一齊搭Uber，為香港失明人協進會籌款

ENGLISH 

由今日9月7日起至13日，Uber將為香港失明人協進會舉辦為期一週嘅籌款活動。期間用優惠碼 RIDEFORHKBU 搭Uber，你所俾嘅車資會有1%抽出作善款之用。

香港現時有超過100萬名有特別出行需要嘅人士，當中有17萬人係視障同失明人士。對於佢哋嚟講，因為行動嘅困難，出外係一件好唔方便嘅事。

Uber係年初推出咗傷健人士專用車服務－關懷優步uberASSIST，務求服務更多有特別出行需要嘅人士。至今，已經有超過600位愛心司機夥伴完成訓練，並為傷健人士以合理價錢提供可靠嘅出行服務。我哋期望直至本年底，受訓司機嘅數目可達1000人。

喺今個星期(9月7日至13日)，Uber同香港失明人協進會舉辦為期一週嘅籌款。香港失明人協進會係uberASSIST 關懷優步其中一個好重要嘅合作夥伴，為uberASSIST司機提供專業嘅訓練。佢哋一直致力為視障人士爭取應有嘅權利及機會。我哋希望籍著今次嘅籌款，幫到社會上更多視障人士，共同建構一個無障礙社會。

為咗令視障人士能更方便咁叫車同出行，Uber更加安置咗VoiceOver iOS 技術同無線凸字叫車嘅系統。無需他人嘅協助，視障人士都可以用Uber程式叫車，自由出行。

你喺今個星期搭Uber行嘅每一個里路，都將轉化成捐款，協助視障人士爭取更大權益、實現自由出行嘅權利。