عشان تطمّن

الأولوية عند أوبر إنها توصّلك للحتة اللي عايز تروحها بسلامة وأمان. وعلشان تعرف قد إيه أوبر يهمّها سلامتك، فيه عوامل كتيرة بتحرص الشركة على توفيرها والالتزام بيها حرفيًّا، منها عملية اختيار السائقين ودي بتحصل على أعلى مستوى، وكمان بندرّبهم كويس أوي، وحاجات تانية كتير غير ده كله. ولو لسه قلقان ومش متطمّن هتلاقي هنا كل إجراءات السلامة اللي بتنفّذها أوبر علشان تضمن سلامتك وسلامة كل راكب اختار خدمة من خدمات أوبر المتنوّعة.

أي سائق عايز ينضمّ لأوبر، عليه الأول إنه يعدّي سلسلة من التحرّيات الشاملة عنه، ده غير الفحوصات التانية اللي لازم تتعمل على عربيته كمان، علشان كده شريك أوبر لازم يقدّم مجموعة من الأوراق، منها الفيش الجنائي ورخصة القيادة وتحليل المخدرات. ولازم كمان يتعمل فحص كويس للعربية علشان تتأكّد أوبر إنها مطابقة للمواصفات والمعايير اللي حطّاها.

بتشترط أوبر على أي حدّ عايز يبقى شريك سائق معاها، إنه يعدّي الأول دورة تدريبية بتركّز على استخدام تطبيقها الإلكتروني ونظام الملاحة اللي بيشتغل بالـGPS، وفوق ده وده، لازم يحضر محاضرة تدريبية مُدتها ٦٠ دقيقة بالشراكة مع مؤسسة “خريطة التحرشّ” اللي بتقوم بمبادرة خيرية الغرض منها خلق بيئة مافيهاش أي تسامح مع التحرش الجنسي، علشان تضمن الشركة فهم كل شركائها السائقين للموضوع ده وإزاي ممكن يتعاملوا معاه.

بتوفّر أوبر تأمين على كل رحلة من رحلات الشركة للسائق والركّاب، وده بالتعاون مع شركة “أكسا مصر” اللي بتقدّم خدمات تأمين متنوّعة، علشان يضمن الكل راحة البال ومايقلقوش أبدًا من أي حاجة على الطريق.

بمجرد لمّا تحجز رحلتك مع أوبر، بيبعت لك التطبيق كل المعلومات عن السائق والعربية اللي هتوصّلك مشوارك. ومِن ضمن المعلومات دي نوع العربية ورقمها، وكمان اسم السائق والتقييم اللي واخده، وعدد الرحلات اللي عملها، وهتعرف كمان تعليقات بعض الركّاب التانيين عليه، وممكن بكل سهولة تعرف كل المعلومات دي مِن قبل حتى ما تركب العربية.

بيسمح لك تطبيق أوبر إنك تحجز رحلة وتطلب توصيلة لمّا تكون مستعد، وبيقول لك التطبيق كمان على ميعاد وصول العربية، علشان كده مش هتحتاج تقف في الشارع وقت طويل في انتظارها. والأهم من كده وكده، ممكن تختار الخدمة اللي إنت عايزها من خدمات أوبر المتنوّعة وتطلبها في أي وقت من الأوقات سواء كان ده الصبح أو بالليل، وهتجيلك في دقايق، وهيوصّلك سائق أوبر للمكان اللي عايز تروحه مهما كان.

مِن باب السلامة والأمان، بيسمح تطبيق أوبر لأصحابك أو عيلتك إنهم يتتبّعوا مسار طريقك وإنت راكب عربية من أوبر، ويقدروا كمان بكل بساطة يعرفوا هتوصل إمتى وخط سيرك الفعلي.

لو محتاج أي استفسار أو عايز تتواصل مع أوبر لأي سبب، ممكن يحصل ده بكل سهولة عن طريق التطبيق الإلكتروني وفي أي وقت على مدار ٢٤ ساعة، حتى وإنت في الرحلة. كل اللي عليك تعمله إنك تدخل قسم “المساعدة” في التطبيق وهتلاقي كل اللي بتدوّر عليه. ولو صادف إنكم خلال الرحلة وقفتم فجأة ولمدة طويلة، هتستلم إنت والسائق رسالة آلية مِن أوبر هتحاول فيها إنها تتأكّد إن مافيش أي مشكلة معاكم.

يمكنك تقييم السائق والتعليق على أدائه خلال الرحلة في أي وقت. ولو كان التعليق سلبي، اتأكّد إن أوبر مش هتسكت وهتحقّق في الموضوع. ولو كان التعليق إيجابي فده هيساعد أوبر على إنها تخدم عملائها بأفضل صورة ممكنة، وده مش هيحصل إلا من خلال تعزيز روح الاحترام والمحاسبة عند الركّاب والشركاء السائقين مع بعض.

أوبر كمان بتهتم إن الشركاء السائقين ياخدوا راحة مش أقل من ٦ ساعات بعد السّواقة لمدة ١٢ ساعة ورا بعض، وبتأكّد على ده علشان يقدر الشركاء السائقين إنهم يفتحوا تطبيق أوبر ويشتغلوا مِن تاني، وده طبعًا لضمان سلامة وأمان الركّاب والسائقين معًا. مافيش حاجة اسمها “تطبيق شِفتات”، فالراحة أولوية قصوى!

في أوقات عشوائية خلال اليوم، بيجبر تطبيق أوبر السائقين إنهم ياخدوا سيلفي لنفسهم. ولو حصل إن الصورة السيلفي ماطلعتش متطابقة مع صورة السائق في ملفّه الشخصي عند أوبر بيتقفل حسابه على التطبيق، وده لضمان إنك تركب مع السوّاق الصح في العربية الصح.