今個禮拜免費搭Uber出入觀塘！
大受歡迎嘅Neighborhood Love返嚟喇！今次輪到觀塘區！觀塘咁多好影、好食、好玩嘅地方，今個禮拜就搭Uber去睇吓啦！記得分享埋俾朋友知呀！
由2016年10月3日至9日(星期一至日)，輸入優惠碼 KTLOVE ，即可享受兩程免費來往觀塘區或區內車程*，每程優惠上限為HK$50。
點用優惠？
- 係 iOS App Store 或 Google Play Store 下載Uber app。
- 輸入優惠碼 KTLOVE ，然後輸入你嘅目的地。
- 叫車來往觀塘區或在區內搭車 (適用範圍詳見下圖)。
- 兩程HK$50優惠會喺車費自動扣除。新舊Uber乘客都適用！
*優惠適用於來往觀塘及區內車程，包括觀塘市中心、牛頭角、九龍灣、秀茂坪、藍田、油塘、茶果嶺及佐敦谷等，詳見下圖紫色範圍：
搭Uber去觀塘邊度玩？
即刻由我哋嘅本地旅遊平台夥伴 Sam the Local 為大家介紹最啱一家人去嘅玩樂處、影相最靚嘅熱點同最有特色嘅本地餐廳啦！
攝影熱點
 |
好多人都唔知位於鯉魚門嘅三家村保留咗好多舊時漁村嘅特色，有水上鐵皮民居、停泊喺避風塘嘅漁船、燈塔、天后古廟等。呢到除咗係釣魚勝地之外，亦係攝影嘅熱點。去到漁村，當然就唔少得去食返餐海鮮大餐先走啦！ 小貼士：想知多啲區內嘅文化？可以去參觀一下附近嘅「賽馬會鯉魚門創意館」。 |
 photo credits: yeungming@flickr |
魔鬼山位於鯉魚門以北，正名為炮台山，好多攝影愛好者都會去山上影日落同夜景。唔駛一個鐘即可到達山頂，可眺望維多利亞港海岸線及港島南區。建議喺日落前一個半鐘或之前開始上山，上到去就啱啱好擺好相機等睇日落。 小貼士：魔鬼山曾為香港喺第二次世界大戰嘅重要戰略位置，山上有三種碉堡遺址，有興趣嘅可以預留時間探索吓。 |
特色美食
 |
小時光為觀塘工廈區裡頗為受歡迎嘅餐廳之一。餐廳內嘅佈置以台灣學校為主題，有懷舊玩具、小物同教科書等，夠哂青春。最特別嘅係，佢哋唔只提供台式飲食同佈置，連餐廳入面嘅侍應都係著台式校服㗎！ 小貼士：一定要試吓佢哋嘅甜薯鮮奶咖啡，係嗰度非常受歡迎嘅特色飲品。 |
 |
好運強記絕對算得上係觀塘區內嘅隱世美食餐廳，有小店風情、地道大排檔嘅味道。唔好俾佢平凡嘅外表呃咗，佢哋提供多款本地小菜美食，用料新鮮、鑊氣夠，炸雞係必點菜色！ 小貼士：如果想要確保享受到美食，記得要預先訂位同預訂某啲較受歡迎嘅菜色啊！ |
 |
餐廳由本地樂隊 tfvsjs 所開，餐廳名就係隊名嘅廣東話諧音。餐廳內部走簡約風格，擺放咗一啲本地嘅大型招牌作裝飾，十分有特色。主理人 tfvsjs 希望餐廳能成為一個文化平台，有時亦會舉辦講座及放映會等活動。 小貼士：呢度嘅空間一半係Cafe，一半係錄音室同賣鼓嘅地方，有時可會聽到樂隊練習嘅音樂。 |
週末家庭樂
 |
位於油塘嘅工匠灣為所有有想法、有創意、喜歡發明或者手作嘅人提供所需設備及空間。佢哋亦會定期舉辦工作坊，教授使用機器及工具嘅安全知識，仲有大人、小朋友都啱嘅興趣班。 小貼士：如果想帶小朋友去玩，就要記得提早預約同埋親身喺隔離做個小助手去確保安全！ |
 |
佐敦谷公園有一大片空曠嘅草地，最啱一家大細帶埋寵物去野餐，享受一個休閒嘅下午。 小貼士：園內設有具國際水平嘅遙控模型賽車場，亦有個細規模啲嘅賽道俾小朋友同佢哋心愛嘅遙控車玩。 |
 |
觀塘海濱花園內有一個特色嘅塔樓地標，紀念原址重建前為落貨區，以起重機、貨櫃為設計元素。除左欣賞呢個塔樓以外，嗰度亦有兒童遊樂場、建身設施、沿海步道、小食亭等，十分適合一家人或者情侶拍拖去過一個休閒嘅下午。 小貼士：海濱花園內有一個五星級公共廁所，設計十分時尚同有趣。 |
Treesa Amy Leung
产品
公司