Uber ke sath safar naya aur aasan. Uber Lite se ride mangwaein

16 January 2019 / Pakistan

Uber ke sath safar naya aur aasan. Uber Lite se ride mangwaein

Aap dunya mein kaheen per bhi hon ham chahte hain aap ko aik mehfooz, qabil-e-aitmad aur bakifayat ride faraham kerna. Is ke liye ham apni androoni aur berooni sargarmiyon ka jaiza lete rehtay hain ta ke aap ki zarooryat har jagah per behter andaz mein poori hon. Isi ke tasalsul ke taur per ham khas taur per android phones ke liye Uber Lite muta'arif kerwa rahe hain. Uber Lite derasal Uber App ka version hai jo mehdood data, storage, speed, network aur battery ke sath kaam kerti hai.

Aap ka behtreen intekhab

Aap Uber ke regular user hon jisay mulk se bahir ride mangwane ka tareeqa maloom kerna ho, ya naye Uber user hon jike paas mehdood data plan ho, Uber Lite aap ko safar ke naye mawaqay faraham kerti hai, Uber Lite main app mein karaamad azafa hai.

Sirf Uber Lite kab astemal karein?

Aap ki phone storage rozana khatm hoajti hai aur Aap ko apps rozana ki bunyad per manage kerna aur unhein delete kar ke zaroorat parne per dobarah download kerna parta hai.
Aap ki device mein apps mushkil se load hoti hain ya aksar chaltay hue dermyan mein crash ho jati hain.
Aap ki device mein aksar data khatam ho jata hai,aap ke dimagh mein har waqt data plan bachany ka khayal rehta hai aur aap aksar wifi ki hudood mein nahi hotay.

Uber aur Uber Lite dono kab istemal ki ja sakti hain?

Aap aksar esi jagah per hotay hain jahan network kharab hota hai.
Aksar aap ka data khatam hojata hai ya aap aisay mumalik ke safar per hotay hain jahan data bohat mehnga ya mehdood hota hai.
Aap wifi areas mein Uber istemal karein aur roaming data istemal kertay hue Uber Lite istemal kar ke data bachaein.

Kab aap ko sirf Uber istemal karna chahiye?

Aap ko Uber pasand hai aur aap ko zyada tar data,connectivity,app performance ya battery ki kami ke masail nahi hotay.

Uber Lite hasil karein

Kya yeh mere phone ke sath compatible hai?
Uber Lite 4.1 Jellybean ya is se zyada ki kisi bhi device per kaam kerti hai. Is ka 300ms ka average response time hai jis se laggaing ya crashing ka imkan kam hojata hai, yani 2012 ke bad tayar honay wali sab se zyada healthy devices per Uber Lite aasani se kaam kerti hai.
Kya yeh meri main app ke sath kaam kerti hai?
Ji haan. Aap ek hi account se Uber Lite aur Uber app istemal ker sakte hain. Aap koi bhi app istemal kar ke ride mangwa sakte hain bulkay apnay safar ke aaghaz aur ikhtitaam ke dauran ek app se doosri app per switch bhi ker saktay hain. Aap chahein to wifi ki hudood mein Uber app se ride mangwa ker, data bachanay ke liye dauran e safar Uber Lite per switch ker saktay hain.
Uber Lite ka size kya hai?
Uber Lite 5MB ke ander ya 3 selfies ki space mein download hojati hai. Install honay per yeh sirf 25MB istemal kerti hai. Is ke light honay ki wajah se ye aap ki device ki processing power per kam bojh dalti hai.
Apps mein bunyadi farq kya hai?
Uber Lite sada, fa’aal design ki wajah se yeh size mein kam hai magar features behtreen hain. Aham maloomat bashamool gari kaunsi hai, andazan kam se kam kiraya aur network ki soorat-e-haal text ki soorat mein faraham ki jati hain. Uber Liite ki ‘tap over type’ approach ki wajah se aap sirf chand letters type ker ke aasani se apna matlooba maqam talash ker saktay hain. Is ke sada honay ki wajah se Uber Lite bohat kam data, storage, aur processing power istemal kerti hai.
Kya yeh offline honay per bhi kaam kerti hai?
Uber Lite un areas ke liye tayyar ki gai hai jahan low connectivity ke masail hon ya 3G se kam ho, app ke madad se aap aisay areas mein bhi ride mangwa saktay hain. Aap apne qareebi mashoor maqam per pick up location set ker saktay hain, jiska matlab yeh hai ke aap low connectivity mein Uber ride mangwa saktay hain aur phir no connectivity mein muqarrah maqam per apnay driver se mil saktay hain.
Maps kahan hain?
Uber lite mein maps nahi hain magar aap baad mein app se hi unhein download ker saktay hain.
Kya Uber Lite ki cost wohi hai?
Ji haan. Uber Lite derasal Uber app ka hi naya aur light version hai.Yeh app store se free download ki ja sakti hai aur dono apps se market dastyab rides mangwai ja sakti ha hain.
Mein Uber Lite kahan se download kar sakta hoon?
Uber Lite google playstore: se download ki ja sakti hai.

Posted by Uber

Category:

Products

Get a ride when you need one

Start earning in your city

Get a ride when you need one

Download the App

Start earning in your city

Products

QR Code Terms and Conditions

1 September 2022 / Pakistan

Products

Continue Traveling with Ease and Comfort

2 December 2021 / Pakistan

Products

Cashless Payments with Uber Cash

30 September 2021 / Pakistan

Products

Introducing Uber Connect in your city!!

8 December 2020 / Pakistan

Products

Uber is operational in your city

18 May 2020 / Pakistan

Most popular

Engineering, Backend7 March / Global
Load Balancing: Handling Heterogeneous Hardware
Engineering, Data / ML14 March / Global
Balancing HDFS DataNodes in the Uber DataLake
Engineering, Data / ML21 March / Global
Model Excellence Scores: A Framework for Enhancing the Quality of Machine Learning Systems at Scale
Engineering, AI, Data / ML28 March / Global
Scaling AI/ML Infrastructure at Uber