١٠ أماكن لازم تزورها في المنصورة

لمنصورة من أجمل المدن المصرية اللي بتطلّ على نهر النيل، واتسمت بالاسم ده بعد انتصار الجيش المصري في معركة المنصورة على الحملة الصليبية السابعة بقيادة الملك الفرنسي لويس التاسع. تعالوا معانا نقدّم لكم قائمة بأحسن الأماكن اللي ممكن تزوروها في المنصورة:

مُتحف المنصورة القومي

المكان ده كان اسمه قبل كده “دار ابن لقمان”، وله أهمية تاريخية وإسلامية كبيرة؛ وفيه تم أسر الملك لويس التاسع ملك فرنسا بعد معركة شرسة بالقرب من المنصورة عام ١٢٥٠ ميلاديًّا. ولسه لغاية دلوقتي موجود في المتحف بعض الأسلحة الحربية وملابس الحرب اللي استخدمت في المعركة، بالإضافة إلى الخوذة المعدنية والكرسي اللي قعد عليه وقتها ملك فرنسا الأسير. وبيضم المتحف كمان لوحات زيتية كبيرة بتصوّر هجوم الصليبيين وهزيمتهم وسقوط نحو ٣٠.٠٠٠ جندي صليبي.

المكان: شارع بورسعيد، ميدان الموافي

www.fineart.gov.eg

قصر الشناوي

بنى القصر ده مهندس إيطالي عام ١٩٢٨ وخلاه تحفة معمارية حقيقية، ومن أحسن القصور اللي اتبنت على الطراز الإيطالي خارج إيطاليا. ولو مهتم بالعمارة، جرّب تزور القصر ده المكوّن من دورين، وتتمشّى في حديقته اللي فيها أشجار نادرة ومتنوّعة، وتلقي نظرة على النافورة الجميلة اللي في الحديقة الخلفية للقصر.

المكان: شارع الجمهورية

بتطل مدينة المنصورة على الضفة الشرقية لفرع دمياط من نهر النيل، علشان كده من أروع الفسح إنك تاخد جولة بمركب في نيل المنصورة. وعلى الجانب المقابل من النيل، هتلاقي مدينة طلخا، وممكن توصلها من خلال أي كوبري من الكباري الكتيرة اللي بتربط المدينتين.

شارع السكة الجديدة هو أطول شوارع المنصورة، ومكان مثالي لأي حد عايز يتسوّق لأنه مليان بمحلات الدهب والملابس.

الحي ده جنب جامعة المنصورة، وبيعتبر مكان لأحدث صيحات الموضة ومليان بمحلات الأكلات السريعة زي دجاج كنتاكي وبيتزا هت وكوك دوور، وفيه كمان مول الجامعة بلازا بمحلاته المتنوّعة، وهناك دور سينما بتعرض أحدث الأفلام.

مطعم البغل مفتوح ٢٤ ساعة، وهو مطعم مميّز جدًّا لو بتحب الأكلات الشرقية زي الفول والفلافل.

المكان: ٣٠ شارع الجلاء

الجامع ده من الجوامع الأثرية المشهورة في محافظة الدقهلية وأسسه الملك الصالح نجم الدين أيوب عام ٥٨٣ هجريًّا أو ١١٨٧ ميلاديًّا. بيقع الجامع ده في شارع بورسعيد وبيحيط بيه المباني الحديثة من كل جانب، لكن لسه مئذنته الجميلة شاهدة على عراقته التاريخية. وقريب من المسجد كمان سوق الخواجات اللي بتعتبر من الأسواق التجارية الكبيرة في المحافظة.

المكان: شارع بورسعيد

لو هنتكلّم عن الأماكن السياحية في المنصورة، فأكيد لازم نذكر جزيرة الورد، وهي من أقدم حدائق المنصورة وعبارة عن جزيرة على نهر النيل بتبلغ مساحتها نحو ٣٠ فدانًا. وتأسّس هناك نادي اجتماعي وحديقة أطفال، مع ملاعب الكرة الطائرة وكرة السلة والتنس، وفيه كمان مركز للعلاج الطبيعي. كل ده بيخلّي جزيرة الورد مكان مثالي للفسح والرحلات المدرسية في المنصورة.

مِن أبرز وأشهر وأكبر جوامع المنصورة، وبيزيد مساحته على ٤٠٠٠ متر مربع. تأسّس المسجد في عهد الرئيس عبدالناصر قبل أن يفتتحه الرئيس أنور السادات عام ١٩٧٤. وبتحيط الحدائق والأشجار والنخيل بالجامع من كل الاتجاهات، واتعمل تطوير للجامع عام ٢٠٠٧ علشان يليق بمكانته الدينية ويكون منارة دينية جميلة تجذب المواطنين.

المكان: شارع الجيش

سوق الخواجات أو سوق الغلابة بتعتبر من أقدم الأسواق في المنصورة وأرخصها كمان. اتسمّت بالاسم ده لأن المحلات اللي كانت موجودة فيها بيملكها أجانب من الجاليات اليونانية واللبنانية ومن جنسيات أخرى. السوق هتلاقي فيها كل حاجة من مستلزمات جهاز العروسة يعني من “الإبرة للصاروخ”؛ زي أدوات التنجيد والمطبخ والأخشاب والعطور وكمان الأجهزة الكهربائية.