جب آپکو اپنے اکاوٴنٹ میں منفی بیلینس نظر آئے تو اسکا مطلب ہے کہ آپ نے، یا اگر آپ فلِیٹ پارٹنر ہیں تو آپکے ڈرائیورز نے رائیڈرز سے کرائے کی مد میں جو رقم وصول کی ہے وہ آپکی آمدنی سے زیادہ ہے۔ یہ رقم آپ نے اوبر کو ادا کرنا ہوتی ہے۔ آپکو اوبر ڈرائیورایپلیکیشن میں نوٹیفیکیشن, ای میل اور ایس ایم ایس کے ذریعے سروس فیس واجبات کی ادائیگی سے متعلق اطلاع موصول ہوگی جس میں کہا گیا ہوگا کہ آپ کے ذِمؔہ سروس فیس واجب الادا ہے۔
اوبر نے آپکی آسانی کے لیے اوبر والٹ کے زریعے سے سروس فیس کی ادائیگی کا ایک اور طریقہ متعارف کروایا ہے جسکے ذریعے سے آپ نہایت آسانی اور تیزی سے اپنی واجب الادا سروس فیس کی ادائیگی کر سکتے ہیں۔
اب ہم آپکو اس کے بارے میں تفصیل سے بتاتے ہیں۔
اپنی اوبر ڈرائیورایپلیکیشن میں ٖلاگ ان ہوں۔ ایپلیکیشن میں موجود والٹ کی آپشن کا انتخاب کریں۔ یا اپنے فون یا کمپیوٹرکے ویب براؤزرکے ذریعے سے wallet.uber.com کھولیں۔ اپنے اوبراکائونٹ کے ساتھ رجسٹرڈ ای میل یا فون نمبراور پاسورڈ درج کر کے اپنے اوبر والٹ میں لاگ اِن ہوں۔
آپکے سامنے ایک نئی سکرین کھل جائے گی جس میں آپکے منفی بیلینس کی تفصیلات موجود ہوں گی۔ Make payment کے بٹن کو دبائیں۔ نئی سکرین پر آپکو آپکی ادائیگی کی آخری تاریخ اور کُل واجب الادا رقم کے بارے میں آگاہ کیا جائے گا۔ ادائیگی کی رقم درج کریں، ایزی پیسہ کو بطورادائیگی کا طریقہ منتخب کریں اوراور CONTINUE پر ٹیپ کریں۔ آپکے سامنے ایک نئی سکرین کھل جائے گی۔ یہاں اپنا ایزی پیسہ اکائونٹ نمبر اوراپنا ای میل ایڈریس درج کریں۔ Next کے بٹن کو ٹیپ کریں۔
آپکو ایزی پیسہ کی جانب سے 3737 سے ایک 4 ہندسوں پر مشتمل OTP یعنی ون ٹائم پِن آپکے موبائل نمبر پر موصول ہو گا۔ پِن کا اندراج کریں Pay now کے بٹن کو دبائیں۔آپکے سامنے ایک Pop Up ونڈو کھل جائے گی جہاں آپکو Payment Approve کرنے کا کہا جائے گا۔
اپنے فون میں پہلے سے انسٹالڈ ایزی پیسہ ایپ کو اوپن کریں اور ایزی پیسہ ایپ میں سائن ان کریں۔ اس کے لیے اپنا 5 ہندسوں پر مشتمل ایزی پیسہ پِن درج کریں یا اگر آپ نے فنگر پرنٹ کی آپشن کو منتخب کیا ہوا ہے تو اپنے فنگر پرنٹ کا استعمال کر کے لاگ اِن ہوں۔
اپنی پروفاِئل کو ٹیپ کریں اور My Approvals کو منتخب کریں۔ آپکے سامنے Approvals کی سکرین کھل جائے گی۔ ادائیگی کو Approve کریں۔ آپکو سکرین پر ایزی پیسہ کی جانب سےکامیاب ادائیگی کا تصدیقی پیغام نظر آئیگا، اور اس کے ساتھ ہی آپکو 3737 سے تصدیقی ایس ایم ایس بھی موصول ہوگا۔
اوبر کو آپکی ادائیگی مکمل ہو گئی ہے۔ مقررہ تاریخ تک ادائیگی نہ کرنے کی صورت میں آپکا اکاوٴنٹ عارضی طور پر غیر فعال کردیا جائیگا۔ اگر آپ فلیٹ پارٹنر ہیں تو آپ کے فلِیٹ میں موجود ڈرائیورز آن لائن نہیں جا سکیں گے۔
اوبر پر ڈرائیو کرتے اور اگر آپ فلیٹ پارٹنر ہیں تو اپنے فلیٹ کی عارضی بندش اور پریشانی سے بچنے کے لیے اپنی واجب الادا سروس فیس مقررہ تاریخ سے پہلے ادا کریں۔
آپکی آسانی کیلئے wallet.uber.com سےسروس فیس کی ادائیگی کا طریقہ اس ویڈیو/ نیچے دی گئی ویڈیومیں بھی بیان کیا گیا ہے تاکہ آپ کسی بھی کمپیوٹر یا موبائل ویب براؤزر کے زریعے سے با آسانی wallet.uber.com پر جا کر اپنی اور اگر آپ فلیٹ پارٹنر ہیں تو اپنے فلیٹ کی سروس فیس کی ادائیگی کر سکیں اوراپنی اور اپنے فلیٹ کی عارضی بندش سے بچ سکیں۔
ادائیگی کے طریقے
آپ اپنی سہولت کے مطابق ذیل میں بتائے گئے کسی بھی طریقے سے اپنی سروس فیس کی ادائیگی کر سکتے ہیں۔
1: اوبر ایپلیکیشن کے ذریعے سے ادائیگی کا طریقہ۔
2: wallet.uber.com کے ذریعے سے ادائیگی کا طریقہ۔
ایزی پیسہ اکاؤنٹ کھولنا
آپ اپنا ایزی پیسہ اکاؤنٹ مختلف طریقوں سے کھول سکتے ہیں۔ اکاوٴنٹ کھولنے کے بعد کوئی بھی ٹرانزیکشن کرنے کے لیے آپکے ایزی پیسہ اکاوٴنٹ کی بائیومیٹرک تصدیق ضروری ہے۔ بائیومیٹرک تصدیق آپ کسی بھی ایزی پیسہ شاپ پر تشریف لے جا کر کروا سکتے ہیں، اس کے کوئی چارجز نہیں۔
1: موبائل فون کے زریعہ سے ایزی پیسہ اکاؤنٹ کھولنا۔
اگر آپ ٹیلی نار سم صارف ہیں تو آپ کو نیچے دیئے گئے اقدامات پر عمل کرنا ہوگا۔
اپنا موبائل فون ڈائل پیڈ کھولیں اور#786* ڈائل کریں۔
اس کے بعد ، آپ سے پانچ ہندسوں کا پن کوڈ بنانے کو کہا جائے گا۔ پن کوڈ بنانے کے بعد آپکو دوبارہ پن کوڈ داخل کرنے کو کہا جائے گا۔ اپنا بنایا ہوا پن کوڈ داخل کریں۔ آپ کا ایزی پیسہ اکاؤنٹ بن گیا ہے۔
صرف #786* ڈائل کریں یا تمام خدمات سے فائدہ اٹھانے کے لئے ملک میں کوئی بھی ایزی پیسہ شاپ یا ٹیلی نار فرنچائز پر تشریف لے جائیں۔
2: ایزی پیسہ موبائل ایپلیکیشن کے زریعہ سے ایزی پیسہ اکاؤنٹ کھولنا۔
ایزی پیسہ اکاؤنٹ کھولنے کے لئے ، اپنے موبائل فون پرگوگل پلے سٹوریا ایپل ایپ سٹور سے ایزی پیسہ موبائل ایپ ڈاؤن لوڈ کرِیں۔
موبائل ایپ لانچ کریں اور اپنا موبائل نمبر درج کریں۔
13 ہندسوں پر مشتمل اپنا قومی شناختی کارڈ نمبر یعنی(CNIC)نمبراور کارڈ کی تاریخِ اجراء درج کریں اور اکاؤنٹ کے لئے 5 ہندسوں کا پن کوڈ بنائیں۔
اگر آپ ٹیلی نار سم کے صارف نہیں ہیں تو میسیج میں EP لکھیں اور سپیس کے بعد اپنا CNIC نمبر درج کرکے 1113737 -0345 پر بھیج کر ایزی پیسہ اکاؤنٹ بنا سکتے ہیں۔
آپ ایزی پیسہ ایپ دیئے گئے لنکس گوگل پلے سٹور یا ایپل ایپ سٹور پر کلک کر کے ڈائون لوڈ کر سکتے ہیں
3: ٹیلی نار فرنچائز یا ایزی پیسہ شاپ کے زریعہ سے ایزی پیسہ اکاؤنٹ کھولنا۔
اگر آپ ٹیلی نار سم صارف ہیں تو آپ ملک میں قریب ترین ٹیلی نار فرنچائز یا ایزی پیسہ شاپ پر جا کرکے اپنا ایزی پیسہ اکاؤنٹ کھول سکتے ہیں۔
ایزی پیسہ اکاوٴنٹ کھولنے کے مختلف طریقے تفصیل سے دیکھنے کے لیے یہاں کلک کریں۔
Easyypaisa ایپ کے اندر سے ادائیگی کیسے منظور کریں؟
اپنے موباَئل پر ایزی پیسہ ایپلیکیشن کھولیں اور سائن ان کے بٹن کو دبائیں۔ 5 ہندسوں پر مشتمل اپنا خفیہ پاسورڈ داخل کریں، یا اگر آپ نے فنگر پرنٹ کی آپشن منتخب کی ہوئی ہے تو اسے استعمال کرتے ہوئے لاگ ان کریں۔
ایزی پیسہ ایپلیکیشن میں سکرین میں اوپر کی طرف انتہائی بائیں جانب موجود مینیو کے بٹن کو جو تین لکیروں کی صورت میں موجود ہے دبائیں۔ ڈراپ ڈاؤن مینیو میں میری منظوری(My Approvals) کے بٹن کو دبائیں۔
ایک نئی سکرین کھلے گی اس میں زیرِالتواء (Pending Approvals) کی ٹیب میں ڈیبٹ ریکوئیسٹ کو منظور(Approve) کریں۔
آپکی ٹرانزیکشن کامیابی کے ساتھ مکمل ہو گئی ہے کا پیغام سکرین پر نظر آئے گا جسکا مطلب یہ ہے کہ آپکی ادائیگی مکمل ہو گئی ہے۔
اکثر پوچھے گئے سوالات
کیش رقم کی لمٹ کیا ہے؟
مختلف ڈرائیوروں کے لئے کیش کی حد مختلف ہوتی ہے ، یہ آپ کی اور آپکے فلیٹ ڈرائیورز کی ڈرائیونگ کی عادات اور اوسط آمدنی پر منحصر ہے۔
میں نے ادائیگی کی ہے ، یہ ایپ میں ظاہر نہیں ہو رہی ہے؟
براہِ کرم انتظارفرمائیں. آپ کی سروس فیس کی ادائیگی کرنے کے بعد اُسے ایپ میں ظاہر ہونے میں 48 گھنٹے تک کا وقت درکارہوتا ہے اور زیادہ تراوقات میں یہ فوراً ظاہر ہوجاتا ہے ، لیکن اس میں 48 گھنٹے تک کا وقت لگ سکتا ہے۔اگر یہ 48 گھنٹوں میں ظاہر نہیں ہوتا تو ، اپنے مکمل ٹرانزیکشن ID اور اسکرین شاٹ کے ساتھ ہم سے رابطہ کریں۔
کم سے کم ادائیگی کا کیا مطلب ہے؟
کم از کم ادائیگی سے مراد وہ رقم ہے کہ جس سے کم رقم کی ادائیگی نا قابلِ قبول ہے اور اْسکی ادائیگی کیئےبغیر اپکی اور اگر آپ فلیٹ پارٹنر ہیں تو اپکے فلیٹ کی رائڈز حاصل کرنے کی سہولت دوبارہ بحال نہیں ہو سکتی۔
کیا میں زیادہ سے زیادہ رقم سے زیادہ ادائیگی کرسکتا ہوں؟
جی نہیں! آپ زیادہ سے زیادہ رقم کی حد سے زیادہ کی ادائیگی نہیں کرسکتے ہیں۔
میں ایک وقت میں کتنی رقم ادا کرسکتا ہوں؟
آپ ایک وقت میں سروس فیس کی کم ازکم ادائیگی اور موجودہ بیلینس کے درمیان کوئی بھی رقم ادا کرسکتے ہیں۔
ایزی پیسہ کو ادائیگی کے طریقے کے طور پر کیسے منتخب کریں؟
اپنی اوبر ڈرائیورایپلیکیشن میں ٖلاگ ان ہوں۔ ایپلیکیشن میں موجود والٹ کی آپشن کا انتخاب کریں۔ آپکے سامنے ایک نئی سکرین کھل جائے گی جس میں آپکے منفی بیلینس کی تفصیلات موجود ہوں گی۔ سکرین پر نیچے کی جانب Add method کے بٹن کو دبائیں۔ سکرین پر موجود آپشنز میں سےایزی پیسہ کو بطورادائیگی کا طریقہ منتخب کریں ۔ ایزی پیسہ کا ادائیگی کے طریقے کے طور پر انتخاب ہو گیا ہے۔ اب Make payment کے بٹن کو کلک کر کے ادائیگی کریں۔ عام طور پر ایزی پیسہ ادائیگی کے طریقے کے طور پر پہلے سے منتخب ہوا ہوتا ہے۔
آپ اپنے ایزی پیسہ اکاوٴنٹ میں رقم کیسے جمع کروا سکتے ہیں؟
آپ کسی بھی ایزی پیسہ ریٹیل شاپ یا ٹیلی نار فرنچائز سے اپنے ایزی پیسہ اکاؤنٹ میں رقم جمع کرواسکتے ہیں۔ اگر آپ کے پاس کوئی بینک اکاؤنٹ ہے اور آپ کے پاس ماسٹر یا ویزا کارڈ ہے تو آپ اپنے ATM یا اپنے بینک کی موبائل بینکنگ ایپلیکیشن کے زریعے سے بھی اپنے ایزی پیسہ اکاؤنٹ میں رقم جمع کراسکتے ہیں۔ اس کے علاوہ آپ اپنا کریڈٹ یا ڈیبٹ کارڈ بھی ایزی پیسہ کی ایپ سے منسلک کر سکتے ہیں۔ مزید معلومات کے لیے ایزی پیسہ کی ہیلپ لائن پر رابطہ کریں۔
میری ادائیگی کب واجب الادا ہوگی؟
آپ کوسروس فیس کی ادائیگی کا پیغام ملنے کے 48 گھنٹوں کے اندر سروس فیس کی ادائیگی کرنا ہو گی۔ بصورتِ دیگرآپکی اور اگر آپ فلیٹ پارٹنر ہیں تو آپکے فلیٹ کی راِئڈز ملنے کی سہولت عارضی طور پر معطل کر دی جائے گی۔
مجھے کب کب اوبر کو ادائیگی کرنا پڑے گی؟
آپکی ادائیگی کی رقم آپکی اور آپکے فلیٹ ڈرائیورزکی ڈرائیونگ کی عادات اور آمدنی پر منحصر ہے۔
اگر میں کم سے کم رقم ادا کروں تو کیا ہوگا؟
کم از کم رقم کی ادائیگی کیصورت میں آپکی اور اگر آپ فلیٹ پارٹنر ہیں تو آپکے فلیٹ کی راِئڈز ملنے کی سہولت بحال کر دی جائے گی۔ تاہم، کم ادائیگی کی وجہ سے آپکو نیا ادائیگی کا نوٹیفیکیشن تھوڑے وقت میں دوبارہ آجائے گا۔
میری کم سے کم ادائیگی دوسروں سے کیوں مختلف ہے؟
آپکی ادائیگی کی رقم آپکی اور آپکے فلیٹ ڈرائیورز کی ہفتہ وارآمدنی ، ڈرائیونگ کی عادات اور اوسط آمدنی پر منحصر ہے۔ ادائیگی کی کم سے کم مقدار کا تعین پارٹنرز کے پلیٹ فارم پرگزارے گئے وقت کے لحاظ سے مرتّب کیا جاتا ہے۔ لہٰذا کم از کم ادائیگی کی حد تمام پارٹنرز اور ڈرائیورزکے لیے مختلف ہوتی ہے۔
میں ایزی پیسہ استعمال نہیں کرنا چاہتا ، کیا میں پھر بھی ادائیگی کرسکتا ہوں؟
جی نہیں! فی الحال ایزی پیسہ ہی ادائیگی کا واحد دستیاب طریقہ ہے۔ ہم آپکے لئے ادائیگی کے مزید طریقوں پر کام کر رہے ہیں۔ اگر آپ چاہیں تو آپ کریڈٹ کارڈ استعمال کرکے بھی ادائیگی کر سکتے ہیں۔
کیا بونس کے ذریعہ منفی بیلینس ایڈجسٹ کیا جائے گا؟
جی ہاں بونس کے ذریعہ منفی بیلینس ایڈجسٹ کیا جائے گا۔ مثال کے طور پر سروس فیس منفی ہے اوربونس مثبت ہے۔ اگر بونس سروس فیس سے کم ہے تو ، آپ کا بیلنس منفی ہوگا۔ اگر بونس سروس فیس سے زیادہ ہے تو ، آپ کا بیلنس مثبت ہوگا۔ ایسی صورت میں آپ کو ادائیگی کرنے کی ضرورت نہیں ہوگی۔
کیا پارٹنر ایک موجودہ ایزی پیسہ اکاؤنٹ استعمال کرسکتا ہے؟
جی ہاں! پارٹنر اپنے موجودہ ایزی پیسہ اکاؤنٹ کی تفصیلات ادائیگی کے طریقہ میں درج کر کے اداِئیگی کے لئے استعمال کرسکتا ہے۔ جب آپ سے ادائیگی کریں(Pay Now) بٹن پر کلک کرنے کے بعد ایزی پیسہ اکاؤنٹ کی تفصیلات درج کرنے کے لئے کہا جاتا ہے تو ، آپ ایسا کوئی بھی ایزی پیسہ اکاؤنٹ درج کرسکتے ہیں جس تک آپ کو رسائی حاصل ہواور جسے آپ استعمال کرنے کے مجاز ہوں۔
والٹ میں (نقدرقم سے کریڈٹ) کو کس طرح ایڈجسٹ کیا جائے گا؟
آپکے والٹ میں موجود نقد رقم سے آپکے ذمّے واجب الادا رقم کی کی کٹوتی کرنے بعد موجود بقایا رقم آپکے والٹ میں ایڈجسٹ کر دی جائے گی۔ مثال کے طور پر ایک رائڈ کے اختتام پر 100 روپے کرایہ بنتا ہے اور رائڈر آپکو500 روپے ادا کرتا ہے۔ اس رائڈ کی سروس فیس 25 روپے ہے اور 400 روپے کی اضافی نقد رقم آپ رائڈر کے اکاؤنٹ میں جمع کر دیتے ہیں تو آپکے ذمّےاس ٹرپ سے اوبر کی کل واجب الادا رقم 425 روپے ہو گی۔
کیا آپ کو اوبر رجسٹرڈ نمبر کے ساتھ ایزی پیسہ اکاؤنٹ کھولنے کی ضرورت ہے؟
جی نہیں!آپکو ادائیگی کیلئے اوبر رجسٹرڈ نمبر کے ساتھ ایزی پیسہ اکاؤنٹ کھولنے کی ضرورت نہیں ہے۔ تاہم یقینی بنائیں کہ جو ایزی پیسہ اکاوٗنٹ آپ استعمال کر رہے ہیں آپ اسے استعمال کرنے کے مجاز ہیں اور اس نمبر پر ایزی پیسہ کا عارضی پاسورڈ وصول کر سکتے ہیں۔
عارضی طور پرغیرفعال پارٹنرز کو سروس فیس کی ادائیگی کے بعد فعال کرنے میں کتنا وقت لگے گا؟
عارضی طور پرغیرفعال پارٹنرز سروس فیس کی ادائیگی کے بعد چند منٹوں میں فعال ہوجاتے ہیں۔ تاہم، کچھ انتہائی صورتوں میں زیادہ سے زیادہ اڑتالیس گھنٹے تک کا وقت لگ سکتا ہے۔
پارٹنرز کے اکاؤنٹ میں ادائیگی کتنی دیر تک ظاہر ہوتی ہے؟
پارٹنر ڈرائیور کے اکاؤنٹ سے جب واجب الادا رقم کی ادائیگی کی جاتی ہے تو زیادہ تراوقات میں یہ فوراً ظاہر ہوجاتی ہے ، لیکن اس میں 48 گھنٹے تک کا وقت لگ سکتا ہے۔اگر یہ 48 گھنٹوں میں ظاہر نہیں ہوتی تو ، اپنی مکمل ٹرانزیکشن ID اور اسکرین شاٹ کے ساتھ ہم سے رابطہ کریں۔
میں نے ادائیگی نہیں کی ، اور ان باکس کا پیغام اب نظر نہیں آتا ہے۔ اب میں کس طرح ادائیگی کرسکتا ہوں؟
اگر آپ کو ان باکس میں ادائیگی کا پیغام نظر نہیں آتا ہے تو ، آپ ادائیگی کے لئے اپنے فون پر اس لنک کو استعمال کرتے ہوئے ادائیگی کرسکتے ہیں۔
میری واجب الادا رقم اور آمدنی کی سٹیٹمنٹ کا بیلینس مختلف ہے۔ میں کیا کروں؟
ہم آپ کو مطلع کرنا چاہیں گے کہ جب آپ ادائیگی کے بٹن پر کلک کرتے ہیں تو آپ جس بیلینس کو دیکھتے ہیں وہ صحیح بیلینس ہوتا ہے۔ بعض اوقات آپکے اکاؤنٹ میں کی جانے والی ایڈجسٹمنٹ (کرایہ میں ایڈجسٹمنٹ ، متفرق اخراجات وغیرہ) کے نتیجے میں آپ کے بقایا بیلنس اور آپکی کمائی والے بیلینس میں فرق آجاتا ہے۔ اگر آپ واجب الادا رقم ادا کرتے ہیں تو یہ رقم آپ کے دونوں بقایاجات میں بھی شامل کردی جائے گی۔ آپ ایک مثبت آمدنی والی سٹیٹمنٹ کا اختتام کریں گے ، جو آپ کے مستقبل کے بقایاجات میں ایڈجسٹ یا آپ کے اکاؤنٹ میں جمع ہوگا۔ مثال کے طور پر ، آپکی ادائیگی کی رقم منفی 3،000 روپے ہے اور اپکی آمدنی کی سٹیٹمنٹ میں آپکا بیلینس منفی 1500 روپے ہے۔ اگر آپ 3،000 ادا کردینگے تو آپکا نیا بیلنس مندرجہ زیل ہوگا:
آپکی ادائیگی کی رقم 0 روپے اپکی کمائی کی سٹیٹمنٹ کی رقم میں مثبت 1،500۔ یہ مثبت 1,500 روپے آپکے مستقبل کی قابل ادا
سروس فیس میں ایڈجسٹ ہوجائے گا یا پھر ہفتے کے اختتام پر آپکے بینک اکاؤنٹ میں جمع کروا دیا جائے گا۔
شائع کردہ منجانب Usman Khalid
