اعرف إزاي تستفيد كويس من خدمة عملاء أوبر

مِن حقّ الركّاب والسائقين علينا إننا نعرّفهم إننا بنكون معاهم دايمًا لو اتعرّضوا لأي موقف صعب على الطريق، علشان كده خدمة عملاء أوبر مصر مهمّة جدًّا، ويمكن أهم دعم ومساعدة بنقدّمها ليك طوال رحلتك، سواء كنت راكب أو بتسوق معانا.

التطبيق ده هو أوّل وأهم دعم بنقدّمه ليك. كل اللي عليك تعمله إنك تدخل على الصفحة الرئيسية للتطبيق، هتلاقي ٣ خطوط أفقية تحت بعض في أعلى الزاوية الشمال من الصفحة، دوس عليها هتدخل على القائمة الرئيسية، اختار قسم “المساعدة” (Help)، هتلاقي فيه تفاصيل عن آخر رحلة ليك واختيارات تانية من ضمنها إنك تبلّغ عن حادثة اتعرّضت ليها، أو تستعرض الأجرة أو حتى تبلّغ عن السائق نفسه لو حسّيت إن سلوكه معاك ماكانش مناسب. وطبعًا مش محتاجين نقول لك إنّ أي حاجة في القسم ده بتبلّغ عنها بنتعامل معاها بكل جدية وبأهمية قصوى.

ممكن توصل لقائمة الاختيارات السابقة نفسها علشان تتواصل مع خدمة عملاء أوبر من خلال الرابط ده. ومن هناك تقدر تدخل على حسابك. ولو عندك تفاصيل ومعلومات كتيرة عايز تضيفها في رسالتك، الموضوع ده هيكون أسهل بالنسبة ليك وخيار أحسن من تطبيق أوبر، علشان معظمنا بيرتاح أكتر لمّا بيكتب على الكيبورد بتاع الكمبيوتر، عن إنه يستخدم تليفونه المحمول في الكتابة.

وممكن كمان تلقي نظرة على مقالاتنا السابقة اللي بنشرح فيها كل حاجة عن خدمة أوبر في مصر على الإنترنت، ومش محتاج تسجّل الدخول أو يكون عندك حساب مع أوبر علشان تقرأ المقالات دي. ببساطة هتقدر تتصفّح أقسام الموقع المختلفة، وتلقي نظرة على اللي تحب تقرأه، وهتلاقي كمان معلومات عن مُدن معيّنة ومعلومات عامة عن أوبر مصر في مدوّنتنا.

ممكن بكل سهولة تتابع حساب أوبر مصر على موقع فيسبوك علشان تتابع أحدث المستجدّات اللي ليها علاقة بالخدمة بشكل عام وبالعروض ومواضيع السلامة والأمان. وممكن تعرف أحدث الأخبار لمّا تتابعنا هنا على موقع تويتر. وهيقدر الركّاب إنهم يبعتوا لنا “تويتات” سواء كانت تعليقات أو استفسارات من الحساب ده كمان.

زي الركّاب تمامًا، خلّي تطبيق أوبر هو أول حاجة تلجأ إليها لمّا تعوز توصل لخدمة عملاء أوبر. بالإضافة إلى إن التطبيق هيساعدك في إنك تلاقي ركّاب ويقول  لك على اتجاهات الطرق، هتقدر من خلاله كمان تحدّث ملفك الشخصي وتضيف عربيات جديدة وبرضه هتعرف كل حاجة عن معاملاتك المالية مع العملاء. ولو صادفتك مشكلة في رحلة من الرحلات هتلاقي اللي يساعدك من خلال التطبيق ده. كل اللي عليك تعمله إنك تدخل على قسم “المساعدة” (Help) من القائمة الرئيسية، واختار بعدها قسم “الإبلاغ” (Report)، علشان تبلّغ عن المشكلة دي أو روح لقسم “آخر رحلة” (Last Trip) علشان تقول لنا على المشكلة اللي عندك اللي بتتعلق بآخر توصيلة عملتها.   

هيقدر السائقين كمان إنهم يتواصلوا مع خدمة عملاء أوبر على الإنترنت من الرابط ده. الصفحة دي هتقدّم لك الدعم الكامل وإمكانية الإبلاغ عن مشكلة واجهتك، زي التطبيق بالظبط. وهتلاقي صفحة مخصّصة للسائقين اللي بيسوقوا مع أوبر مصر بتوفّر لهم نصائح وإرشادات عامة مِن هنا. أو، تقدر تزور مدوّنة أوبر وتطّلع على كل مقالاتنا ومواضيعنا.

مراكز دعم الشريك لأوبر هي بكل بساطة مراكز للسائقين يقدروا يزوروها لمّا يحتاجوا دعم وتواصل شخصي. وفي مصر، فيه مركزين، واحد في القاهرة والتاني في الإسكندرية. ولو كنت سائق أوبر بتسوق في القاهرة ومحتاج دعم شخصي تقدر تروح لمركزنا اللي في “المبنى اليوناني” في مقر الجامعة الأمريكية بالقاهرة في ميدان التحرير، وفي أي يوم من السبت إلى الخميس ومن الساعة ٩ صباحًا لغاية ٤:٣٠ مساءً. أما لو كنت بتسوق في الإسكندرية تقدر تزور مركزنا في ٦٥ طريق الحرية (شارع فؤاد)، كوم الدكّة شرق، قسم العطارين. وبرضه في أي يوم من الأحد إلى الخميس من الساعة ١٠:٣٠ صباحًا لغاية ٤.٤٥ مساءً، وممكن تحجز الدعم الشخصي من خلال التطبيق.