أحلى محلات الحلويات في طنطا

أي حدّ بيحب الحلويات، مؤكّد هيحب طنطا؛ المدينة الجميلة دي مشهورة بمحلات الحلويات الشرقية والغربية، وكمان محلات الآيس كريم اللذيذة، وكمان البيّاعين اللي بيبيعوا “حَب العزيز”، وده عبارة عن نبات مسكّر طعمه حلو زي حبّة الحمص، ويمكن نفتكره لما اتغنّى المطرب “عبدالعزيز محمود” في جمال طعمه زمان وقال: “حَب العزيز الربعة بقرش.. حلو ولذيذ الربعة بقرش”!

بيعتبر أكل الحلويات بمختلف أنواعها خصوصًا الحمّص والحلاوة والمشبّك عادة بيحرص عليها زوّار مولد السيد البدوي كل سنة، وهو أكبر مولد في مصر مافيش كلام، وبتقام الاحتفالات بتاعته في شهر أكتوبر، وبالتحديد في الأسبوع اللي اتولد فيه العارف بالله السيد أحمد البدوي. ورغم إن المولد هو اللي شجّع الناس على أكل الحلويات دي، بقت متوفّرة دلوقتي طوال السنة، وتقريبًا بتبيعها معظم المحلات في طنطا. ومع العدد الكبير ده من المحلات، بيكون صعب إنك تختار أحسنها، علشان كده “أوبر” وفّرت عليك الحيرة، وبتقدّم لك أشهر وأجمد محلات الحلويات في طنطا.

حلويات مصر

الفروع: ٢ شارع عزيز فهمي – ١ شارع القاضي ميدان الساعة

افتتح أول فروع “حلويات مصر” في شارع عزيز فهمي أوائل الأربعينيات من القرن العشرين، وبيعتبر من أقدم وأشهر محلات الحلويات في طنطا. ودلوقتي فيه فرع تاني في شارع القاضي من ميدان الساعة، والفرعين بيقدّموا تشكيلة فيها أكتر من ٥٠٠ صنف حلويات، بخلاف الآيس كريم والقهوة، وممكن تاكل في المحل أو تاخد طلباتك تيك أواي!

عدلي سويت

الفروع: تقاطع أول شارع البحر مع الجلاء – تقاطع شارع الحلو مع محب – الشيخ محمود علي البنا بجوار مسجد السيد البدوي

ماينفعش تزور طنطا من غير ما تاكل حلويات من عند “عدلي سويت”. بيقدّم “عدلي سويت” حلويات شرقية وغربية وكمان حلويات مولد فاخرة. وفي ٣ فروع لـ”عدلي سويت” في طنطا، منها فرع الشيخ محمود علي البنا اللي على بُعد دقيقة واحدة من مسجد السيد البدوي.

حلواني كريز

الفروع: شارع حسن رضوان – شارع الفاتح – شارع البحر

بيضم حلواني كريز ٣ فروع في طنطا، وكلهم بيقدّموا باقة مختارة من أرقى الحلويات الشرقية والغربية والآيس كريم والشيكولاتة وكمان المخبوزات السخنة الطازة، وحلويات خاصة بسعرات حرارية أقل علشان اللي بيعملوا دايت!

حلويات عرفة

الفروع: شارع سعد الدين – شارع السكة الجديدة

أقدم فرع من فروع حلويات عرفة هتلاقيه في تقاطع شارع القاضي مع سعد الدين، والمحل ده بيقدّم أشهى الحلويات بسعر معقول جدًّا، خصوصًا الحلويات الشرقية والحمص اللي ممكن تاكل صوابعك وراهم!

حلويات الشنواني

الفروع: شارع الجلاء ببرج الشنواني

مِن أقدم وأشهر محلات الحلويات في طنطا، وبيقدّم تقريبًا كل حاجة بداية من الشيكولاتة سبريد والبسكويت أبوسمسم و الجيلي كولا لغاية الحلويات الشرقية.

حلويات الفلاح

الفروع: الشيخ محمود علي البنا بجوار مسجد السيد البدوي

ده محل حلويات من المحلات الكتيرة اللي حوالين مسجد السيد البدوي، وبيتميّز عن باقي المحلات التانية بجودة حلوياته وبأسعاره الممتازة اللي في العادة أقل من المنافسين.

كاندي لاند

الفروع: شارع حسن حسيب

لو بتدوّر على محل بيوفّر حلويات غربية ممتازة، عليك وعلى “كاندي لاند” جنب حديقة الأندلس وكلية التجارة جامعة طنطا. هتلاقي مرصوص على رفوف المحل حلويات عالمية مشهورة أشكال وألوان، زي “هيرشي” و”شوبا شوبس” و”هاريبو” و”إم آند إمز”.