නීතිය බලාත්මක කිරීමේ අධිකාරිය සඳහා Uber උපදෙස් මාලාව - අමරිකා එක්සත් ජනපදයෙන් බැහැර
Uber අපගේ වේදිකාවේ ආරක්ෂාව අඛණ්ඩව වැඩි දියුණු කිරීමට සහ අප ක්‍රියාත්මක වන ප්‍රජාවන්හි ආරක්ෂාවට දායක වීමට කැපවී සිටී. Uber සතුව මහජන ආරක්ෂක ප්‍රතිචාර කණ්ඩායම (PSRT: Public Safety Response Team) නමින්, ලොව පුරා නීතිය ක්‍රියාත්මක කරන ආයතන සමඟ එක්ව කටයුතු කිරීමට කැප වූ විශේෂිත කණ්ඩායමක් ඇත. මෙම කණ්ඩායම Uber වෙත ලැබෙන නීතිය බලාත්මක කිරීමේ සෑම ඉල්ලීමක්ම විමර්ෂණය කර ප්‍රතිචාර දක්වයි. සතියේ දින හතේම, දවසේ පැය විසි හතර පුරා අපගේ නීතිය බලාත්මක කිරීමේ ද්වාරය ඔස්සේ හදිසි ඉල්ලීම් ඇතුළ නීතිය ක්‍රියාත්මක කිරීම සඳහා අධාරවීම පිණිස වූ ක්‍රියාවලි PSRT කණ්ඩායම සතුව ඇත.
Uber, අපගේ පාරිභෝගිකයන්ගේ හා හවුල්කරුවන්ගේ දත්ත වල සුරක්ෂිත භාවය රැකගැනීමට කැපවී සිටී. Uber ක්‍රියාත්මක වන සෑම බලප්‍රදේශයකම දත්ත සුරක්ෂිතභාවය පිළිබඳව දැන්වීම් හා පරිශීලන නියාමනයන් පොදුවේ ලබා දී ඇත. නීතිමය ක්‍රියාවලියකට දත්ත ලබාදීමේදී එම රටට අදාළ නීති සහ Uber මූලික මූලධර්මය අනුගමනය කරයි.
Uber නිෂ්පාදන සහ සේවා පිළිබඳ යාවත්කාලීන තොරතුරු අපගේ උපකාරක අඩවියෙන් හෝ ප්‍රවෘත්ති අඩවිය වෙතින් ලබාගත හැකිය.
මෙම උපදෙස් මාලාව හා අන්තර්ගත ප්‍රශ්නෝත්තර, කියවන්නාට නෛතික උපදෙස් ලෙස කර නොමැත.
මහජන ආරක්ෂක ප්‍රතිචාර කණ්ඩායම (PSRT)
Uber Technologies, Inc. (“UTI”) සහ Uber BV යනු යුරෝපා ආර්ථික කලාපයේ (“EEA”), ස්විස්ටර්ලන්තයේ සහ එක්සත් රාජධානියේ සියලුම පරිශීලකයන්ගේ පුද්ගලික දත්ත සඳහා සාමූහික දත්ත පාලකවරුන් වන අතර, UTI අනෙකුත් සියලුම දත්ත සඳහා එකම දත්ත පාලකයා වේ. Uber හි PSRT කණ්ඩායම අදාළ දත්ත පාලකයාගේ උපදෙස් වලට අනුකූලව ලොවපුරා නීතිය බලාත්ම කරන්නන් වෙතින් ලැබෙන ඉල්ලීම් සලකා බලයි.
නෛතික ක්රියාවලියක් සම්බන්ධ ඉල්ලීමක්, සංරක්ෂණ ඉල්ලීමක් හෝ හදිසි හෙළිදරව්කිරීමේ ඉල්ලීමක් ලැබීමෙන් පසු, Uber විසින් ඉල්ලූ දත්ත හෙළදරව් කළ හැක්කේ ඒසේ කිරීම සඳහා වන පහත කරුණු හා අනුකූල වන්නේනම් පමණි:
- විද්යුත් සන්නිවේදන පෞද්ගලිකත්ව පනත ඇතුළු ඇමරිකා එක්සත් ජනපදයේ නීතීන්
- දත්ත ඉල්ලුම් කරන රටට අදාළ වන දේශීය නීතීන්, උදාහරණයක් ලෙස යුරෝපා සංගමයේ සාමාන්‍ය දත්ත ආරක්ෂක රෙගුලාසි
- Uber සමාගමේ මූලික මූලධර්ම
- Uber හි දත්ත ආරක්ෂාව හා පෞද්ගලිකත්වය පිළිබඳ දැන්වීම් හා මීට අදාළ පරිශීලන නියාමනයන් ඇතුළත් ප්‍රතිපත්ති.
නිතිය බලාත්මක කිරීමේ ආයතන විසින් PSRT සම්බන්ධ කර ගැනීමේ ප්‍රාථමික මාර්ගය ලෙස ද්වාරය භාවිත කළ යුතුය. නෛතික ක්‍රියාවලීන් සම්බන්ධ ඉල්ලීම්, සංරක්ෂණ ඉල්ලීම් හෝ හිදිසි හෙළදරව් කිරීමේ ඉල්ලීම් ඉදිරිපත් කිරීමේදී නීතිය බලාත්මක කිරීමේ ආයතන වලට PSRT විශේෂඥයින් සමඟ සම්බන්ධ වීමේ කේන්ද්‍රස්ථානය සපයන්නේ ද්වාරය මඟිනි. ඉදිරිපත් කරන ලද නෛතික ක්‍රියාවලීන් සම්බන්ධයෙන් වන ඉල්ලීම පිළිබඳ යාවත්කාලීන තොරතුරු ලබාගැනීමට හෝ ප්‍රශ්න ඇසීමට නීතිය බලාත්මක කරන්නන් විසින් ද්වාරය භාවත කරනු ලැබිය හැකිය. ගිණුමක් නිර්මාණය කිරීම සඳහා උපදෙස් මෙහි ඇත. ද්වාරය භාවත කළ හැක්කේ නිල නීතිමය ක්‍රියාදාමයන් සම්බන්ධයෙන් සාක්ෂි ලබා ගැනීමට බලයලත් නීතිය ක්‍රියාත්මක කරන්නන් සහ රජයේ නිලධාරීන්ට පමණි. ද්වාර ගිණුම් නිර්මාණය කළ යුත්තේ නිල නීතිය බලාත්මක කරන ආයතනයක විද්යුත් තැපැල් ගිණුමක් හෝ රජයේ විද්යුත් තැපැල් ගිණුමක් භාවිත කරමිනි.
නෛතික ක්‍රියාවලින් සම්බන්ධ ඉල්ලීම්, සංරක්ෂණ ඉල්ලීම් සහ හදිසි හෙළිදරව් කිරීමේ ඉල්ලීම් සඳහා අවශ්‍යතා
Uber වෙත ඉල්ලීමක් ඉදිරිපත් කරන විට නීතිය බලගැන්වීමේ ආයතන විසින් දත්ත සම්බන්ධයෙන් අනන්‍යතාවය (Unique Identifier) තහවුරු කිරීමේ දත්ත ලබාදිය යුතුය. උදාරණයක් ලෙස හැකිතාක් දුරට පුද්ගලයාගේ දුරකථන අංකය හෝ වාහන අංක තහඩුව හෝ Uber ගිණුම් අංකය සැපයිය යුතුය. Uber ආයතනය හා සම්බන්ධයෙන් ලොව පුරා සිටින පාරිභෝගිකයින්ග් හා හවුල්කරුවන්ගේ විශාලත්වය නිසා නම හෝ උපන්දිනය මගින් පමණක් බොහෝ විට අනන්‍යතාවය තහවුරු කිරීමට නොහැකි වේ. එළෙසම නිශ්චිත ගමන් භාරයකට අදාළ තොරතුරු විමසීමේදී, විමර්ශනයට අදාළ ගිණුම හඳුනා ගැනිමට ඉහත කී තොරතුරු වලට අමතරව දිනය, වේලාව, ගමනක ඇරඹුම හා අවසන් වූ ස්ථානය වැනි තොරතුරු අපට ලබාදිය යුතුය.
නෛතික ක්‍රියාවලීන් සම්බන්ධ ඉල්ලීම්, සංරක්ෂණ ඉල්ලීම් සහ හදිසි හෙළිදරව් කිරීමේ ඉල්ලීම් අදාල Uber ආයතනය වෙත යොමුකළ යුකුය :
- යුරෝපා ආර්ථික කලාපයේ, ස්විස්ටර්ලන්තයේ සහ එක්සත් රාජධානියේ බලධාරීන්ගේ ඉල්ලීම් Uber BV, Burgerweeshuispad 301, 1076 HR, Amsterdam, Netherlands වෙත යොමුකළ යුතුය.
- අනෙකුත් සියලුම බලධාරීන්ගේ ඉල්ලීම මහජන ආරක්ෂක ප්‍රතිචාර කන්ඩායම (PSRT: Public Safety Response Team), Uber Technologies, Inc. (UTI), 1725 3rd Street, San Francisco, CA 94158 වෙත යොමුකළ යුතුය.
නෛතික ක්‍රියාවලිය සම්බන්ධ ඉල්ලීම්
දත්ත සඳහා වන සියලුම් නීතිය බලාත්මක කිරීමේ ඉල්ලීම් නෛතික ක්රියාවලියක් මගින් ඉදිරිපත් කල යුතුය. (පහත සාකච්ඡා කරන ලද හදිසි අවස්ථා ඉල්ලිම් හැර) වලංගු නෛතික පදනමක් නොමැති, අනවශ්‍ය ලෙස පුළුල් පරාසයක් පුරා පැතිර ඇති, අපැහැදිලි හෝ වෙනත් අයුරකින් නුසුදුසු ඉල්ලීම් හෝ නීත්‍යානුකූලභාවය තහවුරු කළ නොහැකි වීම ඇතුළ ඕනෑම හේතුවක් නිසා නෛතික ක්‍රියාවලියෙන් බැහැර ලෙස සලකා එම ඉල්ලිම් ප්‍රතික්ෂේප කිරීමේ අයිතිය Uber සතුය. Uber හට එක්සත් ජනපදයෙන් පිටත සිටින බලධාරීන් හට වාර්තා හෙලිකිරීම සඳහා, වලංගු එක්සත් ජනපද අධිකරණ නියෝගයක් (අන්‍යෝන්‍ය නීතිආධාර සම්මුතියක්, අන්‍යෝන්‍ය නීතිආධාර ගිවිසුමක් හෝ යම් අධිකරණයක් විසින් තවත් රටක අධිකරණයකට නිකුත් කළ ලිපියක් හරහා) අවශ්‍ය විය හැකිය. උදාරණ වශයෙන්, සාමාන්‍යයෙන් සන්නිවේදනයන්හි අඩංගු දේ එක්සත් ජනපදයෙන් පිටත බලධාරීන්ට හෙළි කිරීම සඳහා Uber හට වලංගු ඒක්සත් ජනපදන අධිකරණ නියෝගයක් (අනෙකා නීති ආධාර සම්මුතියක්, අන්‍යෝන්‍ය නීති ආධාර ගිවිසුමක් හෝ යම් අධිකරණයක් විසින් තවත් රටක අධිකරණයටක නිකුත්කල ලිපියක් හරහා) අවශ්‍ය වේ.
වලංගු වීමට නම්, Uber වෙත ඉදිරිපත් කරන ලද නෛතික ක්‍රියාවලීන් සම්බන්ධ ඉල්ලීම් සාමාන්‍යයෙන් :
- අදාල Uber ආයතනය වෙත යොමුකළ යුතුය;
- ඉල්ලුම්කරන අධිකාරියේ දේශීය නීතියට අනුකූලව නිකුත් කළ යුතුය;
- විනිසුරුවරයෙකු වැනි සුදුසු අධිකාරියක් විසින් නිකුත් කරනු ලැබිය යුතුය;
- විනිසුරුවරයෙකු වැනි සුදුසු අධිකාරියක් විසින් අත්සන්‌ තබනු ලැබිය යුතුය;
- දින යොදා තිබිය යුතුය;
- අදාළ නම්, ප්‍රතිචාරාත්මක ලිපි ද්‍රව්‍ය ආපසු ලබා දීමට දිනයක්‌ ලබා දිය යුතුය; තවද
- සාධාරණ ලෙස විශේෂයෙන්‌ හඳුනාගෙන ඇති ඉලක්කගත ගිණුම/ගිණුම්; අනාවරණය කළ යුතු ගිණුමේ ඇති තොරතුරු වර්ග; සහ අදාළ දින පරාසය හඳුනාගත යුතුය.
සංරක්ෂණය කිරීමේ ඉල්ලීම්
නීතිය බලාත්මක කරන ආයතන හට ගිණුම් වාර්තා සංරක්ෂණය කිරිමේ ඉල්ලීම් ඉදිරිපත් කළ හැකිය. එවැනි ඉල්ලීමක් ලැබීමෙන් පසු, Uber විසින් නෛතික ක්‍රියාවලියට අනුකූල තීරණයක්‌ නිකුත් කරන තෙක්‌ සංරක්ෂණ ඉල්ලීමේ විෂය හා අදාළව තමන්‌ සතුව ඇති ඕනෑම වාර්තාවක් හෝ වෙනත් තොරතුරක්‌ සංරක්ෂණය කිරීමට පියවර ගත හැකි ය. සංරක්ෂණය කිරිමක්‌ යනු අප වෙත සංරක්ෂණ ඉල්ලීම ලැබෙන අවස්ථාවේ දී Uber පරිශීලකයෙකුගේ ගිණුමෙගි ඇති අන්තර්ගතයේ වාර්තාවල එක්‌ වරක්‌ ගනු ලැබූ රූපයක්‌ (“Snapshot”) වන අතර එය එකී වාර්තාවල අඛණ්ඩ තත්කාලීන සංරක්ෂණය කිරීමක්‌ නොවන්නේ ය. ඕනෑම හේතුවක් නිසා සංරක්ෂණ ඉල්ලීම් ප්‍රතික්ෂේප කිරීමේ අයිතිය Uber විසින් රඳවාගනු ලැබේ.
හදිසි හෙළිදරව් කිරීමේ ඉල්ලීම්
ඇමරිකා එක්සත් ජනපදයේ නීතියට සහ දේශීය නීතියට අනුකූල වන තාක් දුරට, ඕනෑම පුද්ගලයෙකුට ජීවිත හානි හෝ බරපතළ ශාරීරික අනතුරක්‌ ඇති වීමේ අවදානමක්‌ සම්බන්ධ හදිසි අවස්ථාවක දී ඊට සම්බන්ධ අදාළ තොරතුරු ප්‍රමාදයකින්‌ තොරව හෙළිදරව් කිරීම අවශ්‍ය බවට Uber හට සද්භාවී විශ්වාසයක්‌ තිබේ නම්, Uber විසින් නීතිය ක්‍රියාත්මක කරන ආයතනයකට පරිශීලක දත්ත ස්වේච්ඡාවෙන්‌ හෙළිදරව් කළ හැකිය. ඉල්ලුම් කරන ලද දත්ත, පවතින හදිසි අවස්ථාව සම්බන්ධයෙන් පියවර ගැනීමට විශේෂයෙන්‌ අදාළ වන දත්තවලට සීමා විය යුතුය.
හදිසි හෙළිදරව් කිරීමේ ඉල්ලීම් ද්වාරය ඔස්සේ හෝ හදිසි අවස්ථා අනාවරණ ආකෘති පත්‍රයක්‌ ඇමුණු විද්යුත් තැපෑලක්‌ හරහා ඉදිරිපත් කළ හැකිය. වේදිකාවේ ආරක්ෂාව සඳහා ඇති කැපවීම නිසා, Uber සතුව සතියේ දින හතේ ම දවසේ පැය විසි හතර මුළුල්ලේම හඳිසි ප්‍රතිචාර දැක්වීමේ ක්රියාවලියක් ඇත.
නීතිය ක්‍රියාත්මක කිරීමේ ආයතන විසින් හදිසි හෙළිදරව් ඉල්ලීමක් ඉදිරිපත් කිරීම සඳහා සපුරාලිය යුතු කරුණු:
- ඉල්ලා සිටින වාර්තා ලබා ගැනීමට ඔවුන්ට නීතියෙන්‌ බලය ඇති බව සහතික කිරීම;
- ඉල්ලීම, සත්‍ය වශයෙන්ම, එම හදිසි අවස්ථාවට අදාළ තොරතුරු ප්‍රමාදයකින්‌ තොරව හෙළිදරව් කිරීම අවශ්‍ය වන,එ ජීවිත හානියක්‌ හෝ බරපතළ ශාරීරික අනතුරක්‌ ඇති වීමේ අවදානමක්‌ සම්බන්ධ හදිසි අවස්ථාවකට සම්බන්ධ බව සහතික කිරීම;
- වලංගු දේශීය නීති ක්‍රියාදාමයකින්‌ පසුව එම තොරතුරු ලබාගැනීමට උත්සාහ කළහොත්, සහ එහෙයින්‌
- ප්‍රමාදයක්‌ ඇතිවුවහොත්‌, අදාළ හදිසි අවස්ථාව ඇතිවීමේ සැලකිය යුතු අවදානමක්‌ ඇති බව ප්‍රකාශ කිරීම;සාධාරණ ලෙස හඳුනාගත්‌, විශේෂයෙන්‌ ඉලක්කගත ගිණුම/ගිණුම් හැඳින්වීම; හෙළිදරව් කළ යුතු ගිණුමේ ඇති තොරතුරු වර්ග; සහ අදාළ දින පරාසය විශේෂයෙන්‌ හඳුනාගෙන තිබීම; සහ
- නීතියෙන්‌ නියම කරන්නේ නම්, නීතිමය ක්‍රියාවලිය සමග පසු විපරම් කිරීම.
Uber විසින් හදිසි හෙළිදරව් කිරීමේ ඉල්ලීම්, කඩිනමින්‌ ඉටු කළයුතු අත්‍යාවශ්‍ය පදනමක් ඇතුළුව සහ එක්‌ එක්‌ සිද්ධිය අනුව ඇගයීමට ලක්‌ කරන අතර, ඉල්ලා සිටින දත්ත ලබාදෙන්නේ ද යන්න තනි අභිමතය පරිදි තීරණය කරයි. Uber විසින්, හදිසි හෙළිදරව් කිරීමේ ඉල්ලීමක් ඇගයීමට සභාය වීම සඳහා, අමතර තොරතුරු හෝ ලියකියවිලි ඉල්ලා සිටිය හැකි ය.
Uber පරිශීලකයා වෙත දැනුම් දීමේ ප්‍රතිපත්තිය
අදාළ නීතිය යටතේ දැනුම්දීම තහනම්‌ කර ඇත්නම්‌ මිස, Uber විසින්, ඔවුන්ගේ දත්ත සඳහා නීතිය බලාත්මක කිරීමේ ඉල්ලීම් පරිශීලකයින්ට දැනුම් දිය හැකිය.
Uber සිය ආරක්ෂක විමර්ශන ක්‍රියා පටිපාටිවල කොටසක්‌ ලෙස කිසියම්‌ ආරක්ෂක සිද්ධියක් සම්බන්ධයෙන් නීතිය බලාත්මක කිරීමේ ඉල්ලීමට අනුව හඳුනාගත්‌ පුද්ගලයකු සම්බන්ධ කර ගැනීමට තෝරා ගත හැකිය. එබඳු සම්බන්ධ කර ගැනීමකින්‌ පහත ආකාරයේ ප්‍රතිඵල ඇති විය හැකි බවට Uber විසින් සිය අභිමතය අනුව සාධාරණ ලෙස විශ්වාස කරන්නේ නම් Uber විසින් එවැනි සම්බන්ධ කර ගැනීම්‌ අරඹන්නේ නැත:
- පොදු ජනතාවගෙන්‌ අයෙකුට බරපතළ අනතුරක්‌ හෝ ජීවිත හානි ඇති වීමේ වහා සිදුවන අවදානමක්‌ ඇති කිරීම; හෝ
- යුක්තියේ ගමන් මාර්ගය විකෘති කිරීම හෝ යුක්තිය පසිඳලීම අගතියට ලක්‌ කිරීම.
ඉල්ලීමක් ඉදිරිපත් කරන විට, ඉහත හේතූන්‌ මත හෝ වෙනත් වලංගු හේතූන්‌ මත ඉල්ලීමට සම්බන්ධ වන කිසිවෙකු සම්බන්ධ කර නොගන්නා ලෙස නීතිය ක්‍රියාත්මක කරන්නන් Uber වෙතින් ඉල්ලා සිටිය හැකිය.
Uber හී මූලික මූලධර්ම
Uber හි මූලික මූලධර්මවලට අදාළව, Uber ඇමරිකා එක්සත් ජනපදයෙන් පිටත නීතිය බලාත්මක කිරීමේ බලධාරීන්ගේ ඉල්ලීම් ඇගයීමට ලක්‌ කරයි. එසේ කිරීම එම මූලධර්මවලට නොගැළපේ නම් Uber විසින් දත්ත හෙළිදරව් නොකර සිටීමට ඉඩ ඇත.
නීතිය බලාත්මක කිරීෙම් ඉල්ලීම් සඳහා මූලික Uber මූලධර්මවලට :
- සියලු ම ඉල්ලීම් අදාළ නීතියට අනුකූල විය යුතු අතර, සුදුසු පරිදි විෂය පථයන්‌ දැක්විය යුතු ය.
- Uber විසින් තම අභ්‍යන්තර පද්ධති වලට අධීක්ෂණය නොවන ප්‍රවේශයක්‌ ලබාදීම තුලින්‌ තත්කාලීන සහ අඛන්ඩ ගමන් වාර දත්ත නිශ්චිත සහ යථාස්ත ලෙස ලබාදීම සිදු නොකරයි.
- යුරෝපා ආර්ථික කලාපයේ, ස්විට්සර්ලන්තයේ සහ එක්සත් රාජධානියේ පරිශීලක දත්ත හෙළිදරව් කිරිම සම්බන්ධ ඉල්ලීම් හැර, අපරාධ විමර්ශනය සදහා වන ඉල්ලීම් ඇමරිකා එක්සත් ජනපදයේ සහ අපරාධය සම්බන්ධයෙන් ඉලක්ක කර ඇති පුද්ගලයා පදිංචි රටෙහි අපරාධයක්‌ බවට පත්වන හැසිරීමක්‌ විය යුතුය. යුරෝපා ආර්ථික කලාපයේ, ස්විට්සර්ලන්තයේ සහ එක්සත් රාජධානියේ, අධිකරණ බල ප්‍රදේශවල, අපරාධ විමර්ශනය සම්බන්ධයෙන් වූ ක්‍රියාව නෙදර්ලන්තයේ හෝ ඇමරිකා එක්සත් ජනපදයේ මෙන්ම අපරාධයට ඉලක්ක කර ඇති පුද්ගලයා පදිංචි රටෙහි අපරාධයක්‌ බවට පත්වන හැසිරීමක්‌ විය යුතුය.
- දේශීය නීතිය මගින් නෛතික ක්‍රියාවලියට අභියෝග කිරීම සඳහා යාන්ත්‍රණයක්‌ සැපයිය යුතු ය.
යනාදිය ඇතුලත් වේ.
Uber වෙතින් ලබා ගත හැකි තොරතුරු
මෙම කොටසින්‌ Uber වෙතින් ලබා ගත හැකි පරිශීලක දත්තවල සාමාන්‍ය කාණ්ඩ විස්තර කරයි. එය වඩාත්‌ සුලභව ඉල්ලුම් කරන දන්ත කාණ්ඩ පිළිබඳ උපදෙස් මාලාවක්‌ සැපයීම පිණිස වන අතර එබඳු දත්තවල සම්පූර්ණ උපදෙස් මාලාවක්‌ නොවේ. Uber නිෂ්පාදන පිළිබඳ අමතර තොරතුරු සඳහා, Uber නිෂ්පාදන පිටුව බලන්න.
Uber එහි පෞද්ගලිකත්වය පිළිබඳ දැන්වීමට සහ තමාට අදාල නියම සහ කොන්දේසි වලට අනුව පරිශීලක දත්ත රැස් කර පවත්වාගෙන යයි. Uber විසින් රැස් කරන සහ පවත්වාගෙන යන දත්ත, පරිශීලකයෙකු තම ගිණුම් තොරතුරු මකා දමන අවස්ථාවකදී වැනි අවස්ථාවන් නිසා, ගිණුමෙන් ගිණුමයට වෙනස් විය හැකි ය. ඒ අනුව වලංගු නෛතික ක්‍රියාවලියන් සම්බන්ධයෙන් වන ඉල්ලීමකට ප්‍රතිචාර වශයෙන් Uber සපයන දත්ත වර්ග එකිනෙකට වෙනස් විය හැකිය.
මූලික ග්‍රාහක තොරතුරු
මගීන් සහ රියැදුරන් සඳහා Uber විසින් පවත්වාගෙන යනු ලබන මූලික ග්‍රාහක තොරතුරුවලට:
- නම;
- විද්යුත් තැපැල් ලිපිනය;
- දුරකථන අංකය;
- ගිණුම නිර්මාණය කළ දිනය; සහ
- ගිණුමේ තත්ත්වය
ඇතුළත් විය හැකිය.
උපාංග තොරතුරු
උපාඟ තොරතුරු වලට පරිශීලකයාගේ ජංගම උපාංගය පිළිබඳ තොරතුරු ඇතුළත් වේ.
වාහන තොරතුරු
Uber විසින් සපයනු ලැබිය හැකි වාහන තොරතුරු වලට
- බලපත්‍ර තහඩු දත්ත;
- වර්ගය සහ මාදිළිය;
- වාහන රක්ෂණය;
- වාහන ලියාපදිංචිය; සහ
- වාහන හඳුනාගැනීමේ අංකය (VIN).
ඇතුළත් විය හැකිය.
අය කිරීම් තොරතුරු
Uber විසින් සපයනු ලැබිය හැකි ගෙවීමේ ක්‍රම සහ මූලාශ්‍ර තොරතුරුවලට
- අර්ධ ක්‍රෙඩිට් කාඩ්පත් ( ක්‍රෙඩිට් කාඩ් අංකයේ පළමු ඉලක්කම් හය සහ අවසාන ඉලක්කම් හතර) හෝ බැංකු ගිණුම් අංක ( රියැදුරන්ට සහ බෙදාහරින්නන්ට පමණි.);
- ක්‍රෙඩිට් කාඩ්පත කල් ඉකුත්වීමේ දිනය;
- අදාල ක්‍රෙඩිට් කාඩ්පතේ සිප් කේතය (Zip Code); සහ
- වෙනත් ගෙවීම් ක්‍රම.
ඇතුළත් විය හැකිය.
Uber විසින් සපයනු ලැබිය හැකි වෙනත් බිල්පත් තොරතුරු වලට:
- ගනුදෙනුවේ අගය, ගනුදෙනුව සිදු කළ දිනය හා වේලාව හා ඒ සඳහා භාවිතා කරන ලද ගෙවීම් ක්‍රමය වැනි විශේෂිත ගනුදෙනු සම්බන්ධ තොරතුරු ඇතුලත් වේ.
ගමනේ තොරතුරු
ගමන් වාර තොරතුරු වලට සාමාන්‍යයෙන් අයත් වන්නේ:
- ගමන් වාරය සඳහා මගියාගෙන් අය කරන ලද මුදලේ සවිස්තර වාර්තාවක්;
- නංවා ගන්නා සහ බස්සවන ස්ථාන (අක්ෂාංශ සහ දේශාංශ); සහ
- මගියා / මගීන්ගේ සහ රියැදුරාගේ නම සහ ශ්‍රේණිගත කිරීම ඇතුළු තොරතුරු. රියැදුරන් සහ මගීන්ගේ මනම් ඇතුළ්ත් කරන්නේ යෙදුමේ දිස් වන පරිදි වන බැවින් ඒවා ඔවුන්ගේ සැබෑ නමම නොවිය හැකි අතර කෙටි නම් භාවිත කරනු ලැබිය හැකි බව සලකන්න (උදා. “විජයතිලක” වෙනුවට “විජේ”).
ස්ථානීය තොරතුරු
Uber විසින් එහි රියැදුරන්ගේ සහ මගීන්ගේ ජංගම උපාංගවලින් ගෝලීය ස්තානගත කිරීමේ පද්ධති (GPS) තොරතුරු රැස් කළ හැකිය. රියදුරෙකු ගමන් වාර ලබා ගැනීම ස්ඳහා ලොග් වී සිටින තාක් දුරට ගමන් අතරතුර හෝ ගමනක නිරතව නොසිටීමේ දී රියැදුරාගේ ජංගම උපාංගයේ Uber යෙදුම්ද් ධාවනය වන විට රියැදුරෙකුගේ ස්ථාන තොරතුරු ලබාගනු ලැබීමට ඉඩ ඇත. මගීන්ට සිය උපාංග සැකසුම් තුළ තමන්ගේ GPS තොරතුරු එකතු කරනු ලැබීමෙන් ඉවත්වීමේ විකල්පයක් ඇති අතර, ඔවුන් එසේ කිරීමට තෝරා ගතහොත්, මගීන්ගේ GPS තොරතුරු Uber විසින් හසු කර ගනු නොලැබේ.
වෙනත් පරිශීලක පැතිකඩ තොරතුරු
Uber විසින් සැපයිය හැකි පරිශීලකයා පිළිබඳ වෙනත් පරිශීලක ගිණුමේ තොරතුරුවලට:
- ශ්‍රේණිගත කිරීම / කිරීම් (තරු එකේ සිට පහ දක්වා);
- ලිඛිත ප්‍රතිපෝෂණ / අදහස් දැක්වීම්; සහ
- පරිශීලක ඡායාරූපය / ඡායාරූප.
ඇතුළත් විය හැකිය.
රියැදුරුගේ ගිණුමේ තොරතුරු
Uber එහි රියදුරන් පිළිබඳ රඳවා තබා ගත හැකි තොරතුරු වලට:
- උපන්දිනය;
- වාහන තොරතුරු (ඉහත විස්තර කර ඇති පරිදි); සහ
- රියැදුරුගේ බලපත්‍ර අංකය
ඇතුළත් විය හැකිය.
සන්නිවේදන තොරතුරු
රියැදුරෙකු හා මගියෙකු එකිනෙකා සමග සන්නිවේදනයේ ය්ව්දීම පිණිස යෙදුම භාවිතා කිරීමේදී වැනි අවස්තාවලදී, Uber යෙදුමේ පරිශීලකයන් අතර සිදුවන සන්නිවේදනයන් පිළිබඳ Uber විසින් යම් යම් තොරතුරු ලබාගත හැකි ය. මීට එබඳු සන්නිවේදනයන් ආශ්‍රිත තොරතුරු අන්තර්ගත නොවන වාර්තා හෝ යෙදුම ඔස්සේ හුවමාරු කරන කෙටි පණිවුඩ සම්බන්ධයෙන් වන විට, එකී සන්නිවේදනයන්ගේ අන්තර්ගතය අයත් විය හැකිය.
සන්නිවේදන වාර්තවලට :
- සිට / වෙතට ලැබෙන තොරතුරු; සහ
- සන්නිවේදනයේ දිනය සහ වේලාව.
ඇතුළත් විය හැකිය
සන්නිවේදනයේ අන්තර්ගතයට යෙදුම තුළ පරිශීලකයින් අතර යැවූ පණිවිඩ ඇතුළත් විය හැකිය.
පාරිභෝගික සේවා වාර්තා
Uber විසින් රඳවා තබාගත හැකි පාරිභෝගික සේවා වාර්තා වලට :
- පාරිභෝගික සහාය ඇමතුම් පටිගත කිරීම් සහ
- වෙනත් පාරිභෝගික සහාය සන්නිවේදන.
ඇතුළත් විය හැකිය.
වෙනත් ව්‍යාපාර වාර්තා
Uber විසින් රඳවා තබා ගත හැකි වෙනත් ව්‍යාපාර වාර්තාවලට :
- රියදුරු බලපත්‍රයේ පිටපත්
ඇතුළත් විය හැකිය.
වෙනත් Uber සේවා හා සම්බන්ධ තොරතුරු
Uber විසින් එහි අනෙකුත් සේවාවන් භාවිතා කරන්නන් පිළිබඳව වෙනත් වර්ගවල තොරතුරු සැපයිය හැකිය.
Uber Eats:
- මූලික ග්‍රාහක තොරතුරු;
- අවන්හල් සම්බන්ධ තොරතුරු;
- අවන්හල් හෝ හිමිකරු සඳහා ඇමතුම් තොරතුරු;
- ඇණවුම් ඉතිහාසය; සහ
- පරිශීලකයින් සහ Uber Eats බෙදා හරින්නන් අතර සන්නිවේදනයේ අන්තර්ගතය.
Uber Freight;
- Uber සහ ප්‍රවාහන සේවා සැපයුම්කරු අතර ඇමතුම් වාර්තා;
- Uber සහ ප්‍රවාහන සේවා සැපයුම්කරු අතර කෙටි පණිවුඩ;
- ප්‍රවාහන සේවා සැපයුම්කරුවන්ගේ ඇමතුම් තොරතුරු;
- පැටවීමේ තොරතුරු (උදා: මූලාරම්භය, ගමනාන්තය, ප්‍රවාහනය කරන ඇසුරුමේ අන්තර්ගතය); සහ
- GPS පිහිටුම් තොරතුරු (Rideshare මෙන් නොව, බෙදාහැරීමකදී රියදුරන් ලොග් වීම අවශ්‍ය නොවේ; එබැවින්, GPS දත්ත තිබීමට හෝ නොතිබීමට ඉඩ ඇත)
Uber හට මෙහි දක්වා නොමැති අතිරේක දත්ත සැපයීමේ හැකියාව තිබිය හැකිය. නීතිය බලාත්මක කිරීමේ ඉල්ලීම්වල ඉහත සපයා ඇති උපදෙස් වලට අනුකූලව ඉල්ලා සිටින දත්ත පැහැදිලිව විස්තර කළ යුතුය.
නිතර අසන පැන (FAQs)
ප්‍ර: මා Uber වෙත නෛතික ක්‍රියාවලියන් සම්බන්ධයෙන් ඉල්ලීම් ඉදිරිපත් කරන්නේ කෙසේද?
පි: නෛතික ක්‍රියාවලි සම්බන්ධ ඉල්ලීම්, සංරක්ෂණ ඉල්ලීම්, සහ/ හෝ හදිසි හෙළිදරව් කිරීමේ ඉල්ලීම් Uber නීති බලාත්මක කිරීමේ ද්වාරය හරහා උඩුගත (Upload) කළ යුතුය. ඉල්ලුම්කරුවෙකු ද්වාර ගිණුමක් සඳහා ලියාපදිංචි වීමට සිය දෙපාර්තමේන්තුවේ, නියෝජිතායතනයේ හෝ රජයේ විද්යුත් තැපැල් ලිපිනය භාවිතා කරන බැවින්, ඉල්ලීම සිදුකිරීම සඳහා ඒ අය වෙත සැබවින්ම අවසරය ඇති බව තහවුරු කර ගැනීමට ද්වාරය උපකාරී වේ. ද්වාරය මගින් Uber වෙත නීතිය බලාත්මක කිරීමේ ඉල්ලීම් ඉක්මනින් ක්‍රියාවට නැන්වීමට අවශ්‍ය තොරතුරු රැස්කිරීමට උදව් කරන අතර නීතිය ක්‍රියාත්මක කරන්නන්ට සිය ඉල්ලීම්වල තත්වය නිරීක්ෂණය කිරීම හෝ PSRT කණ්ඩායම සමග සන්නිවේදනය කිරීමට ඇති හැකියාව වැනි ප්‍රයෝජනවත් උපයෝගීතා ලබා දෙයි.
ප්‍ර. ඔබ නෛතික ක්‍රියාවලින් සම්බන්ධ වන ඉල්ලීම් ගැන පරිශීලකයින්ට දැනුම් දෙනවද?
පි. අප එසේ කිරීමට ඉඩ ඇත. Uber පරිශීලක දැනුම් දීමේ ප්‍රතිපත්තිය පිළිබඳ තොරතුරු සඳහා, ඉහත උපදෙස් මාලාවේ 'Uber පරිශීලකයන් වෙත දැනුම් දීමේ ප්‍රතිපත්තිය' යන, උප වගන්තිය බලන්න.
ප්‍ර.විමර්ශනය හෝ නඩුව අවසන් වූ පසුව නීතිය බලාත්මක කරන ආයතන විසින් Uber වෙතින් ලබාගන්නා වාර්තා වලට කළ යුත්තේ කුමක්ද?
පි. විමර්ශනය හෝ නඩුව අවසන් වූ පසු හෝ දත්ත තවදුරටත් අවශ්‍ය නොවන විට යන මේ දෙකෙන් කුමක් හෝ පළමුව සිදුවන අවස්ථාවේදී, Uber ම ලබාගත් තොරතුරු විනාශ කල යුතුය.
ප්‍ර. මා විසින් නෛතික ක්රියාවලියක් සම්බන්ධයෙන් ඉල්ලීමක් යවා ඇති නමුත් මට නැවත Uber වෙතින් පිළිතුරු ලැබී නැත. මා කළ යුත්තේ කුමක්ද?
පි. Uber ද්වාරය නීතිය බලාත්මක කරන්නට ඔවුන්ගේ ඉල්ලීමේ/ ඉල්ලීම් වල තත්ත්වය නිරීක්ෂණය කිරීමට සහ පසු විපරම් ප්‍රශ්න යැවීමට ඉඩ ලබාදෙයි. සෑම වසරකම Uber වෙත ඉල්ලීම් දහස් ගණනක් ලැබෙන අතර එසේ ලැබීමෙන් පසු ලැබෙන ඉල්ලීම් විමසා බැලීම සිදු කෙරේ. Uber ඉල්ලීම් වලට ඉක්මනින් ප්‍රතිචාර දැක්වීමට හැකි සෑම ප්‍රයත්නයක්ම ගනී.
ප්‍ර. ගිණුම් අක්‍රීය කිරීම සම්බන්ධයෙන් Uber ප්‍රතිපත්තිය කුමක්ද? Uber ඉල්ලීමක් ලැබුන ලැබුණ විට ඒ අනුව ගිණුම් අක්‍රීය කරනවාද? ඉල්ලීමක් සිදු කළහොත් Uber ගිණුමක් විවෘතව තබනවාද?
පි. ස්වකීය වේදිකාව තුළ ආරක්ෂාව සඳහා Uber තුළ ඇති කැපවීම නිසා, Uber වෙත සිද්ධියක් පිළිබඳව දැනුවත් කළ විට, Uber වේදිකාවෙන් අදාල පුද්ගලයාගේ ගිණුම අක්‍රිය කිරීම ඇතුළු ක්‍රියාමාර්ග ගනු ලැබීමට ඉඩ ඇත. කරුණාකර Uber අක්‍රීය කිරීමේ ප්‍රතිපත්ති සඳහා Uber ප්‍රජා උපදෙස් මාලාව බලන්න.
ප්‍ර. නෛතික ක්‍රියාවලින් සම්බන්ධ ඉල්ලීම් වලට ප්‍රතිචාර දැක්වීම හා ඒ හා සම්බන්ධ වියදම් සඳහා Uber විසින් ප්‍රතිපූර්ණ ඉල්ලා සිටීද?
පි. මෙම අවස්ථාවේදී, Uber සාමාන්‍යයෙන් නෛතික ක්‍රියාවලියකට සම්බන්ධ ඉල්ලීම්වලට ප්‍රතිචාර දැක්වීම හා සම්බන්ධ වියදම් සඳහා ප්‍රතිපූර්ණය අපේක්ෂා නොකරන නමුත් එසේ කිරීමට අයිතිය රඳවා තබා ගනී.
ප්‍ර. Uber හට පරිශීලකයෙකුගේ ගිණුමක මුරපදය ලබාදිය හැකිද?
පි. නැත, Uber හට පරිශීලක මුර පද වෙත ප්‍රවේශය නොමැත.
Sélectionnez votre langue de préférence
À propos