عايز تحجز رحلات أوبر لعيلتك وأصحابك؟ اعرف التفاصيل مِن الدليل ده

ساعات كتير مش إنت بس اللي محتاج توصيلة من أوبر، عيلتك وأصحابك كمان، بس أحيانًا بيبقوا مش عارفين يحجزوا رحلة لنفسهم. علشان كده أوبر حلّت لك المشكلة دي، وخلّتك تقدر تحجز ليهم رحلة بكل سهولة، كإنك بتحجز لنفسك بالظبط!

لوعايز تساعد حد من عيلتك يروح مشوار وإنت مش معاه، بسيطة.. أوبر هتساعدك تعمل كده من خلال “بروفايل العائلة” (Family Profile). البروفايل ده هيخلّيك تتحكّم في إنك تدفع الأجرة لعيلتك، وتتأكّد كمان إنهم وصلوا مشوارهم بأمان وسلامة. والأحسن من ده وده، ممكن تعمل كدة وإنت بره مصر كمان.

كل اللي هتحتاج تعمله إنك تدخل على تطبيق أوبر وتختار قائمة “الإعدادات” (Settings)، وبعد كده تختار “أنشئ حساب لعائلتك” ((Set up your family. وممكن تضيف لغاية ٤ أفراد في الحساب ده، وتدخّل أرقام تليفوناتهم وبياناتهم الشخصية. كل واحد فيهم هتجيله دعوة للاشتراك معاك (طبعًا هيحتاجوا يشغلوا تطبيق أوبر على تليفوناتهم زيّك بالظبط).

وهيحتاجوا يختاروا “بروفايل العائلة” (Family Profile) على إنه طريقة الدفع، بعدها هتقدر بكل سهولة توافق على الرحلات بتاعتهم. وبعد كل رحلة، هيجيلك إيصال استلام فيه كل بيانات الرحلة.

وزيّ أي راكب تاني بيستخدم أوبر وبيدفع الأجرة بنفسه، هيبعت التطبيق لأفراد عيلتك أو أصحابك كل المعلومات عن السائق والعربية اللي هتوصّلهم المشوار، وكمان نوعها ورقمها ووقت وصولها.

الجميل في الموضوع ده، إنك تقدر كمان تحجز رحلات لعيلتك ولأصحابك بنفسك. ولو هتختار مكان تروح فيه العربية علشان تقابل عيلتك أو أصحابك مختلف عن المكان اللي إنت فيه دلوقتي، هيسألك التطبيق لو التوصيلة دي لواحد من أفراد عيلتك أو صاحبك. وساعتها ينفع تختار الاسم، وكمان مكان الوصول وتحجز رحلة ليهم. وبعدها على طول هيستلم صاحبك أو قريبك اللي اختارته رسالة من السوّاق كالعادة، مع رابط يقدر من خلاله يتابع مسار العربية ووقت الوصول.

ومن ناحية تانية، هيعرف سائق أوبر اسم الراكب اللي رايح ياخده، ويقدروا بكل سهولة يتواصلوا مع بعض. ببساطة، هيحسّ صاحبك أو قريبك كإنه حجز الرحلة بنفسه!

الخاصية الرائعة دي هتخلّيك مرتاح البال ومتأكّد إن صديقك الصدوق أو قريبك هيوصل مشواره بسلامة وأمان، مهما كانت الظروف. ولو إنت أب قلقان على ابنك أو بنتك أو لو إنتي بنت قلقانة على جدّتك أو جدك، اتطمّنوا تمامًا لأنهم في إيد أمينة، واتأكّدوا إن شريك أوبر السائق هيخلّي باله منهم كويس أوي.