一連 5 日 喺會展舉行嘅美食博覽開幕啦，想一口氣食盡世界各地嘅美食，又點可以錯過呢個節目呢？ 而家就醒你 4 個 Uber 美食博覽覓食貼士，等大家可以食得盡興又梳乎啦！
1. 最受歡迎美食節之王
上年嘅美食博覽，總共吸引咗 50 萬人入場，場面真係好墟冚！香港每年都舉辦好多唔同嘅美食節，例如 Taste Of HK、冬日美食節等等，到底「最受歡迎嘅美食節」花落誰家呢？
根據 Uber 大數據，上年最受 Uber 乘客歡迎嘅美食節就係── 8 月嘅美食博覽啦！ 上年出席美食博覽嘅人數，仲係 Taste Of HK 同 美酒佳餚巡禮（Wine & Dine） 高峰時段嘅總和添！
2. 3 小時舌尖環遊世界
今年美食博覽嘅參展商來自世界各地，總共有 26 個國家，你分別會喺唔同展館遇到佢哋！包括首次參展嘅白俄羅斯、捷克、印度、墨西哥同泰國展團。喺同一個目的地，就可以享受到環球美食，簡直就係「極速環球美食之旅」！
Uber 大數據顯示：上年嘅乘客平均逗留時間係 3.05 小時，換言之喺短短 3 個鐘，足夠畀你食盡環球美食，各位出發前記得留肚啦！
3. 全家總動員 共享大滿足
今年美食博覽鼓勵一家大細参與，3 歲或以下小童同 65 歲或以上長者都可以免費入場。大家攜同全家總動員出動，就飯都唔使煮啦！
根據 Uber 大數據，上年有 20% 乘客選擇搭 7 人車去美食博覽，相信唔少乘客係全家一齊出發。大家不妨同屋企人一齊發掘美食，共同分享更加滋味！
提提你： 7 人車 改咗名做 UberXL，搭車時要留意啦。
4. 越夜越有So
美食博覽會場內設有晚市「著數」特區，於晚上 7 點至 10 點喺展覽廳 3E 舉行，聽講會有超過 50 款美食以半價出售，精打細算嘅你就唔好錯過啦！
既然夜晚咁多著數，有無人專登咁晏入場掃貨呢？睇返 Uber 大數據，上年最遲入場嘅乘客於 9:02pm 落車，喺終止入場時間前 13 分鐘到達，真係分秒必爭！
提提你：美食博覽會於會場關閉前 45 分鐘終止參觀人士入場，大家記得睇時間啦。
相信大家唔止飲飽吃醉，仲掃咗唔少戰利品添。但邊個會想一袋二袋咁拎番屋企呢？一於嘆到盡，搭 Uber 返屋企啦！
發佈者：Uber Hong Kong
