النهاردة احنا متحمسين لإعلان ابتكارنا الجديد Uber Bus اللي من خلاله هنوصل جودة أوبر العالمية و معايير السلامة للمزيد من راكبي القاهرة! دلوقتي تقدر تحجز مكانك في اوتوبيس نظيف ومكيف على أعلى مستوى. لما تطلب رحلاتك اليومية من خلال تطبيق أوبر، هتلاقي ركاب تانيين متجهين في نفس الإتجاه، عشان تعرف تكمل رحلتك بأقل عدد من المحطات. وعشان بتشارك رحلتك مع ركاب تانيين، السعر هيكون مناسب لمشوار كل يوم مع الحفاظ على جودة أوبر العالمية .
احنا فخورين إن القاهرة أول مدينة في العالم تقدم خدمة Uber Bus وبندعوكم تكونوا من أوائل الركاب.
إختيار Uber Bus مش هيبان على التطبيق غير لو نقطة أقلالك ونزولك موجودين في المناطق دي
ازاي تستعمل Uber Bus
حدث: اتأكد انك بتستخدم أحدث نسخة لتطبيق أوبر
اطلب: إكتب وجهتك، إختار خدمة Uber Bus، راجع التعريفة، اطلب رحلتك
إنتظر: إنتظر لمدة مش هتزيد عن دقيقة عشان تشوف تفاصيل رحلتك. في الوقت ده احنا هنوصلك بركاب تانيين على نفس خط سيرك عشان منطولش عليك سكتك
تفاصيل الرحلة: هتظهرلك تفاصيل رحلتك في التطبيق زي معلومات عن السائق ومكان التقابل. كدة مكانك إتحجز على اوتوبيس مكيف ونظيف، وممكن تتابع مكان أوتوبيسك وإنت في طريقك لنقطة الركوب.
اتمشى لنقطة الركوب: امشي لنقطة الركوب اللي على الخريطة، واتأكد انك هناك قبل ما الاتوبيس يوصل للنقطة. الاتوبيس هيستنى دقيقتين فمتتأخرش!
إركب: سكان الكود بكاميرة موبايلك، إظهر التذكرة للسائق، وإدفع له نقداً عند دخولك الباص أو ببطاقة الائتمان من خلال تطبيق أوبر ، واستمتع برحلتك في كرسيك الخاص على الأتوبيس المكيف
اتمشى لوجهتك: لما تقرب من وجهتك، احنا هنلاقي لك أحسن مكان تنزل فيه يكون قريب من وجهتك النهائية ومناسب لخط سير الأتوبيس . هيوصلّك مننا إشعار يعرفك تنزل امتى وفين، وكمان إتجاهات المشي عشان توصل لوجهتك النهائية.
ملاحظات: *دائماً هيوصلك مننا إتجاهات ومواعيد سيرك في التطبيق مباشرةً
كل مميزات الأمان في Uber هتكون متاحة، على سبيل المثال: مشاركة رحلتك مع عائلتك أو أصحابك