產品

「 Assist 關懷優步 」服務長者及傷健人士

2017 年 4 月 19 日 / 香港

English

為照顧傷健人士同長者日漸增加嘅交通服務需求,由今日起,Uber 向全港用戶開放「Assist 關懷優步 」服務選項。

「Assist 關懷優步 」特別為長者以及行動不便人士而設,只要一按鍵,即能以 UberX 嘅價錢使用,無須額外收費。

Uber 香港總經理佘雋知表示,「今日我哋為有特殊需要嘅長者同社區成員提供額外選擇,其中包括一啲採用折疊式輪椅或助行器嘅人士,或者係視障或聽障人士。」

佢話:「我哋期待繼續令更多社會上各階層接觸到共乘服務嘅優點。」

自從去年二月推出試驗服務,我們確實見到更多市民認同呢種旨在為社區提供可靠、安全以及經濟嘅共乘服務作為交通選擇。

對唔少香港嘅傷健人士嚟講,外出並唔容易。根據政府統計處,本港百分之八嘅人口,即係每十二個人之中就有一個有某種形式嘅身體殘疾

政府預計,香港人口亦將會急速老化,六十五歲以上嘅長者人數預料會由 2014 年嘅 15%,上升到 2034 年嘅 30%。

「Assist 關懷優步」由我哋高評分同經驗豐富嘅司機夥伴支持,佢哋接受咗百本醫護訓練中心龍耳香港失明人協進會嘅培訓,學習照顧有需要人士點到點交通服務所需嘅知識同技能,培訓課程更獲得香港醫護學會授權同認可。

為咗支持呢項社區服務,Uber 將會喺今個週末嘅每一程車資中,捐贈 HK$1 予香港復康力量,為該會會員提供「Assist 關懷優步」服務。

「Assist 關懷優步」目前已經喺美國、英國、澳洲、印度、新加坡、澳門等地推出,並獲得當地司機夥伴同各類乘客嘅支持,我們期待將「Assist 關懷優步」帶畀更多香港人。

點樣使用「Assist 關懷優步」

  1. 打開 Uber 手機應用程式
  2. 輸入目的地
  3. 向左滑動並選擇「Assist 關懷優步」
  4. 確定上車地點,然後叫車

提示

  1. 「Assist 關懷優步」係專為有需要人士(例如:殘疾人士、視障或聽障人士、長者、孕婦等)而設,為確保有需要人士可以迅速享用服務,其他乘客請選擇一般 Uber 服務。
  2. 「Assist 關懷優步」嘅等候時間可能會比一般 Uber 行程稍長,建議有需要人士提早叫車。
  3. 如果你有任何特別需要,可以喺叫車之後聯絡你嘅司機。

備註:「Assist 關懷優步」暫時未能提供坡道或升降梯服務, 電動輪椅暫不適用。