Uber香港嘅業務由一間咖啡店開始 — 兩年半前嘅三人Uber團隊冇自己嘅辦公室，只可以約埋喺咖啡店見面開會，一邊諗點樣將嶄新嘅汽車共乘概念引入香港，一邊努力發展業務，向司機夥伴及廣大香港人介紹Uber。

兩年半後，汽車共乘概念喺香港越嚟越受落。Uber香港宜家有超過100名優秀員工，工作所需嘅空間同埋支援遠遠超過咖啡店可以提供嘅。就係因為咁，我哋搬到嚟新屋企，希望為全港幾萬名司機夥伴帶來更貼心嘅支援，同埋為我哋嘅城市分享更多汽車共乘服務嘅好處。我哋亦必須為UberEATS團隊提供工作空間，保證市民可以用手機app輕輕一按，就能選購平台上超過950間餐廳嘅外賣美食。

同時，我哋亦特意創造一個為不同人士而設嘅社區空間，等合作夥伴、學生、業內人士、公共交通專家等，成日可同我哋聯繫。

Uber全新辦公室面積係9,000平方呎，設有會議室、公共空間同私人工作間等，當中嘅設計意念以反映本地生活為主，將海港、山脈同城市等元素融入設計。


(照片來源: Bean Buro http://www.beanburo.com/index/#/workplace-uber/)

接待處嘅裝修以藍色瓷磚牆同埋地板為主，同手製嘅Uber藍色霓虹燈相映成趣。由本地藝術家親手畫嘅壁畫中，有一座浮城，當中設有香港地標、未來交通工具同埋公司商標等。辦公室其他空間亦提供咗唔少嘅空白牆板，鼓勵同事畫畫和書寫，隨意表達諗到D咩。


(照片來源: Bean Buro http://www.beanburo.com/index/#/workplace-uber/)

辦公室設計意念仲包括人同人之間嘅聯繫。新辦公室嘅中心係開放式咖啡廳，可作大型活動、獨立工作空間同埋會議等。包括一張長檯、舞台位置、同埋一條長20米嘅走廊。成個空間連成一氣，面對香港城市嘅繁華景緻，並將室外光線引入，營造出簡約、開放同輕鬆嘅氣氛。

Uber香港區總經理佘雋知表示：「我哋希望Uber喺香港成立全新辦公室，能畀更多空間，進一步推動汽車共乘呢個概念嘅發展。透過Uber嘅技術同服務，我哋鼓勵人同人之間嘅互動，並喺我哋繁忙嘅鬧市緊密連接每一個人。我哋已經紮根香港，喺2016年完成幾百萬趟行程！」