mbali na kuwasaidia watoa huduma za kwanza. Mnamo 2018, kupitia Wiki ya Huduma ya #UberInTheCommunity, tuliwawezesha zaidi ya wafanyakazi 3,400 katika zaidi ya miji 100 kujitolea katika zaidi ya matukio 315. Hili ni ongezeko la matukio kwa 150%, ongezeko la 55% katika ushiriki wa wafanyakazi na ongezeko la 85% kwa miji iliyoshiriki tangu tuanzishe Wiki ya Huduma mnamo 2017.
Kuzindua fursa
Kuanzia katika ofisi zetu za shirika hadi kwa madereva wetu washirika kote duniani, uanuai ni moja ya vitu tunavyothamini. Ndiyo maana tunafanya kila tuwezalo ili kuongeza Uanuai na Ujumuishaji katika harakati zetu za kukuza vipaji, kubuni desturi ya kimataifa inayoenzi utofauti na kumpa kila mfanyakazi na kila mshirika nyenzo na usaidizi anaohitaji ili kukua, kustawi na kufaulu.&
Ili kuhakikisha kwamba viongozi wetu wakuu wanawajibikia kazi hii muhimu, tunazingatia “hatua ya malengo ya Uanuai na Ujumuishaji yanayoweza kupimwa” kama mojawapo ya vipimo vya kutathmini utendakazi na kubaini kiwango cha malipo kwa watendaji. Kupitia ushirikiano wetu mpya na wa kipekee na Harvard Business School Online, tunatoa elimu ya kipekee kwa watendaji waliopo na watarajiwa tukizingatia kwa njia mahususi mada za utamaduni, uongozi na ujumuishaji. Katika mwaka wa 2019, tunajaribu miradi mbalimbali ya ufadhili, ushauri na mafunzo kwa wafanyakazi katika ngazi zote. Tunalenga kusambaza miradi hii kwa ukamilifu katika sekta zote za kampuni kote duniani.
Pia tumeahidi kwa dhati na hadharani kutii usawa wa kijinsia kwa kutii California Pay Equity Pledge. Tulipiga hatua nzuri katika lengo hili 2018 na tunafurahia mafanikio ya hatua hiyo.
Utamaduni na undugu
Kubuni mazingira anuai na jumuishi kabisa ya kazi kote duniani hakutawezekana ikiwa tutakubali mabadiliko madogo madogo. Hatua ya kufanikisha maono thabiti ya Uber inatahitaji vitendo vya ukakamavu, kuanzia kufanya mabadiliko kamili kuhusu jinsi kampuni ya Uber inavyofanya kazi. Kwa upande wetu, hali hiyo ilianza kwa kubadilisha kabisa desturi zetu.
Katika utafiti wetu wa Global Self-ID, tuliwaomba wafanyakazi wa Uber kote duniani kujitolea kutupatia taarifa kuhusu wanavyojitambulisha, ili tuweze kubaini na kuyasaidia makundi mbalimbali ya watu ambao tayari tunafanya nao kazi. Ndiyo maana tumebuni Mwongozo wa Mpito wa Kijinsia kwa ajili ya wafanyakazi waliobadilisha jinsia, wasiojitambulisha kuwa wa kike wala wa kiume na wasioegemea jinsia yoyote, ambao wanapanga au wanapitia mchakato wa kubadili jinsia.
Katika mwaka unaoendelea, tunapanga kuboresha haya na uwekezaji mwingine kwa watu na desturi zetu. Iwe ni kwa kupanua Vikundi vyetu 12 vya Rasilimali za Wafanyakazi (ambavyo kwa sasa vina zaidi ya thuluthi ya wafanyakazi wote wa Uber kote duniani) au kwa kupanua sera yetu ya likizo kwa wazazi wote, bila kujali jinsia au hali ya ulezi, iwe wanalipwa kwa saa au wana mshahara, hatutasita hadi Uber iwe sehemu ya kazi ambapo kila mtu anahimizwa na kuwezeshwa kufanikiwa.
Los Ubers
Jumuiya ya Uber inayotetea wafanyakazi wenye asili ya Kihispania na Amerika Kusini
Pata maelezo zaidi
Interfaith at Uber
Jumuiya ya Uber inayotetea wenye imani na itikadi mbalimbali za kidini
Pata maelezo zaidi
Ujumuishaji wa kimfumo
Baadhi ya majukumu muhimu ya Uanuai na Ujumuishaji hufanyika chinichini, katika maandalizi na utekelezaji wa mifumo ya rasilimaliwatu. Ndiyo maana tumeimarisha na kuboresha mafunzo ya Uber kwa wasimamizi wa kuajiri katika Uber ili kuboresha weledi katika ujumuishaji wakati wa mahojiano ya kuajiri. Viongozi wetu wamejitolea kuhakikisha kwamba kuna dodoso anuai wakati wote wa kuajiri watendaji. Tunafanya jaribio la utekelezaji wa mikakati inayozingatia kanuni ya Rooney Rule katika kuajiri wafanyakazi wa ngazi ya kati huku tukiwa na lengo la kuupanua katika ngazi zote siku za usoni.
Kupitia timu zetu za Usimamizi wa Vipaji na Fani, Uber inaendelea kuhakiki, kuunda upya na kujenga sifa ya ujumuishaji katika mifumo na mipango yetu ambayo inaathiri zaidi jinsi wafanyakazi wanavyostawi na kufanikiwa. Tumetambua kwamba mipango ya ufadhili ni bora hasa katika kutusaidia kutambua na kukuza desturi nzuri, jumuishi na endelevu ya kizazi kijacho cha wafanyakazi.
Ni muhimu kuhakikisha kwamba mitazamo ya kimaadili ya wafanyakazi wa Uber inalingana na mahitaji ya waajiriwa yanayozingatia anuai. Kuanzia kutoa usaidizi kamili wa afya ya akili kwa wafanyakazi na ndugu kupitia mshirika wetu Lyra, hadi kuwasaidia wafanyakazi katika hatua zote za utunzaji wa uzazi kupitia Progyny, tunaendelea kuuliza, “Ni kipi wafanyakazi wa Uber wanahitaji ili kuwa salama na wenye afya?”
Uongozi wa shirika
Kote duniani, Uber inachukua jukumu la kuwa chachu ya kuleta mabadiliko katika masuala mbalimbali yanayoathiri kila jamii ambako tunahudumu. Mwaka uliopita, tulishirikiana na Polaris, shirika lisilo la serikali ambalo huendesha Namba ya Simu ya Usaidizi Dhidi ya Usafirishaji Haramu wa Binadamu, katika Mwezi wa Kuhamasisha Jamii dhidi ya Usafirishaji Haramu wa Binadamu ili kusaidia kuelimisha umma kuhusu janga hili.
Nchini Marekani, tumekuwa miongoni mwa vuguvugu la kampuni na watunga sheria waliojitolea kuwapa watu fursa nyingine ya kufanya kazi na hatujawahi kumuuliza mfanyakazi mtarajiwa ikiwa ana historia ya uhalifu. Katika ngazi ya jimbo, tumesawazisha michakato yetu ya kuchunguza madereva ili kulingana na marekebisho yanayofanywa katika jimbo, ya kutambua makosa ya ngazi ya chini kuwa ukiukaji mdogo wa sheria badala ya jinai.
Kitaifa, Uber ni mwanachama wa Coalition for the American Dream, kikundi cha utetezi kinachopinga kuhamishwa kwa watu waliozaliwa Marekani na wazazi wasio na hati rasmi za kuishi. Tumejiunga na Human Rights Campaign’s Business Coalition for the Equality Act, vuguvugu la mashirika yanayoongoza duniani yanayounga mkono ulinzi thabiti wa watu wa jumuiya ya LGBTQ+ kazini. Katika msimu uliopita wa mapukutiko, Uber pamoja na kampuni nyingine 20 zilishirikiana kuzindua Muafaka wa Step Up katika Mkutano Mkuu wa Dunia wa Mabadiliko ya Tabianchi, kwa sababu mabadiliko ya tabianchi yapo ni tishio linaloweza kuathiri wakati wowote, tumejitolea kuhakikisha kwamba siku za usoni hazitakuwa na athari za hewa ukaa na ni endelevu zaidi.
"Katika Uber, tunathamini utofauti na tumejitolea kubuni desturi inayoheshimu na kumfanya kila mtu ajihisi huru, kwamba anasaidiwa na kuhamasika. Ili kusaidia Uber ifikie upeo wa uwezo wake, hatua ya kuheshimu uanuai na ujumuishaji inafaa kuwa msingi wa kila kitu tunachofanya."
—Dara Khosrowshahi, Afisa Mtendaji Mkuu, Uber
"Uanuai na ujumuishaji hauhusu tu kubadilisha mfumo au mchakato mmoja, pia unahusu kuwapa watu fursa halisi za kujiendeleza ambazo zitabadilisha mienendo na mitazamo yao ya kila siku. Tukichukua hatua sahihi, timu zilizo na wafanyakazi wenye asili mbalimbali zinaweza kuwa rasilimali yetu kuu kwa sababu ni timu kama hizo ambazo huleta mabadiliko ya ubunifu."
—Bo Young Lee, Afisa Mkuu Anayesimamia Masuala ya Uanuai na Ujumuishaji katika Uber
Uwakilishi wa wafanyakazi wetu
Tangu ripoti yetu iliyopita ya uanuai, Uber imeongeza idadi ya wafanyakazi kwa kiasi kikubwa. Kadri tunavyozidi kukua, tunazingatia pakubwa jinsi tunavyowachukua watu na kuwakuza.
Haya ndiyo mabadiliko katika jumla ya idadi ya watu kuanzia mwaka uliopita hadi mwaka huu (2019 ikilinganishwa na 2018):
Idadi ya wanawake iliongezeka kwa 42.3%. Mabadiliko haya yalikuwa dhahiri hasa katika kitengo cha teknolojia (ambapo idadi ya jumla ya wanawake iliongezeka kwa 47.9%) na uongozi katika teknolojia (ongezeko la 35.3%).
Eneo ambalo lilikuwa na ongezeko la juu kabisa la wanawake ni Amerika Kusini, ambapo idadi ya wanawake iliongezeka kwa 88.3%.
Nchini Marekani, idadi ya watu weusi/wenye asili ya Afrika na Wahispania/Amerika Kusini iliongezeka kwa 44.5% na 73.5%, mtawalia, kutoka 2018. Ongezeko hili lilikuwa dhahiri sana katika kitengo cha teknolojia (ongezeko la 65.0% na 74.3%, mtawalia).
Mbali na ongezeko la idadi kwa jumla, tumeongeza asilimia ya wafanyakazi wanawake, watu wenye asili ya Asia, Wamarekani Weusi/Waafrika na wenye asili ya Amerika Kusini. Ufuatao ni uchambuzi wa kina wa uwakilishi wa wafanyakazi wetu katika miaka 2 iliyopita.¹
Jinsia na asili ya kimataifa
Kuanzia 2018 hadi 2019, asilimia ya jumla ya wanawake na katika vitengo mbalimbali iliongezeka kote duniani (zaidi ya pointi 2.9 za asilimia). Vivyo hivyo, idadi ya wanawake iliongezeka katika kanda nyingi kote duniani (kuanzia zaidi ya pointi 0.2 na 4.0 za asilimia) na kuwa thabiti Ulaya, Mashariki ya Kati na Afrika. Nchini Marekani, asilimia ya wafanyakazi wasio na uwakilishi wa kutosha iliongezeka (zaidi ya pointi 1.2 za asilimia kwa wafanyakazi Weusi/Wamarekani Waafrika na zaidi ya 2.2 kwa wafanyakazi wenye asili ya Amerika Kusini), hasa katika vitengo vyetu vya teknolojia na huduma za usaidizi.
Uwakilishi wa jinsia kimataifa
%Wanaume%Wanawake
Uwakilishi mbari na kabila za Marekani²
%Wazungu
%Waasia
%Weusi au Wamarekani Waafrika
%Wahispania au Walatino
%Chotara
%Wahawaii au Jamii zingine za Visiwa vya Pasifiki
%Wamarekani Wahindi au Wenyeji wa Alaska
%URM
Jinsia kwa maeneo
%Wanaume%Wanawake
Muundo wa viongozi wetu
Katika uongozi kwenye vitengo mbalimbali, uwakilishi wa wanawake kimataifa uliongezeka (zaidi ya pointi 7.1 za asilimia), ikiwa dhahiri zaidi katika huduma zisizo za teknolojia (zaidi ya pointi 12.5 za asilimia). Mwaka uliopita, tulipiga hatua muhimu katika kuongeza uanuai wa walio katika ngazi za usimamizi, hata hivyo takwimu zinaonesha kwamba kuna haja ya kuzingatia wafanyakazi wanawake (chini ya pointi 1.8 za asilimia), Wamarekani Weusi/Waafrika (kutoka 0% hadi 0.8%) na Wahispania/Walatino (pia kutoka 0% hadi 0.8%) katika uongozi wa vitengo vya teknolojia. ⁴
Mtazamo wa kisekta wa wafanyakazi Marekani
Mwaka huu, tulianza kwa kuangalia kwa kina data ya wafanyakazi wetu kwa kuihakiki kwa msingi wa sekta. Kwa kuzingatia mwingiliano uliopo baina ya mbari/kabila na jinsia (Marekani), tumebuni mitazamo muhimu na bora kuhusu mielekeo mikuu, kutokana na hayo, tumeweza kufuatilia mikakati jumuishi na yenye athari kubwa ili kuendelea kuziba mapango na kuboresha desturi zetu.
Angalia ripoti ya Uwakilishi wa Kisekta
Hitimisho
Iwe kazini, barabarani au nyumbani, kila mtu mahali popote anafaa kuhisi uhuru wa kufurahia hali yake halisi. Katika mwaka uliopita, tumechangia mabadiliko bora katika ulimwengu wetu na tunaendelea kubuni kampuni yenye uanuai na mshikamano kwa mujibu wa malengo yetu. Tumepiga hatua za kufurahisha, lakini bado kuna mengi ya kufanya. Hatukomi hadi uanuai na ujumuishaji utakapokita kabisa katika kila jambo tunalofanya.
—Bo Young Lee, Afisa Mkuu Anayesimamia Masuala ya Uanuai na Ujumuishaji katika Uber
¹Data ni ilivyokuwa katika ya Machi 2018 na Machi 2019.
²Takwimu za mbari na kabila huenda zisifike 100% kwa sababu zimehesabiwa kuwa karibu na namba kamili.
³Kikosi chetu cha huduma ya usaidizi kina wafanyakazi wenye sifa ya Ngazi ya 1 na Ngazi ya 2, wakiwemo wafanyakazi wanaosaidia jumuiya, wataalamu walio katika Vituo vyetu vya Madereva, wajuzi wa Ukodishaji wa Muda, wajuzi wa mchakato wa ugavi na wahudumu wa magari yanayojiendesha.
⁴Uongozi unachukuliwa kuwa ngazi ya mkurugenzi kwenda juu.