Masharti ya Matumizi ya Uber Reserve

Safari za Uber Reserve zinategemea sheria na masharti yafuatayo (“Masharti ya Reserve”). Masharti haya ya Reserve yanajaliza masharti mengine uliyokubaliana na Uber ambayo yanadhibiti matumizi yako ya Huduma. Istilahi katika Masharti haya ya Reserve ambayo hazijafafanuliwa vinginevyo ina maana kama katika Masharti ya Jumla.

Sogeza kwenda chini hadi sehemu ya chini ya ukurasa ili ukague masharti mahususi ya nchi/eneo ili upate maelezo ya kina kuhusu Reserve katika eneo lako. Reserve haipo katika baadhi ya maeneo, na huenda isipatikane wakati mwingine kulingana na hali ya soko. Tafadhali angalia programu ya Uber ili uone ikiwa Reserve inatumika katika jiji lako.

Mambo Muhimu (soma maandiko kamili kwa maelezo mengine muhimu):

• Uber haikuhakikishii kwamba dereva atakubali ombi lako la kuweka nafasi ujumbe wa “Kuweka Nafasi Kumethibitishwa” haumaanishi mwamba dereva amekubali. Unaweza kuona maelezo ya dereva wako kwenye programu wakati dereva amekubali.
• Huenda ukatozwa ada ya kughairi kwa kughairi safari ikiwa likiwalimesalia saa moja wakati wa kuchukuliwa, wakati dereva amekubali safari hiyo au ikiwa hautajitokeza kwa ajili ya safari. Hata hivyo, ada ya kughairi itaondolewa ikiwa utaghairi kabla ya kupata maelezo ya dereva, hata ikiwa ni ndani ya saa moja baada ya safari.
• Bei za Reserve ni tofauti - na zinaweza kuwa za juu zaidi - kuliko bei za safari za kuagiza zinapohitajika kwa safari sawa.
• Wakati wa kuchukuliwa na kushushwa ni makadirio na huenda ukabadilika kulingana na trafiki na sababu nyingine za ulimwengu halisi. 

Bei na Ofa za Reserve

Unapofanya ombi la safari ya Reserve, bei utakayoona itakuwa makadirio ambayo yanajumuisha ada ya kuweka nafasi. Ada hii inatofautiana kulingana na anwani ya kuchukuliwa na/au siku na wakati wa safari lakini kila wakati hujumuishwa kwenye bei ya awali.

Huenda bei ya safari yako ikaongezeka ikiwa urefu, muda au njia ya safari yako itabadilika.

Huenda ofa fulani zisistahiki kutumika kwenye safari za Reserve. Angalia masharti yanayotumika ya ofa kwa maelezo. Ofa zinazostahiki zitatumika kwenye nauli ya safari yako ya Reserve wakati dereva wako anapoombwa kuanza kusafiri hadi eneo lako la kuchukuliwa. Kumbuka kwamba ofa hazitumiki kwenye Local Cab au Uber Taxi, kama inavyotumika.

Kughairi

Unaweza kutozwa ada ya kughairi kwa safari uliyoomba ya Reserve ikiwa umekutanishwa na dereva na (1) wewe, mwanafamilia wako, au msafiri aliyealikwa, kama inavyotumika, ameghairi ombi lako ikiwa imesalia dakika 60 hadi mwanza wa safari, au dakika 60 za muda wa kuwasili langoni kwa ajili ya kuchukua nafasi ya Reserve kwenye uwanja wa ndege, au (2) baada ya muda wa kuchukuliwa, msafiri hatakutana na dereva ndani ya muda wa kusubiri uliojumuishwa kwenye bei ya aina yako ya safari, na dereva ataghairi.

Ada za kughairi za Reserve kwa kawaida huwa juu kuliko ilivyo kwa safari za kuagiza zinapohitajika. Muda wa kusubiri na kiasi cha ada ya kughairi hutofautiana kulingana na aina ya safari na eneo. Rejelea Sera ya Kughairi kwenye programu ya Uber ili uone muda wa kusubiri, kiasi cha ada ya kughairi na kiwango cha chini cha muda wa safari (ikiwa kinatumika) zinazotumika kwa kila aina ya safari.

Utapokea arifa dereva wako akiwa njiani akija. Hata hivyo, ikiwa dereva wako anatarajiwa kuchelewa kwa kiasi kikubwa, kwa safari nyingi (bila kujumuisha safari za uwanja wa ndege), tutakujulisha mapema na utakuwa na dakika 10 kutoka unapopokea arifa ilani za kughairi bila kutozwa malipo yoyote.

Masharti ya Uber Reserve Maalum kwa Nchi/Eneo:

Australia: Ada za Kuweka Nafasi haiwezi kuzidi upeo wa juu wa AU$19.99.

Kanada: Ada za Kuweka Nafasi haiwezi kuzidi upeo wa juu wa CA$80.00.

Kolombia na Honduras: Kwa ufafanuzi, neno “safari” kama lilivyotumiwa katika Masharti haya linarejelea “kukodisha” au kitendo cha “kutekeleza mkataba wa kukodisha,” na neno “dereva” linarejelea “mkodishaji.”

Ufaransa: Bei (ikiwemo malipo ya mapema na nyongeza za muda wa kusubiri) ya safari za Uber Taxi na Taxi Business inahesabiwa kulingana na kanuni zinazotumika. Angalia maelezo ya bidhaa ya ndani ya programu kwa chaguo hizi ili upate taarifa zaidi kuhusu bei ya teksi iliyodhibitiwa.

Hong Kong: Wakati wa kuweka nafasi ya safari, unamuomba dereva mshirika: (1) kuthibitisha safari angalau dakika 40 kabla ya kuchukuliwa (dakika 60 kwa Uber Black), na (2) kuepuka kughairi chini ya saa moja kabla ya kuchukuliwa.

Japani: Safari za kuweka nafasi nchini Japani hutawaliwa na sheria na masharti mahususi. Kwa maelezo, tafadhali kagua Sheria na Masharti ya Huduma ya Kuweka Nafasi ya Uber Premier hapa.

New Zealand: Ada za Kuweka Nafasi haiwezi kuzidi upeo wa juu wa NZ$19.99.

Uber Platinum: Safari za Uber Platinum zinapatikana tu nchini Marekani.

Uingereza: Kwa kuweka nafasi ya safari ya Uber Reserve kupitia mfumo wa Uber, unatoa ofa ya kununua Huduma za Usafiri wa Uber ambazo ni sehemu ya nafasi uliyoweka kwenye Uber Reserve. Hakuna wajibu kwetu kukubali ofa hii na tunaweza kukataa ofa yako kwa sababu yoyote. Ofa yako itakubaliwa tu tutakapotoa uthibitisho wa maandishi kuhusu Huduma Husika za Usafiri wa Uber kupitia ujumbe wa maandishi, barua pepe au arifa ya programu kutoka kwa programu ya Uber ya simu. Ujumbe huu, barua pepe au arifa hii ya programu itajumuisha maelezo ya dereva ambaye amethibitisha upatikanaji wake ili kutimiza safari yako.

Marekani: Kwa safari za Uber Platinum, baada ya kuweka nafasi, tunaweza kushiriki maelezo yako ya kuchukuliwa na kushushwa na washirika wengine kwa madhumuni ya kutimiza safari.