آڈیو ریکارڈنگ
ہم سمجھتے ہیں کہ ہر ایک کو اعتماد کے ساتھ سواری کرنے اور چلانے کا حق ہے۔ اسی لئے ہماری توجہ ٹیکنالوجیز تیار کرنے اور اپنی سواریوں کو محفوظ تر بنانے کے طریقے تلاش کرنے پر ہے۔
حفاظت ہماری ترجیح ہے
اگر آپ اپنی سواری کے دوران دشواری محسوس کرتے ہیں تو ، آپ اب ایپ میں ہی سفر کی آڈیو ریکارڈ کرسکتے ہیں۔ آڈیو ریکارڈنگ کے آپشن تک رسائی حاصل کرنے کے لئے سیکیورٹی فیچر شیلڈ پر کلک کریں۔ یہ سفر ایپ میں ریکارڈ کیا جائے گا اور سواری ختم ہونے کے بعد آپ اسے اوبر کے ساتھ شیئر کرنے کا انتخاب کرسکتے ہیں۔
آپ کی رازداری محفوظ ہے
گاڑی میں موجود دوسرے فریق کو مطلع نہیں کیا جائے گا۔ تمام آڈیو ریکارڈنگ خفیہ ہے اور آپکی ڈیوائس میں موجود ہے۔ ڈرائیور اورسواری دونوں میں سے کوئی بھی اس ریکارڈنگ کونہیں سن سکتے ہیں۔
اوبر کی تفتیش میں مدد کریں
ہم حفاظت سے متعلق اطلاعات کو سنجیدگی سے لیتے ہیں۔ اگر آپ رپورٹ فائل / داخل کرتے ہیں تو ، ہماری سرگرم سیفٹی ٹیم بروقت آپ کی منسلک کردہ ریکارڈنگ کا جائزہ لے گی۔
اکثر پوچھے جانے والے سوالات
- اوبر ایپ میں آڈیو ریکارڈنگ کا فیچرکیا ہے؟
ایپ کے ذریعہ آڈیو ریکارڈنگ ایک نئی صلاحیت ہے جسے محفوظ ، آرام دہ اور پرسکون سفر کیلئے تیارکیا گیا ہے۔ ریکارڈنگ صرف صارف ہی شروع کر سکتا ہےاور وہ صارف کی ڈیوائس پر با حفاظت طریقے سے محفوظ ہوسکتی ہے۔ ریکارڈنگ کوسنا نہیں جاسکتا، اور اسے صرف اوبر کی ایپ کے ذریعہ بھیجی گئی حفاظتی رپورٹ سے منسلک کیا جاسکتا ہے۔ جب تک ریکارڈنگ کو حفاظتی رپورٹ سے منسلک نہیں کیا جاتا تب تک اوبر اس تک رسائی حاصل نہیں کرسکتی۔
- میں اوبر ایپ میں آڈیو ریکارڈنگ کہاں سے حاصل کرسکتا/سکتی ہوں؟
یہ سیفٹی ٹول کٹ کے زریعہ سے دستیاب ہے جسے دورانِ سفر نقشے پر شیلڈ کے آئیکن کو دبا کرنکالا جاسکتا ہے۔ فی الحال ہم سواریوں کیلئے آڈیو ریکارڈنگ کی خصوصیت کو اپ گریڈ کر رہے ہیں اور آنے والے ہفتوں میں یہ ایک بار پھر دستیاب ہوگی۔
- میں آڈیو ریکارڈنگ کب استعمال کرسکتا/سکتی ہوں؟
یہ خصوصیت منتخب کردہ مخصوص شہروں میں دستیاب ہے، سوار اور ڈرائیور اپنے اسمارٹ فون کے ذریعے ریکارڈنگ کرسکتے ہیں جبکہ گاڑی میں موجود دوسری فریق کوریکارڈنگ سے مطعلق آگاہ نہیں کیا جائے گا ، اور تمام سواروں اور ڈرائیوروں کو اس صلاحیت کی موجودگی کے بارے میں مطلع کیا گیا ہے۔
- آڈیو ریکارڈنگ کون استعمال کرسکتا ہے؟
سوار اور ڈرائیور دونوں ہی آزادانہ طور پر اپنی ڈیوائس کے ذریعہ ریکارڈنگ کا انتخاب کرسکتے ہیں۔ اوبر صرف اُسی صورت میں ہی کسی ریکارڈنگ کو سن سکتا ہے جب اسکو کسی حفاظت کی اطلاع سے منسلک کیا گیا ہو۔ ضرورت کے تحت اوبر مشترکہ ریکارڈنگ کومتعلقہ اداروں جیسے قانون نافذ کرنے والے اداروں کو فراہم کرسکتا ہے۔
- کیا ڈرائیور / سواربعد میں ریکارڈنگ سن سکتے ہیں؟
نہیں ، گاڑی میں موجود پارٹیوں کی رازداری کو برقرار رکھنے کے لئے ، ریکارڈکردہ مواد کو خفیہ بنایا گیا ہے۔ سوار اور ڈرائیوردونوں میں سے کوئی بھی اس کونہیں سن سکتے۔
- اگر میں ریکارڈنگ نہ کرنا چاہوں توکیا ہوگا؟
منتخب کردہ شہروں میں جہاں یہ سہولت دستیاب ہے وہاں سواروں اور ڈرائیوروں کو اپنی حفاظت کے لئے گفتگو کو ریکارڈ کرنے کی اجازت ہے۔ ہم کوشش کرتے ہیں کہ پلیٹ فارم کو ہر ایک کے لئے محفوظ بنایا جائے اور ان شہروں میں موجود تمام لوگوں کے قانونی حقوق کا احترام کیا جائے۔ ہم آپ کی رازداری کو بہت سنجیدگی سے لیتے ہیں اور ریکارڈنگ کو اوبر کی مخصوص سیفٹی ٹیم تک محدود رکھتے ہیں۔ اگر ہمیں کوئی ایسی ریکارڈنگ موصول ہوتی ہے جس میں حفاظتی واقعے سے کوئی ہم آہنگی نہیں ہوتی تو ہم اسے حذف/ڈیلیٹ کردیں گے۔
- اگر میں ریکارڈنگ نہیں بھیجتا/بھیجتی ہوں تو کیا تب بھی اوبر کی اس تک رسائی ہے؟
نہیں، ریکارڈنگ کو حفاظتی رپورٹ کے ساتھ پیش نہ کرنے کی صورت میں اوبر کو ریکارڈنگ تک رسائی نہیں ہے۔
- کیا یہ تب بھی ریکارڈنگ کرتا ہے جب میں کسی اور کے ساتھ فون پربات کرتا/کرتی ہوں؟
نہیں، مائکروفون فون کے استعمال میں ہو گا اور ریکارڈنگ خود بخود بند ہوجائے گی۔ کال کے بعد آپکو خود سے اسے دوبارہ شروع کرنا ہوگا۔
- کیا دورانِ ریکارڈنگ اوبر سن رہا ہے؟
نہیں، ریکارڈنگ آپ کی ڈیوائس میں ہوتی ہے جہاں اسے کوئی نہیں سن سکتا۔ اسے صرف اس صورت میں سنا جا سکتا ہے جب آپ اسے اوبر کے ساتھ شئیر کرنے کا انتخاب کرتے ہیں تاکہ ہم کسی حفاظتی واقع کا امکانی جائزہ لے سکیں۔
- کیا ڈرائیور / سوار کو معلوم ہوگا کہ میں ریکارڈنگ کر رہا/رہی ہوں؟
نہیں ، گاڑی میں موجود دیگر فریقین کو مطلع نہیں کیا جائے گا۔ اگر دوسرا شخص ریکارڈنگ شروع کرنے کا انتخاب کرتا ہے تب بھی یہی رازداری دونوں صورتوں میں کام کرتی ہے۔
- یہ سٹوریج میں کتنی جگہ استعمال کرے گا؟
یہ ڈیوائس کی بنیاد پر مختلف ہوگی۔ لیکن عام طور پر 5 سے 7 منٹ کی ریکارڈنگ 1mb جگہ لیتی ہے
- اوبر کے ساتھ شیئرکرنے کیلئے یہ کتنا خرچ کرتا ہے؟
ہم آپ کو وائی فائی سے منسلک ہوکر ریکارڈنگ کو ساتھ حفاظتی رپورٹ پیش کرنے کی ترغیب دیتے ہیں۔ بصورت دیگر ، آپ کے عام ڈیٹا کی شرحِ استعمال لاگو ہوں گی۔
- میں ریکارڈنگ کو کس طرح شیئر سکتا/سکتی ہوں؟
اس وقت شئیر کریں: سفر کے اختتام پر ایک پاپ اپ ونڈو نظر آئے گی ، آپ موقع پر ہی اوبر کے ساتھ شئیرکرسکتے ہیں۔ بعد میں شئیر کریں: ٹرپ ہسٹری پر جائیں اور ٹرپ کی تفصیلات کے مطابق ریکارڈنگ تلاش کریں اور اوبر کے ساتھ شیئر کریں۔ براہ کرم نوٹ کرلیں کہ آپ سفر iختتام کے بعد ہی اوبر کے ساتھ آڈیو شیئر کرسکتے ہیں۔
- میرے اوبر کے ساتھ ریکارڈنگ شیئر کرنے کے بعد کیا ہوگا؟
اوبر کی سیفٹی ٹیم کا ایک ممبر اس رپورٹ کا جائزہ لے گا اور اسے سنے گا۔ جائزہ پرانحصارکرتےہوئے ہماری پالیسیوں کے مطابق مناسب کارروائی کی جائے گی۔
- میں نے غلطی سے ریکارڈنگ ڈیلیٹ کردی ہے کیا اس کی واپسی کا کوئی طریقہ ہے؟
نہیں یہ مواد صرف آپکی ڈیوائس پر محفوظ ہے۔ اگر آپ اسے ڈیلیٹ کردیتے ہیں تو اوبر کے پاس اس کی واپسی کا کوئی طریقہ نہیں ہے۔
- ریکارڈنگ کب شروع ہوتی ہے؟
ریکارڈنگ تب ھی شروع ہوتی ہے جب آپ اسے سیفٹی ٹول کٹ کے ذریعے شروع کرنے کا فیصلہ کرتے ہیں۔
- ریکارڈنگ کب رکتی ہے؟
آپ کسی بھی وقت سیفٹی ٹول کٹ کے ذریعے ریکارڈنگ روک سکتے ہیں۔
- اگر میں ریکارڈنگ کو روکنا بھول جائوں تو کیا ہوگا؟
سواروں کے لئےریکارڈنگ سفر ختم ہونے کے فورا بعد ہی خود بخود بند ہوجائے گی۔ ڈرائیوروں کے لئے ریکارڈنگ آپکے آف لائن ہوتے ہی بند ہوجائے گی۔
- کیا یہ تب بھی ریکارڈنگ کر رہا ہوتا ہے جب میں اوبر ایپ پر نہیں ہوتا یا اوبر ایپ بند کر دیتا ہوں ؟
اگر آپ مختلف ایپس کو استعمال کر رہے ہوتے ہیں یا سفر کے دوران اپنے فون کو لاک کرتے ہیں تو ریکارڈنگ جاری رہتی ہے۔ اگر آپ نے اوبر ایپ کو بند کر دیا ہے تو ریکارڈنگ رک جائے گی۔
- آڈیو ریکارڈنگ فائل کہاں محفوظ ہے؟
آڈیو ریکارڈنگ کو خفیہ بنا کر اوبرایپ کے ایپ اسٹوریج میں اسٹور کیا جاتا ہے۔ یہ فائل سسٹم سے قابل رسائی نہیں ہے۔ آپ کسی بھی وقت اپنی ٹرپ ہسٹری تک رسائی حاصل کرکے کسی ریکارڈنگ کو ڈیلیٹ کرسکتے ہیں۔
- ریکارڈنگ کون سن سکتا ہے؟
صرف اوبر کی سیفٹی ٹیم کے پاس ریکارڈنگ سننےکی رسائی صرف اس صورت میں ہے جب اسے کسی سوار یا ڈرائیور کے ذریعہ پیش کی گئی کسی حفاظتی رپورٹ سے منسلک کیا گیا ہو۔ ضرورت کے تحت اوبر مشترکہ ریکارڈنگ کومتعلقہ اداروں جیسے قانون نافذ کرنے والے اداروں کو فراہم کرسکتا ہے۔
کے بارے میں
کے بارے میں