លោកស្រី Ann របស់ក្រុមហ៊ុន Uber ឥឡូវនេះបានមកដល់ហើយ
សរសេរដោយយើងខ្ញុំមានសេចក្តីសោមនស្សរីករាយសូមប្រកាសថា លោកស្រី Ann Lavin បានចូលរួមជាមួយក្រុមហ៊ុន Uber ដែលមានតួនាទីជានាយកជាន់ខ្ពស់ផ្នែកគោលនយោបាយសាធារណៈ និងទំនាក់ទំនងរដ្ឋាភិបាល ប្រចាំ តំបន់អាស៊ីប៉ាស៊ីហ្វិក។
ក្នុងនាមជាសមាជិកសំខាន់នៃក្រុមការងារថ្នាក់ដឹកនាំរបស់ក្រុមហ៊ុន Uber ប្រចាំតំបន់ លោកស្រី Ann មាន ភារកិច្ចធ្វើការជាមួយរដ្ឋាភិបាល អ្នកបង្កើតគោលនយោបាយ និងភាគីទីបី ដើម្បីបង្កើតឲ្យមានការផ្លាស់ប្ដូរជា វិជ្ជមាននិងបរិយាកាសសមប្រកបសម្រាប់សេវាចែករំលែកយានជំនិះ និងគម្រោងនវានុវត្តន៍ផ្សេងទៀត ទាក់ ទងនឹងការធ្វើដំណើរ នៅទូទាំងតំបន់អាស៊ីប៉ាស៊ីហ្វិក។
ខ្ញុំពិតជារំភើបក្រៃលែងដែល លោកស្រី Ann ចូលរួមបម្រើការងារជាមួយក្រុមហ៊ុន Uber និងដឹកនាំ ការងាររបស់យើងផ្នែកគោលនយោបាយ នៅក្នុងតំបន់ដែលមានការរីកលូតលាស់យ៉ាងរហ័ស និងមាន សក្តានុពលខ្ពស់បំផុតមួយនេះ ។ លោកស្រី Ann បាននាំមកនូវជំនាញបច្ចេកទេសយ៉ាងច្រើន ក្នុងរយៈពេលពីរ ទសវត្សរ៍ នៃការងាររបស់លោកស្រីក្នុងការតស៊ូមតិឲ្យមានការផ្លាស់ប្តូរជាវិជ្ជមាន ការជំរុញឱកាសផ្នែកសេដ្ឋកិច្ច និងនវានុវត្តន៍ ហើយការតែងតាំងរបស់លោកស្រីបញ្ជាក់ឲ្យឃើញពីការប្តេជ្ញាចិត្តរបស់យើងក្នុងការចាប់ដៃគូ ជាមួយរដ្ឋាភិបាល និងការប្ដេជ្ញាចិត្តក្នុងការវិនិយោគនៅក្នុងសហគមន៍នានា ស្របពេលដែលយើងពង្រឹងការ វិនិយោគ ជារួមឲ្យកាន់តែស៊ីជម្រៅថែមទៀតនៅតំបន់អាស៊ី។
លោកស្រី Ann ចូលរួមជាមួយក្រុមហ៊ុន Uber បន្ទាប់ពីបានចាកចេញពីក្រុមហ៊ុន Google ដែលនៅទីនោះ លោកស្រីបានដឹកនាំការងារផ្នែកគោលនយោបាយនៅទូទាំងប្រទេសចិន អាស៊ីអាគ្នេយ៍ និងទីផ្សារកំពុងលូត លាស់ ដែលរួមមានការងារពង្រឹងសេដ្ឋកិច្ច និយ័តកម្មឯកសារ នយោបាយភូមិសាស្ត្រ គោលនយោបាយឯកជន និងគោលនយោបាយបច្ចេកវិទ្យាទូទៅ។ កាលពីមុនលោកស្រី Ann គឺជាទីប្រឹក្សាជាន់ខ្ពស់នៅក្រុមហ៊ុនច្បាប់ McLarty Associates និងជាអនុប្រធានក្រុមប្រឹក្សាអាជីវកម្មអាមេរិក – អាស៊ាន ដែលជាអង្គការពាណិជ្ជកម្មធំ របស់សហរដ្ឋអាមេរិកនៅអាស៊ីអាគ្នេយ៍ ក្រៅពីតួនាទីជាច្រើនទៀតនៅក្នុងជួររដ្ឋាភិបាលសហរដ្ឋអាមេរិកនៅក្នុង ក្រសួងថាមពល និងជាប្រធានគណៈកម្មការលើកម្មវិធីអាហារូបករណ៍របស់សេតវិមាន (Commission on White House Fellowships) ។
ជុំវិញការតែងតាំងនេះ លោកស្រី Ann បានមានប្រសាសន៍ថា៖ “ខ្ញុំមានក្តីរំភើបរីករាយ ដែលបានចូលរួម ជាមួយក្រុមហ៊ុន Uber នៅក្នុងតំបន់អាស៊ីប៉ាស៊ីហ្វិកដ៏រស់រវើកនេះ។ ជារៀងរាល់ថ្ងៃ ក្រុមហ៊ុន Uber ជួយមនុស្ស រាប់លាននាក់ឲ្យរស់នៅបានកាន់តែល្អប្រសើរ។ វាគួរឱ្យរំភើបដែលបានធ្វើការជាមួយក្រុមហ៊ុន Uber ដើម្បីធ្វើឲ្យ មានការផ្លាស់ប្តូរជាវិជ្ជមាន និងចាប់ដៃគូជាមួយរដ្ឋាភិបាល និងសហគមន៍នានា ដើម្បីជំរុញឲ្យមាននវានុវត្តន៍ និងឱកាសនានា ដែលនឹងអនុញ្ញាតឱ្យក្រុមហ៊ុន Uber ជួយបំពេញដល់សេចក្តីត្រូវការ របស់មនុស្សរាប់លាននាក់ បន្ថែមទៀត”។
តាមរយៈចំណងទំនាក់ទំនងយ៉ាងស៊ីជម្រៅរបស់លោកស្រីនៅទ្វីបអាស៊ី បណ្តាញទំនាក់ទំនងយ៉ាងទូលំ ទូលាយ និងទសន្សៈវិស័យច្បាស់លាស់អំពីរបៀបដែលអាជីវកម្មអាចរីកចម្រើនទៅបាននៅក្នុងបរិយាកាស ប្រតិបត្តិការប្រកបដោយការប្រកួតប្រជែងនៅក្នុងពិភពលោកផងនោះ ខ្ញុំមានទំនុកចិត្តថាលោកស្រីសក្តិសមនឹង តួនាទីនេះ ក្នុងការជំរុញការងារក្នុងយុគសម័យថ្មីនេះ ដែលអាចជួយឲ្យទីក្រុងទាំងអស់ដែលយើងធ្វើកំពុងតែ ប្រតិបត្តិការ បញ្ចេញនូវសក្ដានុពលរបស់ខ្លួនពិតៗ។
ពីខ្ញុំ Jill Hazelbaker
អនុប្រធានជាន់ខ្ពស់ផ្នែកគោលនយោបាយ និងទំនាក់ទំនង