COVID-19 ಸೋಂಕು, ನಾವು ಬದುಕುವ, ದುಡಿಯುವ ಮತ್ತು ಪ್ರಯಾಣಿಸುವ ವಿಧಾನವನ್ನು ಬದಲಿಸಿದೆ. ನಮ್ಮ ಕಾರ್ಯಪಡೆಯು ಕಚೇರಿಯಿಂದ ಮನೆಯಿಂದಲೇ ಕೆಲಸ ಮಾಡಲು ಸ್ಥಳಾಂತರಗೊಳ್ಳುವುದರ ಜೊತೆಗೆ, ಜನಸಮೂಹದ ಸಂಸ್ಕೃತಿಯನ್ನು ನಿರ್ವಹಿಸುವುದರ ಕುರಿತಂತೆ ಹೊಸ ಪರಿಗಣನೆಗಳು ಸಹ ಹುಟ್ಟಿಕೊಂಡವು. ಅದು ಪೋಷಕರು ಮತ್ತು ಪಾಲಕರಿಗೆ ಹೊಂದಿಕೆಯಾಗುವ ಕೆಲಸದ ಆಯ್ಕೆಗಳನ್ನು ಕ್ರೋಢೀಕರಿಸುವ ನೀತಿಗಳನ್ನು ಒಳಗೊಂಡಿದೆ, ಹೀಗಾಗಿ ಅವರು ಪ್ರೀತಿಪಾತ್ರರನ್ನು ಆರೈಕೆ ಮಾಡುತ್ತಲೇ ಕೆಲಸದ ಜೀವನವನ್ನು ಸಹ ಸಮತೋಲನಗೊಳಿಸಬಹುದು. ಪ್ರತಿಯೊಬ್ಬರ ಮನೆಯ ಸ್ಥಿತಿಗಳು ವಿಭಿನ್ನವಾಗಿರುತ್ತವೆ, ಹೀಗಾಗಿ ನಾವು 3 ಮುಕ್ತ ಆಯ್ಕೆಗಳನ್ನು ಸೃಷ್ಟಿಸಿದ್ದೇವೆ. ಅವುಗಳೆಂದರೆ: ಇಡೀ ದಿನ ತಮಗೆ ಬೇಕಾದಂತೆ ಕೆಲಸ ಮಾಡುವುದು, ಕೆಲಸದ ಅವಧಿಯನ್ನು ಹಂಚುವುದು ಮತ್ತು ಪಾಳಿ ಬದಲಾವಣೆಗಳು.

ಹೆಚ್ಚುವರಿಯಾಗಿ, ನಾವು ನಮ್ಮ ಮಾನಸಿಕ ಆರೋಗ್ಯ ಬೆಂಬಲವನ್ನು ಹೆಚ್ಚಿಸಿದ್ದೇವೆ, ಉದ್ಯೋಗಿಗಳಿಗೆ ವರ್ಕ್-ಫ್ರಮ್-ಹೋಮ್ ಸ್ಟೈಫಂಡ್ ನೀಡಿದ್ದೇವೆ ಮತ್ತು ಜನರು ರಿಮೋಟ್ ಕೆಲಸದ ವಾತಾವರಣಕ್ಕೆ ಹೊಂದಿಕೊಳ್ಳುವಾಗ ವಿಮರ್ಶೆಗಳು ಋಣಾತ್ಮಕ ಪರಿಣಾಮ ಬೀರುವುದಿಲ್ಲ ಎಂದು ಖಚಿತಪಡಿಸಿಕೊಳ್ಳಲು ನಮ್ಮ ಮಧ್ಯವಾರ್ಷಿಕ ಕಾರ್ಯಕ್ಷಮತೆ ವಿಮರ್ಶೆ ಪ್ರಕ್ರಿಯೆಯನ್ನು ರದ್ದುಗೊಳಿಸಿದ್ದೇವೆ. ಪ್ರತಿಯೊಬ್ಬರನ್ನು ಪ್ರೋತ್ಸಾಹಿಸುವ ಮತ್ತು ತಮ್ಮ ವೃತ್ತಿ ಬದುಕಿನಲ್ಲಿ ಯಶಸ್ಸು ಕಾಣಲು ಸಜ್ಜುಗೊಳಿಸುವ ಸ್ಥಳ Uber ಆಗಿರಬೇಕು ಎಂದು ಖಚಿತಪಡಿಸಿಕೊಳ್ಳಲು ನಮ್ಮ ಶ್ರಮವನ್ನು ಮುಂದುವರಿಸುತ್ತೇವೆ.

ಇಡೀ ಜಗತ್ತೇ ಸಂಪೂರ್ಣವಾಗಿ ಸ್ಥಗಿತಗೊಂಡಿದ್ದು, ನಾವು—ಒಂದು ವ್ಯವಹಾರಿಕ ಪ್ರಗತಿಶೀಲ ಕಂಪನಿಯಾಗಿ—ಹೇಗೆ ನೆರವಿಗೆ ಧಾವಿಸಬಹುದು ಎಂಬುದನ್ನು ಬಲ್ಲೆವು. ನಮ್ಮ ಕಂಪನಿಯ ಇತಿಹಾಸದಲ್ಲಿ ಇದೇ ಮೊದಲ ಬಾರಿಗೆ, ಪ್ರಯಾಣವನ್ನು ನಿಲ್ಲಿಸಿ ಮನೆಯಲ್ಲಿಯೇ ಇರುವಂತೆ ನಮ್ಮ ಜನರಲ್ಲಿ ಕೇಳಿಕೊಂಡೆವು, ಇದರ ಪರಿಣಾಮ ಅಗತ್ಯ ವಸ್ತುಗಳನ್ನು ಪೂರೈಸಲು ಅಂದರೆ: ಮೊದಲ ಪ್ರತಿಕ್ರಿಯೆ ನೀಡುವವರು (ಕೆಲಸ ಮಾಡಲು) ಮತ್ತು ಆಹಾರ (ಅಗತ್ಯವಿರುವವರಿಗೆ) ಡೆಲಿವರಿ ಮಾಡಲು ನಮಗೆ ಸಾಧ್ಯವಾಯಿತು.

ಸವಾರರು ತಮ್ಮ ಪಾತ್ರವನ್ನು ನಿರ್ವಹಿಸುವುದರ ಜೊತೆಗೆ, ಆರೋಗ್ಯ ಕಾರ್ಯಕರ್ತರು, ಐಸೋಲೇಟ್ ಆಗಿರುವ ಹಿರಿಯ ವ್ಯಕ್ತಿಗಳು, ವೈದ್ಯಕೀಯ ಔಷಧಿಗಳನ್ನು ಎದುರು ನೋಡುತ್ತಿರುವ ರೋಗಿಗಳು ಮತ್ತು ಸ್ಥಳೀಯ ಇಲ್ಲವೇ ಕೌಟುಂಬಿಕ ಹಿಂಸಾಚಾರಕ್ಕೆ ಒಳಗಾದವರು ಸೇರಿದಂತೆ, ಜಗತ್ತಿನೆಲ್ಲೆಡೆ ತುರ್ತು ನೆರವಿಗಾಗಿ ಹಂಬಲಿಸುತ್ತಿದ್ದ ಜನರಿಗೆ 10 ಮಿಲಿಯನ್ ಉಚಿತ ಸವಾರಿಗಳು, ಆಹಾರ ಸೇವೆಗಳು ಮತ್ತು ಆಹಾರ ಡೆಲಿವರಿ ಕಾರ್ಯಗಳನ್ನು ನಡೆಸಲು ನಾವು ಬದ್ಧರಾಗಿದ್ದೆವು. ಮೊದಲ 3 ತಿಂಗಳುಗಳಲ್ಲೇ, Uber ಕಂಪನಿಯು ತನ್ನ ಬದ್ಧತೆಯನ್ನು ದ್ವಿಗುಣಗೊಳಿಸುವ ಮೂಲಕ 23 ಮಿಲಿಯನ್ ಉಚಿತ ಸವಾರಿಗಳು, ಆಹಾರಗಳು ಮತ್ತು ಡೆಲಿವರಿಗಳ ಕಾರ್ಯಗಳನ್ನು ಪೂರೈಸಿತು.

ಈ ಬಿಕ್ಕಟ್ಟಿನ ಪರಿಸ್ಥಿತಿಯುದ್ದಕ್ಕೂ ನಮ್ಮ ಡೆಲಿವರಿ ಪಾಲುದಾರರು ಮತ್ತು ಚಾಲಕರು ನಮ್ಮ ಸಮುದಾಯಗಳಿಗೆ ಸಹಾಯ ಮಾಡಿದಂತೆಯೇ, ಸುರಕ್ಷಿತವಾಗಿರಲು ಅವರಿಗೆ ಸಹಾಯ ಮಾಡುವುದು ಕೂಡ ನಮ್ಮ ಆದ್ಯತೆಯಾಗಿತ್ತು. ಹಾಗೆ ಮಾಡಲು, ನಾವು ಮಾಸ್ಕ್‌ಗಳು ಮತ್ತು ಸೋಂಕುನಿವಾರಕ ಸ್ಪ್ರೇ ಬಾಟಲಿಗಳನ್ನು ಪೂರೈಸಲು ಅವಿರತ ಶ್ರಮಿಸಿದ್ದೇವೆ, ಅಲ್ಲದೇ COVID-19 ಸೋಂಕು ಕಂಡುಬಂದ ವ್ಯಕ್ತಿಗಳಿಗೆ ಹಣಕಾಸಿನ ನೆರವು ನೀಡಿದ್ದೇವೆ ಅಥವಾ ಸ್ವಯಂ-ಐಸೋಲೇಟ್ ಆಗಿರುವಂತೆ ವಿನಂತಿಸಿಕೊಂಡಿದ್ದೇವೆ, ಜೊತೆಗೆ ನಮ್ಮ ಪ್ಲಾಟ್‌ಫಾರ್ಮ್‌ನ ಒಳಗೂ ಹೊರಗೂ ಇತರೆ ಕೆಲಸಗಳನ್ನು ಹುಡುಕಲು ಚಾಲಕರಿಗೆ ನೆರವು ನೀಡಿದ್ದೇವೆ. ನಗರಗಳು ನಿಧಾನವಾಗಿ ಮತ್ತೆ ತೆರೆದುಕೊಳ್ಳಲು ಆರಂಭಿಸಿದಂತೆ, ಈ ಸಾಂಕ್ರಾಮಿಕ ರೋಗದಿಂದ ಜರ್ಜರಿತವಾಗಿರುವ ಜನಸಮೂಹಕ್ಕೆ ನೀಡುವ ನಮ್ಮ ಬೆಂಬಲ ನಿರಂತರವಾಗಿರುತ್ತದೆ ಅಲ್ಲದೇ ಜಗತ್ತು ಮತ್ತೆ ಸುರಕ್ಷಿತವಾಗಿ ಮುನ್ನಡೆಯಲು ನಮ್ಮ ಕೈಲಾದಷ್ಟು ಸಹಾಯ ಮಾಡುತ್ತೇವೆ.