四大手工啤酒吧推介
情人節又嚟喇,年年都鋸扒睇商場裝飾,你唔悶佢都悶啦!想有D新鮮感,不如同你嘅另一半過個不醉無歸嘅夜晚,有 Uber,無論飲到幾點都唔成問題!就正如上年一樣,情人節當日就有超過兩成嘅 Uber 行程喺夜晚 9 點至凌晨 3 點進行,送乘客安全咁去下場或返屋企。
今年,我哋搜羅咗 4 間手工啤酒吧畀唔同風格嘅情侶,即刻拖住摯愛度過與別不同嘅情人節啦!
同貼地伴侶 歎搞鬼本土小食
位於大坑嘅 Second Draft 由特色包店 Little Bao 同埋手工啤酒店 TAP 聯手策劃,破格咁用溫度將手工啤分類,等你嘅酒鬼摯愛品嚐最佳狀態嘅啤酒。食物方面,靈感嚟自香港地道美食,但用咗外國食材炮製。我哋首推特色西多士,上面放咗一片鵝肝抹醬,非常過癮。
📍 目的地:大坑銅鑼灣道98號地舖
帶真.ABC男女朋友 一嚐馳名小天使啤
想同有「鬼妹仔」/「鬼仔」性格嘅另一半緬懷家鄉啤酒,梗係要嚟堅尼地城嘅 Little Creatures 啦!呢間餐廳連小型酒廠喺西澳啤酒品牌嘅第一間亞洲分店,全店供應 11 款手工啤酒。 記得點佢個 Beer Tasting Paddle,一次過試晒 6 款酒廠自家釀製啤酒。 餐牌方面有意粉、薄餅等歐陸菜色,飲飽食醉無難度!
📍 目的地:堅尼地城新海旁五福大廈地下5A號鋪
本土狂熱情侶 必試本地原創手工啤
想品嚐正宗香港口味嘅話,可以去尖沙嘴嘅 Kowloon Taproom。佢主打少爺麥啤等本地手工啤酒廠出品,仲搵嚟奇怪口味手工啤,例如鹹梅啤、桂圓啤、甘蔗啤,同愛侶感受舌尖上嘅驚喜!
📍 目的地:尖沙咀亞士厘道24-38號天星大樓地下A2號舖
約小清新男神女神 品嚐台灣精釀啤酒
如果你嘅心儀對象係個台風文青,不如約佢去全港首間台灣手工啤餐廳掌門精釀啤酒,當中「X教授」和「柒拾肆加強版」呢兩款更贏過 2016 年澳洲啤酒大賽㗎!記得叫埋台式小食鹽酥雞、滷味拼盤等,實行嚟趟味覺旅行,表白成功機會自然倍增啦!
📍 目的地:尖沙咀金巴利道64至66A號
提提你,玩夜咗記得搭 Uber 返屋企呀!每次搭完車後可以畀評分同埋意見你嘅司機,遇到問題都有我哋幫你解決,自然安心晒。你亦可以追蹤另一半嘅行程路線,遙距咁送佢返屋企,就唔驚佢炸形喇!祝大家有個甜甜蜜蜜嘅情人節!
發佈者:Uber Hong Kong