Uber کے ریفرل پروگرام کے قواعد و ضوابط

ہماری کمیونٹی کو بڑھانے میں مدد کرنے کا شکریہ۔ وقتاً فوقتاً Uber، اس کے ذیلی ادارے اور الحاق یافتگان ('Uber') لوگوں کو Uber ایپلیکیشنز اور/یا ویب سائٹس استعمال کرنے کی ترغیب دینے کے لیے آپ کو اپنے کسی ریفرل پروگرام میں شرکت کرنے کی دعوت دے سکتے ہیں۔ ریفرل پروگرام میں شرکت کرنا (چاہے اپنے دوستوں یا فیملی کو ریفر کر کے یا ریفرل لنک یا کوڈ کے ذریعے سائن اپ کر کے) مسافروں، Uber Eats کے صارفین (جہاں یہ سروس دستیاب ہو)، ڈرائیورز، کورئیر، مرچنٹس اور فلیٹ پارٹنرز، کیریئرز اور Uber ایپس کے دیگر صارفین (مجموعی طور پر 'Uber صارفین') کے لیے Uber کیش (جہاں یہ سروس دستیاب ہو) دیگر رعایات موصول کرنے یا اضافی پیسے کمانے (دونوں 'ریفرل انعام' ہیں) کا بہترین طریقہ ہو سکتا ہے۔

Uber ریفرل پروگرام کے قوائد و ضوابط ('قوائد و ضوابط') ان ریفرل پروگرامز پر لاگو ہوتے ہیں جن کا انتظام مکمل طور پر Uber کرتی ہے، ماسوائے UberHero ایپ کے (جہاں یہ سروس دستیاب ہو) اپنا ریفرل لنک یا کوڈ قبول کر کے اور اسے شیئر کر کے یا ریفرل لنک یا کوڈ کے ذریعے سائن اپ کر کے، آپ ان قوائد و ضوابط کے پابند ہونے سے اتفاق کرتے ہیں۔ ان اصولوں میں سی کسی کی خلاف ورزی نہ صرف آپ کو Uber کے ریفرل پروگرام میں شرکت کرنے سے روک دے گی (ابھی یا مستقبل میں) بلکہ پروگرام کے ذریعے حاصل کردہ Uber کریڈٹس، رقم یا کسی بھی دیگر انعام کی ضبطی یا باز گردانی اور یہاں تک کہ آپ کے اکاؤنٹ کی غیر فعالیت کا باعث بھی بن سکتی ہے۔

اس کے علاوہ، آپ کے سائن اپ کے شہر کے لحاظ سے کوئی دیگر شرائط بھی آپ کے ریفرل انعام پر لاگو ہو سکتی ہیں، نیز آپ کی جانب سے درکار کارروائیوں اور ساتھ ہی ریفرل انعام کی قسم اور رقم کا انحصار بھی آپ کے سائن اپ کے شہر پر ہے۔ وہ اضافی شرائط دیکھیں جو آپ کے دعوت نامے کے ساتھ آئے یا جو ریفر کرنے کے دوران ہماری ایپ یا ویب سائٹ میں فراہم کی گئیں۔

براہ کرم نوٹ کریں کہ یہ قوائد و ضوابط ان استعمال کی شرائط کے علاوہ ہیں جو وقتاً فوقتاً اپ ڈیٹ کیے جاتے ہیں اور جو یہاں دیکھے جا سکتے ہیں، جن کے تابع آپ کا Uber ایپس کا استعمال ہے اور ساتھ ہی ایسے کسی بھی معاہدے کے بھی (اگر موجود ہو) جو آپ کے اور Uber کے یا اس کے کسی بھی ذیلی اداروں یا الحاق یافتگان کے مابین آپ کے Uber سے تعاملات سے متعلق ہو۔

1. ریفرر/مدعو کار ہونے کے لیے کون اہل ہے؟

کوئی بھی ایسا شخص ریفرر/مدعو کرنے والا ہو سکتا ہے جو (a) اپنے ملک کا قانونی رہائشی ہو، (b) اپنی رہائش کی جگہ کے لحاظ سے قانونی عمر رکھتا ہو اور (c) اس کے پاس اچھی حالت میں Uber اکاؤنٹ ہو۔ ریفررز/مدعو کرنے والے Uber کے کسی بھی قسم کے صارف ہو سکتے ہیں، تاہم ان کے پاس کسی بھی Uber پروڈکٹ یا سروس کے لیے ایک سے زیادہ اکاؤںٹ نہیں ہونا چاہیے۔

2. ریفر/مدعو ہونے کے لیے کون اہل ہے؟

آپ کے دوست، فیملی اور دیگر لوگ جنہیں آپ جانتے ہوں (مگر آپ خود نہیں) ریفریز/مدعو کیے جانے کے اہل ہو سکتے ہیں۔ اہلیت کا تعین کرنے کے لیے، مندرجہ ذیل دفعات کو ذہن میں رکھیے:

Uber ایپلیکیشنز اور/یا ویب سائٹس کے ذریعے سروسز آرڈر کرنے والوں کے لیے اہل ریفریز/مدعو کردہ افراد:

Uber ایپلیکیشنز اور/یا ویب سائٹس کے ذریعے سروسز آرڈر کرنے والے کسی شخص کو ریفر کرنے پر ریفرل انعام حاصل کرنے کے لیے، آپ کے ریفری/مدعو کردہ فرد کو (a) اس سروس کا ایسا نیا Uber صارف ہونا جس نے مخصوص عرصے کے دوران Uber استعمال نہ کی ہو، Uber (b) ایپ استعمال کرنے کے لیے Uber کی شرائط پر پورا اترنا اور (c) مخصوص ریفرل پروگرام کے لیے درکار کارروائیوں کو مکمل کرنا (صرف مثال دینے کے لیے، Uber ایپ کے ذریعے بندوبست کیا گیا سفر لینا یا کوئی بھی قابل اطلاق کارروائی انجام دینا) ضروری ہے۔

Uber ایپلیکیشنز اور/یا ویب سائٹس کے ذریعے سروسز فراہم کرنے والوں کے لیے اہل ریفریز/مدعو کردہ افراد:

کسی ایسے شخص کو ریفر کر کے ریفرل انعام موصول کرنے کے لیے جو Uber ایپلیکیشنز اور/یا ویب سائٹ کے ذریعے سروسز فراہم کرتا ہو، آپ کے ریفری/مدعو کردہ فرد کے لیے ضروری ہے کہ (a) وہ ریفرل دعوت نامہ یا آفر میں بیان کردہ اہلیت کے تقاضے پر پورا اترتا ہو (مثلاً، مدعو کردہ فرد نے پہلے کبھی Uber کے ساتھ ڈرائیو، ڈیلیور نہ کیا ہو یا ڈرائیو یا ڈیلیور کرنے کے لیے سائن اپ نہ کیا ہو؛ یا ہو سکتا ہے کہ وہ موجودہ اکاؤنٹ ہولڈر ہو لیکن اس نے کچھ عرصے سے Uber کے لیے ڈرائیو یا ڈیلیور نہ کیا ہو جیسا کہ ریفرل آفر میں بیان کیا گیا ہے)، (b) ڈرائیور یا کورئیر بننے کے لیے Uber کی تمام شرائط پر پورا اترتا ہو؛ (c) ڈرائیو یا ڈیلیور کرنے کے لیے سائن اپ کرتے وقت آپ کا ریفرل لنک یا کوڈ استعمال کرے، یا آفر کو فعال کرے، جو بھی قابلِ اطلاق ہو؛ (d) پروگرام کے بیان کردہ عرصے میں سفر/ڈیلیوریز کی مخصوص تعداد مکمل کرے؛ (e) مخصوص ریفرل پروگرام کے لیے دیگر لازمی کارروائیاں پوری کرے؛ اور (f) آفر میں بصورت دیگر ایسا بیان نہ ہونے کے علاوہ، ریفرل دعوت نامہ بھیجے جانے کے 90 دن کے اندر سائن اپ کرے یا آفر کو فعال کرے۔ آپ کے ریفر/مدعو کردہ افراد کو صرف ایک ہی بار ریفر کیا جا سکتا ہے لہذا اگر کسی اور نے انہیں ریفر کیا ہو اور انہوں نے وہ دعوت نامہ قبول کر لیا ہو تو آپ کا دعوت نامہ قبول نہیں کر پائیں گے۔ اس کے علاوہ، براہ کرم نوٹ کریں کہ فلیٹ پارٹنرز ڈرائیورز کو اپنی فلیٹ میں مدعو یا ریفر کرنے پر ریفرل انعامات حاصل نہیں کر سکتے۔

ریفررز/مدعو کرنے والے یہ نہیں کر سکتے: خود کو مسافر/Uber Eats صارف یا کسی اور صارف کے بطور درخواست کرنا، مسافروں کے ساتھ ٹرپس کا پیشگی بندوبست کرنا، اپنی جگہ کسی اور کو ڈرائیو یا ڈیلیور کرنے کا کہنا، ڈپلیکیٹ/متعدد اکاؤنٹس بنانا، مکمل کرنے کے ارادے کے بغیر ٹرپس/ڈیلیوریز قبول کرنا، جھوٹی فیس یا چارجز کا دعوی کرنا، ٹرپ کی تفصیلات میں ہیر پھیر کرنا یا کوئی بھی ایسی چیز کرنا جو Uber کی کمیونٹی گائیڈ لائنز کے مطابق ممنوع ہے جو کہ وقتاً فوقتاً اپ ڈیٹ کی جاتی ہیں اور یہاں دیکھی جا سکتی ہے۔

اگر آپ Uber کو اپنے ریفریز/مدعو کردہ افراد کی رابطے کی معلومات فراہم کرتے ہیں تو آپ یہ اظہار کرتے ہیں کہ آپ کے پاس یہ معلومات فراہم کرنے کا حق ہے۔

ریفرل لنک یا کوڈ استعمال کرنے والے یا ریفرل آفر کو فعال کرنے والے مدعو کردہ افراد/ریفریز کو آفر میں بیان کردہ ٹرپس یا ڈیلیوریز کی مطلوبہ تعداد مدعو کرنے والے شخص کے ساتھ (ٹرپ کی تعداد کی معلومات) کے حوالے سے اپنی پیشرفت شیئر کرنے سے متفق ہونا چاہیے۔ جب مدعو کردہ فرد/ریفری آفر میں بیان کردہ تقاضوں کو مکمل کر لے گا یا جب ریفرل پروگرام کی میعاد ختم ہو جائے گی، دونوں میں سے جو بھی پہلے ہو جائے، تو اس کے بعد ایسی کوئی بھی شیئرنگ ختم ہو جائے گی۔

3. میں اپنا ریفرل لنک یا کوڈ کیسے استعمال کر سکتا ہوں؟

Uber کے پاس آپ کے ریفرل لنک یا کوڈ کو استعمال یا شیئر کیے جانے کی تعداد پر حد لگانے کا حق محفوظ ہے جس کا انحصار اس ریفرل پروگرام پر ہے جس میں آپ شرکت کرتے ہیں۔ یہ دیکھنے کے لیے کہ آیا آپ کے لنک یا کوڈ پر حد ہے یا نہیں، اس مخصوص ریفرل پروگرام کی شرائط سے رجوع کریں جس میں آپ شرکت کر رہے ہیں۔

Uber چاہتی ہے کہ آپ اپنا ریفرل لنک یا کوڈ شیئر کریں اور ریفرل انعامات جیتیں لیکن ریفرل کوڈز صرف ذاتی اور غیر کمرشل مقاصد کے لیے استعمال کیے جانے چاہئیں۔ اس کا مطلب ہے کہ آپ اپنا ریفرل لنک یا کوڈ صرف ان لوگوں کے ساتھ شیئر کر سکتے ہیں جنہیں آپ جانتے ہوں۔ آپ متفق ہیں کہ آپ یہ نہیں کریں گے:

1. اپنے ریفرل لنک یا کوڈ کو کسی بھی طریقے سے ڈپلیکیٹ، فروخت یا منتقل کرنا یا عام لوگوں کے لیے اسے دستیاب بنانا (جیسے کہ اسے کاروباری کارڈز پر چھاپ کر؛ کوپن ویب سائٹ، جاب ویب سائٹ پر شائع کرنا یا ملازمت کی درخواست کے حصے کے طور پر اسے استعمال کرنا، بشمول تاہم بلا تحدید مندرجہ ذیل ویب سائٹس اور ایپلیکیشنز،Amazon، EBay، Fiverr، Craigslist، RetailMeNot، Reddit، Wikipedia، Gumtree، Moneysavingexpert، Groupon یا بامعاوضہ سوشل میڈیا یا پھر بامعاوضہ تلاش کے ذریعے)؛
2. ریفر/مدعو کیے جانے والوں کو اسپام کر کے، بھاری تعداد میں ای میل کر کے یا بڑی تعداد میں بلا اجازت ای میلز کر کے حاصل کرنے کی کوشش کرنا۔ آپ صرف ان لوگوں کو ای میل کر سکتے ہیں جنہیں آپ ذاتی طور پر جانتے ہوں؛
3. Uber کی املاک دانش (جیسے کہ Uber کا لوگو، ٹریڈ مارکس اور کاپی رائٹ کے ذریعے محفوظ کام) کو Uber صارف، Uber کے ریفر/مدعو کرنے والے یا Uber کے لیے ریفر/مدعو کرنے والے کے بطور اپنی شناخت کروانے کے علاوہ کسی بھی اور غرض سے استعمال، ڈسپلے یا اس میں ہیر پھیر کرنا؛
4. کوئی بھی ایسے (i) کاروبار، (ii) URL، (iii) ڈومین کے نام، (iv) سافٹ ویئر ایپلیکیشنز یا عنوانات یا (v) سوشل میڈیا ہینڈلز یا پروفائلز بنانا یا رجسٹر کرنا جن میں لفظ 'Uber' یا Uber کا کوئی بھی دیگر ٹریڈ مارک یا کوئی بھی ایسا لفظ شامل ہو جو Uber کے ٹریڈ مارکس سے غلط فہمی پیدا کرنے کی حد تک مماثل ہو۔
5. Uber کے ٹریڈ مارکس کو اپنی سوشل میڈیا پروفائل کی تصویر یا وال پیپر کے بطور استعمال کرنا یا Uber کے کسی بھی کاپی رائٹ کے ذریعے محفوظ کردہ کام (جیسے کہ Uber کی ویب سائٹ یا ایپ سے گرافکس، تصاویر، امیجز، ڈرائنگز اور اسکرین شاٹس) Uber کی واضح تحریری اجازت کے بغیر استعمال کرنا؛
6. خریداری کے کلیدی الفاظ (بشمول مگر Google Adwords تک محدود نہیں) جن میں کوئی بھی Uber کے ٹریڈ مارکس شامل ہوں؛
7. اپنے ریفرل لنک یا کوڈ کو تقسیم، شائع یا بصورت دیگر شیئر کرنے کے لیے کسی بھی چینل کے ذریعے خودکار سسٹمز یا بوٹس استعمال کرنا؛
8. دعوت نامے بھیجنے یا بصورت دیگر اپنا ریفرل لنک یا کوڈ شیئر کرنے کے لیے سکرپٹس یا پروگرام کردہ یا خودکار ڈائلرز استعمال کرنا؛
9. Uber کے بارے میں گمراہ کن دعوے کرنا، ناپسندیدہ/غیر مہذب مواد استعمال کرنا، جعلی ویب سائٹس/ویب صفحات/سوشل میڈیا پروفائلز/ایپس بنانا، Uber کے ساتھ اپنے تعلق کی غلط نمائندگی کرنا یا بصورت دیگر ریفر/مدعو کیے جانے والوں سے اپنا لنک یا کوڈ استعمال کروانے کی غرض سے کوئی بھی جھوٹا یا گمراہ کن بیان دینا؛ یا
10. اپنا ریفرل لنک یا کوڈ کسی بھی ایسے طریقے سے استعمال کرنا جو قانون یا کسی کے بھی حقوق کی خلاف ورزی کرتا ہو۔

یاد رکھیں، جب آپ اپنا ریفرل لنک یا کوڈ شیئر کرتے ہیں تو آپ کو وضاحت کرنی ہو گی کہ آپ Uber کے ریفر کرنے والے ہیں۔

4. میں ریفر/مدعو کرنے والے کے بطور اپنا ریفرل انعام کیسے حاصل کر سکتا/سکتی ہوں؟

جب تک کہ آپ اور آپ کا ریفر/مدعو کیا جانے والا ان اصولوں اور ان استعمال کی شرائط پر عمل کرتے ہیں جن کے تابع آپ کا Uber ایپس کا استعمال ہے اور آپ کے پاس فعال اکاؤنٹ ہے آپ کو اپنے ریفر/مدعو کیے جانے والے کے آپ کا لنک یا کوڈ استعمال کر کے Uber کے ساتھ سائن اپ کرنے اور/یا ریفرل انعام کو فعال کرنے، اور اس مخصوص ریفرل انعام کے تقاضوں کو مکمل کرنے (جیسے کہ ڈرائیورز یا کورئیرز کے لیے ٹرپس/ڈیلیوریز کی کم از کم تعداد کو مکمل کرنا، مسافروں کے لیے سفر لینا یا Uber Eats کسٹمرز کے لیے کھانا آرڈر کرنا (جہاں ایسی سروس دستیاب ہو) پر آپ کو اپنا ریفرل انعام ملنا چاہیے۔ ڈرائیور کے ریفرلز کے لیے، UberPool پر ہر مکمل کردہ پک اپ اور ڈراپ آف (جہاں یہ سروس دستیاب ہو) ریفرل آفر ریڈیم کرنے کے لیے درکار کم از کم ٹرپس میں ایک مکمل کردہ ٹرپ کے بطور شمار ہوتا ہے۔ کورئیرز کے لیے، مرچنٹس سے آرڈر پک کرنا اور اسے کسٹمر کو ڈیلیور کرنا ایک ٹرپ کے بطور شمار ہوتا ہے۔ منسوخ کردہ ٹرپس یا آرڈرز ان کم از کم تقاضوں میں شمار نہیں ہوتے۔ نوٹ کریں کہ جب تک ریفرل آفر پر اس کے برعکس بیان نہ ہو، تمام ریفرل دعوت ناموں کی میعاد بھیجنے کی تاریخ کے 90 دن بعد ختم ہو جائے گی اور تمام ریفرل انعامات کی میعاد کسی نئے ڈرائیور یا کورئیر کی صورت میں ختم ہو جائے گی، مدعو کردہ فرد کے بطور دستخط کرنے کی تاریخ کے 90 دن بعد ڈرائیور یا کورئیر یا کسی موجودہ ڈرائیور یا کورئیر کی صورت میں، جب آپ کا مدعو کردہ شخص ریفرل آفر فعال کرنے کی تاریخ کے 90 دن بعد آپ کا ریفرل لنک یا کوڈ استعمال کرتا ہے۔

ریفررز کُل ملا کر 50 ریفرل ادائیگیوں تک محدود ہیں۔ ریفرل انعامات صوابدیدی ہیں اور ریفرل انعام کی مقدار اور اسے حاصل کرنے کے تقاضے دونوں بہ لحاظِ شہر اور شہر کے اندر متغیر ہو سکتے ہیں۔ نتیجتاً، اگر آپ کا ریفری/مدعو کردہ فرد کسی ایسے شہر میں سائن اپ کرتا ہے جو آپ کے شہر سے مختلف ہے تو انہیں آپ کی دعوت میں بیان کردہ پیشکش سے مختلف ریفرل آفر موصول ہو سکتی ہے (انہیں اپنے سائن اپ کے شہر میں دستیاب آفر موصول ہو سکتی ہے) اور آفر نیز ریفرل انعام کی رقم کی توثیق آپ کے ریفرل لنک یا کوڈ کے ذریعے مدعو کردہ فرد/ریفری کے سائن اپ کرنے پر ہوگی۔ اسی طرح، اگر مدعو کردہ فرد موجودہ ڈرائیور یا کوریئر ہے اور وہ آپ سے مختلف کسی شہر میں یا کسی دوسری طرح کی گاڑی (کار، بائیک یا دیگر) استعمال کرتے ہوئے ریفرل آفر فعال کرتا ہے تو اسے آپ کی دعوت میں بیان کرد آفر سے مختلف آفر موصول ہو سکتی ہے اور آفر نیز ریفر انعام کی رقم ریفری/مدعو کیے جانے والے شخص کے آپ کے ریفرل لنک یا کوڈ کے ذریعے آفر فعال کرنے کے بعد ہوگی۔ اس کا مطلب ہے کہ آپ کو اپنی توقع سے مختلف ریفرل انعام مل سکتا ہے۔ براہ کرم نوٹ کریں کہ اگرچہ آپ کسی مختلف شہر میں موجود شخص کو مدعو کر سکتے ہیں لیکن کسی مختلف ملک میں موجود شخص کو مدعو نہیں کر سکتے۔

Uber کے پاس آپ کے ریفرل لنک یا کوڈ کو استعمال کیے جانے کی تعداد پر حد لگانے کا حق محفوظ ہے۔ ریفرل انعامات موصول کرنے کے تقاضے اور ان کی مقدار Uber کی کُلی صوابدید پر تبدیلی سے مشروط ہیں۔ Uber کریڈٹس کی صورت میں ریفرل انعامات منتقل نہیں ہو سکتے، ان کی کوئی نقد قدر نہیں ہوتی اور ان کی میعاد ختم ہو سکتی ہے۔

5. میں ریفر/مدعو ہونے والے کے بطور ریفرل انعام کیسے حاصل کر سکتا/سکتی ہوں؟

سفر کے لیے، بائیک یا اسکوٹر صارفین یا Uber Eats کے ساتھ آرڈر کرنے والوں کے لیے (جہاں یہ سروس دستیاب ہو)، ریفر/مدعو کیے جانے والوں کو پہلی بار Uber ایپلیکیشنز اور/یا ویب سائٹس استعمال کرنے پر رعایت مل سکتی ہے۔ رعایت کی مقدار اور صورت ان کے دعوت نامہ میں دکھائی جائے گی۔ ڈرائیورز اور کوریئرز کے لیے، ریفر/مدعو کیے جانے والے دعوت نامے کے ذریعے سائن اپ کرنے کے بعد ٹرپس یا ڈیلیوریز کی تعداد کے لحاظ سے خصوصی آفرز کے لیے اہل ہو سکتے ہیں۔ ان آفرز کی شرائط ان کے دعوت نامہ میں دکھائی جائیں گی۔

6. خاتمہ اور تبدیلیاں

Uber کسی بھی ریفرل پروگرام کو کُلی یا جزوی طور پر، نیز کسی بھی ریفر/مدعو کرنے یا کیے جانے والے کی کسی بھی ریفرل پروگرام میں شرکت یا ریفرل انعامات موصول کرنے کی قابلیت میں کسی بھی وقت اور کسی بھی وجہ سے تبدیلی کرنے، ختم کرنے یا موقوف کرنے کا حق محفوظ رکھتی ہے بشمول مشتبہ دھوکہ دہی (بشمول آیا ریفر کرنے والے کی جانب سے ہو اور/یا ریفر/مدعو کیے جانے والے کی طرف سے)، غلط استعمال یا ان اصولوں کی کسی بھی خلاف ورزی نیز آپ اور Uber یا اس کے کسی بھی ذیلی ادارے یا الحاق یافتہ کے درمیان کسی بھی معاہدے (اگر موجود ہو) کی خلاف ورزی کی صورت میں۔ اگر Uber اپنا کوئی بھی ریفرل پروگرام ختم کرتی ہے تو کوئی بھی غیر استعمال شدہ یا غیر ریڈیم شدہ ریفرل انعامات اس وقت ضبط ہو جائیں گے، بشرطیکہ ہم آپ کو اپنے ریفرل انعامات استعمال یا ریڈیم کرنے کے لیے 14 دن کا نوٹس دیں۔

Uber کسی بھی وقت ان اصولوں کو اپ ڈیٹ کر سکتی ہے۔ اگر Uber کوئی اپ ڈیٹ کرتی ہے تو وہ اس اپ ڈیٹ کو Uber.com ویب سائٹ اور ایپلیکیشنز پر پوسٹ کرے گی اور آپ کو اپ ڈیٹ کا نوٹس فراہم کرے گی۔ کسی بھی اپ ڈیٹ کے بعد کسی بھی ریفرل پروگرام میں شرکت جاری رکھنے کا مطلب ہو گا کہ آپ اپ ڈیٹ سے متفق ہیں۔