免費搭Uber來往上水及粉嶺區！

ENGLISH

有邊度會比上水粉嶺更有本土特色？今個禮拜我哋就揀左呢兩區請大家搭免費車發掘當地必遊熱點！

由6月20日至26日(星期一至日)，輸入優惠碼 NTNORTHLOVE ，即可享受兩程免費*來往上水及粉嶺區或區內車程**，每程優惠上限為HK$50。

點用優惠？

*每程優惠上限為HK$50；優惠不適用於uberTAXI。

**優惠適用於來往上水及粉嶺區內車程，包括鹿頸、和合石村等，詳見下圖紫色範圍：

社區遊玩好去處

想知搭Uber去上水及粉嶺地道又好玩嘅地方？我哋有本地旅遊平台Sam the Local同Brandelion為大家介紹最受當地居民歡迎嘅玩樂好去處！

1. 群記牛肉圓豬手 | 粉嶺

家庭式經營嘅群記有全粉嶺最好食嘅豬手同牛丸。雖然店內無冷氣，但都長期爆滿！
小貼士：豬手通常中午前賣晒，想食趁早！

2. 四眼仔腸粉 | 粉嶺

四眼仔開頭只係喺街邊推車賣腸粉，依家賣到可以係粉嶺開舖。腸粉精髓在於老闆自家研製嘅豉油秘方。
小貼士：腸粉醬本身有麻醬、辣醬、甜醬同芝麻，有咩想走同老細講！

3. 粉嶺滑板場 | 粉嶺

全港最正嘅滑板場之一。呢個公園耗資HK$5100萬打造，用嘅混凝土光滑夠硬，係skaters嘅天堂。場內有碗形設計滑板場，大小高度不一，適合唔同技術水平嘅人士使用。

4. 香港寶生園養蜂場 | 粉嶺

寶生園係香港第一個養蜂場，已有90年歷史。佢本身係對外開放嘅公園，歡迎市民自由參觀。
小貼士：報埋免費導賞團跟導遊行了解多啲！

5. 馬寶寶社區農場 | 粉嶺

隨著可持續發展農業和城鄉互動重新引起關注，已有3代歷史嘅馬寶寶社區農場會定期舉辦唔同嘅手作坊，耕作班及農墟，俾市民有機會貼近大自然。
小貼士：農墟開放時間為週三2－6pm及週日11－6pm，市民可以前往自由選購新鮮蔬果。

6. 鶴藪至沙螺洞行山路線

呢條路線最啱一家大細行，全長5.5km行3個鐘度，啱啱好。沿路有瀑布同豆腐花鋪，包保唔會悶兼有地方補充體力！
小貼士：郊區多蚊，記得著返淺色長袖衫褲。

7. 北區公園 | 粉嶺、上水

公園於1990年啟用，主要包括兩個部分， 一邊係人工湖同自然保育園地，另一邊係體育設施。公園採用清代揚州式亭台樓閣的園景建築設計，影相一流！

8. Cafe Je T’aime | 上水

呢間法式cafe有室內及露天雅座，係嘆tea嘅好去處，去飲番杯咖啡，食件cake，夠晒relaxing！
小貼士：可以試下佢地嘅海鹽朱古力、豆腐、Baileys味芝士蛋糕同brownie，都幾有特色。

9. 明記 | 上水

明記藏身喺石湖墟市政大廈２樓，出名在全港獨創嘅菠蘿蛋，亦即係用蛋包住整成嘅菠蘿包！係咪好特別先？
小貼士：菠蘿蛋製作需時，等嘅時候可以嗌個豬扒包食住先，都好出名架！

10. 潮食 | 上水

呢間新開嘅小食舖有獨創嘅雞蛋仔口味，有甜有鹹實有一款啱你心水。比較受歡迎嘅有抹茶朱古力味同椒鹽雞蛋味（真係有成隻蛋喺入面！）
小貼士：條隊會有啲亂，記得係排右邊嗰條!

11. 德明書局 | 上水

基本上住喺北區嘅人都認識呢間老牌書局，佢陪伴咗好多街坊長大。書局入面乜都有，除咗文具，仲有賣DIY手工品，玩具，甚至運動用品，包羅萬有。
小貼士：樓上都有嘢睇同賣架。

12. 鹿頸

鹿頸係客家人住嘅地方，入面有3個主要鄉村，包括鹿頸村、雞谷樹下村及鹹坑尾村。附近有淺灘，濕地，魚塘等自然景色，配合埋豐富嘅歷史同文化，週末又多個好去處。
小貼士：去鹿頸緊要試埋陳鳳記茶座，嘆個正宗英式早餐都只係HK$48咋！

13. 龍躍頭文物徑

據聞當地居民曾目睹一條龍在山上跳躍，故改其名龍躍頭。文物徑保存咗好多鄧族嘅歷史遺跡。
小貼士：可以由蓬瀛仙館起行（粉嶺地鐵站B出口），佢個橙色屋頂夠晒突出好易認！

14. 塱原

全港最大嘅淡水濕地，係個觀鳥天堂，有超過210種鳥種， 差唔多係香港已記錄鳥種嘅一半。
小貼士：松柏塱後嘅一大片農田係塱原嘅最佳觀鳥位置。

未搭過Uber？立刻 登記馬上享用優惠！

想做Uber司機夥伴？入黎登記啦！