Community

أمان حسابك في أوبر

31 أغسطس، 2020 / مصر

خصوصية حسابك تهمنا

وعلشان كدة هنقولك شوية نصائح هتساعدك تحمي حسابك من أي محاولة احتيال محتملة. “التصيد الاحتيالي” هو محاولة خداعك عن طريق معلومات حسابك الشخصي (البريد الالكتروني او رقم الموبايل او كود التأكيد أو كلمة السر). محاولات “التصيد الاحتيالي” بتحصل من خلال رسالة أو بريد الالكتروني يحتوي على رابط او ملف بيوجهوا لصفحة دخول مزيفة. موظفين أوبر مش هيتواصلوا معاك من خلال البريد الإلكتروني أو التليفون لطلب معلومات حسابك الشخصي او كلمة السر او البريد الالكتروني. دي بعض النصائح الأمنية اللي هتساعدك تحمي حسابك الشخصي:

  • لو اتطلب منك إدخال البريد الإلكتروني أو كلمة السر اتأكد ان عنوان الصفحة اللي انت عليها https://www.uber.com او t.uber.com. لو جالك اي رسالة بتدعي انها من أوبر و بتطلب منك فتح رابط خارجي غير https://www.uber.com  متضغطش عليه و بلاش تبعت اي معلومات
  • رسائل و عروض أوبر مش هتتبعت غير من تطبيق أوبر أو رسالة قصيرة من أوبر أو بريد إلكتروني بعنوان “@uber.com”.
  • بلاش تبعت رقم الموبايل لأي سائق أوبر قبل أو خلال رحلتك. كل التواصل لازم يتم من خلال تطبيق أوبر اللي بيحرص على إخفاء رقم موبايلك.
  • بلاش تبعت كلمة السر او كود التأكيد أو معلومات حسابك الشخصي لأي حد. أوبر مش هيطلب المعلومات دي.
  • على وسائل التواصل الاجتماعي أوبر مصر عنده حساب واحد بس على فيسبوك بأسم @UberMENA1 وواحد على تويتر بأسم @Uber_Egypt وواحد عالمي على انستجرام بأسم @Uber . قبل التواصل مع أي  وسيلة تواصل اجتماعي من دول اتأكد ان حساب  فيسبوك و انستجرام الحساب أصلي من خلال علامة الصح الزرقاء.
  • كود الأمن المكون من 4 أرقام بيستعمل علشان تسجل الدخول لحسابك الشخصي. بلاش تبعت الكود ده لأي حد.
  • لو لحظت أي نشاط مشبوه على حسابك الشخصي برجاء التواصل مع http://t.uber.com/rides-account-security

احنا بنهتم جداً بالشكاوي دي. يا ريت تبلغنا وتتواصل معانا لو جاتلك أي رسائل غريبة.