2018 Uber 佛系淨心遊

「佛誕」假期，你會點過？唔駛返工，唔駛返學，唔駛早起，緣分來了，假期自然就過完。作為佛系青年，點可以浪費佛誕假期呢？不如趁呢日去佛寺散下步，換個方式放鬆下。香港有好多清幽隱世嘅佛寺，為咗令修行人士有個寧靜嘅環境，地點都較為偏遠，等車轉車之間亦可能要行一段路。今個佛誕，我哋為你精挑細選香港幾個有代表性嘅佛寺，等 Uber 陪你展開一段佛系淨心遊啦！

慈山寺有一大 icon，係全球第二高、達 76 米嘅戶外觀音像。慈山寺亦係全港首間唔燒香，改用供水禮佛嘅寺廟，水從觀音像前流過之後，循環再用澆花，一草一木都充滿靈氣。寺內設有咖啡室「Sujata」，免費提供各式精美茶點。同時為確保寺園寧靜，平日參學名額 400 個，去之前要記得網上預約呀！

📍目的地：香港新界大埔普門路88號
開放時間：早上9點半 至 下午5點

湛山寺位於西貢清水灣，背山面海，環境清靜優雅，風光如畫，仲曾經被來港參觀嘅斯里蘭卡官員評為亞洲環境最佳及風水最好嘅佛寺。古色古香嘅大雄寶殿，內有多尊佛像，雄偉壯觀。佛誕當日到訪，仲可以參加浴佛節普佛法會，非常值得一去。

📍目的地：新界西貢清水灣大澳門龍蝦灣路16號
開放時間：早上10點 至 下午5點

凌雲寺位於錦田八鄉，創建於明朝，同寶蓮禪寺、青山禪院齊名，係香港三大古剎之一。凌雲寺有唔少標誌性嘅古建築，例如地藏殿，內有千斤巨鐘，仲有鐘樓、蓮花池，清幽典雅。寺廟遠離人煙，鳥語花香，輕鬆漫步，會感受到寺院同自然合而為一嘅祥和，係郊遊攝影，洗滌心靈嘅好地方。

📍目的地：香港新界元朗上村觀音山凌雲寺
開放時間：早上8點 至 下午5點

遊完佛寺，心情舒暢，搭 Uber 返屋企，即可免去等車同轉車嘅煩惱，輕鬆順暢。如果同行有行動不便嘅老人家，仲可以選擇「uberASSIST 關懷優步」，受過專業培訓嘅司機夥伴隨傳隨到，提供貼心支援，安全接送你哋返屋企。