کام کرنے کا ایک بہتر طریقہ

جب سے COVID-19 کی وباء کے اثرات نے دنیا کو اپنی گرفت میں لیا ہے، یہ ڈرائیورز اور کوریئرز ہی تھے جنہوں نے حقیقی معنوں میں دنیا کو متحرک رکھا ہے۔ اور چونکہ ہم میں سے بہت سے لوگوں کو گھر پر رہنے اور سماجی رابطوں کو کم سے کم کرنے کا مشورہ دیا گیا تھا اس لیے ہماری ضرورت والی چیزوں کو حاصل کرنے میں یا جہاں ہمیں جانے کی ضرورت تھی اُن ضروری جگہوں پر پہنچنے میں ہماری مدد کرنے میں اُن کا ایک اہم کردار تھا۔

یہ حقیقت اس وباء سے پہلے کبھی بھی اتنی واضح نہیں ہوئی تھی کہ شہروں اور کمیونٹیز کے تانے بانے کے لئے ڈرائیورز اور کوریئرز نہایت اہمیت کے حامل ہیں۔ وہ نہ صرف مسافروں، کھانے اور پیکجز کو ایک مقام سے دوسرے مقام تک لے جا رہے ہیں بلکہ ان کا اثر لوگوں کی زندگیوں پر بھی پڑ رہا ہے۔ ہوسکتا ہے کہ انہوں نے کسی ایسے مسافر کی بات سننے کے لئے وقت نکالا ہو جس کا دن بہت ہی برا تھا یا شاید وہ کھانے کی ڈیلیوری کرنے کے دوران کسی بزرگ شہری سے انتہائی ضروری بات چیت کرنے کے لئے باغ کے دروازے پر رُک گئے ہوں۔

یہی وجہ ہے کہ ہمارے CEO نے کہا ہے کہ مختلف کام انجام دے کر روزگار کمانے والے افراد بہتر کے مستحق ہیں۔ یہی وجہ ہے کہ ہم نے یورپ والوں کے لئے ایک بہتر ڈِیل کا اعلان کیا ہے۔ یہی وجہ ہے کہ ہم مفت ڈگری پروگرامز فراہم کرنے کے لئے مختلف یونیورسٹیز کے ساتھ پارٹنرشپ کرتے ہیں، جیسے ASU اور اوپن یونیورسٹی کے ساتھ ہمارے ڈگری پروگرامز۔ اور یہی وجہ ہے کہ ہم دنیا بھر میں ڈرائیورز اور کوریئرز کی ان کی تمنائیں حاصل کرنے میں جتنی ہو سکے مدد کرتے ہیں۔