Uber පාරිභෝගික-නියෝජිත පැතිකඩ නියම

විශ්වසනීය සබඳතාවක් පත් කිරීමෙන් ඔබ මේ හා එකඟ වෙයි:

• ඔබේ විශ්වසනීය සබඳතාවයට (එනම් පුද්ගලික සහකාරයෙකුට හෝ භාරකරුවෙකුට) ඔබ වෙනුවෙන් ගමන් ඉල්ලා සිටිය හැක, ඒ සඳහා ඔබ ඔවුන්ට පවරා ඇති ගෙවීම් ක්‍රමය හරහා අය කරනු ලැබේ. ගමන් ඉල්ලූ පසුව, ඔවුන්ට ඔබ වෙනුවෙන් ගමන් වෙනස් කිරීමට හෝ අවලංගු කිරීමට ද හැකි ය.
• ඔබගේ විශ්වසනීය සබඳතාවයට Uber මත ඔවුන් ඔබ වෙනුවෙන් ඉල්ලා ඇති සියලුම අතීත, වර්තමාන සහ ඉදිරියට නියම කළ ගමන් සඳහා ඔබගේ ගිණුමේ ලියාපදිංචි දුරකථන අංකය සහ ගමන් විස්තර වෙත ප්‍රවේශ විය හැක. මෙයට ඔබගේ තත්‍ය කාලීන ගමන් ස්ථාන විස්තර සහ පසුගිය ගමන් සඳහා රිසිට්පත් ඇතුළත් වේ.
• ඔවුන් ඔබ වෙනුවෙන් ඉල්ලා ඇති ගමන් සම්බන්ධ රියැදුරු සමඟ වූ සන්නිවේදන තුළ ඔබේ විශ්වසනීය සබඳතාව ඇතුළත් වේ.
• ඔබේ විශ්වසනීය සබඳතාව තමන් වෙනුවෙන් ගමන් ඉල්ලීමට ඔබේ ගෙවීම් ක්‍රමය භාවිත නොකළ යුතු ය.
• ඔබගේ විශ්වසනීය සබඳතාවය විසින් ගෙවීම් ක්‍රමයක් භාවිත කිරීම අදාළ ගෙවීම් ක්‍රම සපයන්නාගේ නියම සහ කොන්දේසි වලට යටත් වේ. එවැනි නියම සහ කොන්දේසිවලට අනුකූල වීම පිළිබඳව ඔබ වගකිව යුතු අතර එවැනි ගෙවීම් ක්‍රමයක් භාවිත කිරීම පැවරීමට අදාළ සියලු අවදානම් පිළිබඳව නැවත සලකා බැලීමක් කළ යුතු ය.
• ඔබේ විශ්වසනීය සබඳතාව විසින් ආරම්භ කරන ලද ඒවා ද ඇතුළුව, නියෝජිත ගෙවීම් ක්‍රමය භාවිතයෙන් සිදු කරන ලද සියලුම ගෙවීම්, මිල දී ගැනීම් සහ ගනුදෙනු සඳහා ඔබ වගකිව යුතු ය.
• නියෝජිත ගෙවීම් ක්‍රමය භාවිතයෙන් ඉල්ලා සිටින ඕනෑම ගමනකට අදාළව ඔබේ විශ්වසනීය සබඳතාවේ හැසිරීම සඳහා ඔබ වගකිව යුතු අතර, ඔබ හෝ ඔබේ විශ්වසනීය සබඳතාව Uber හි සාමාන්‍ය භාවිත නියමයන් සහ ප්‍රජා මාර්ගෝපදේශඅනුගමනය කිරීමට අපොහොසත් වුවහොත් ඔබේ ගිණුමට බලපෑම් ඇති විය හැකි බව ඔබ පිළිගනී.
• Uber සමඟ ඔවුන්ගේ පුද්ගලික තොරතුරු බෙදා ගැනීමට ඔබට ඔබේ විශ්වසනීය සබඳතාව වෙතින් අවසර ඇත.
• ඇතැම් වෙළ‍ෙඳ‍පොළ හෝ ස්ථානවල දී ඔබේ නියෝජිතයාට ඔබ වෙනුවෙන් ගමන් ඉල්ලීමට නොහැකි වනු ඇත. සේවාව ලද නොහැකි ස්ථානයක දී එසේ ඉල්ලීමට උත්සාහ කිරීමේ දී ඒ අයට Uber යෙදුම තුළ පණිවුඩයක් දිස් වනු ඇත.
• ඔබට ඔබේ Uber යෙදුම් පැතිකඩ සැකසුම් තුළ ඕනෑම වේලාවක ඔබේ විශ්වසනීය සබඳතා(ව) ඉවත් කළ හැක.

විශ්වසනීය සබඳතාවක් (එනම් පුද්ගලික සහකාරයෙකු හෝ භාරකරුවෙකු) පිළිබඳව ඔබ මේ දෑ සඳහා එකඟ වේ:

• ඔබව ඔවුන්ගේ විශ්වසනීය සබඳතා ලෙස පවරා ඇති සහ ඔවුන්ගේ ගෙවීම් ක්‍රමය ඔබට පවරා ඇති වෙනත් පරිශීලකයෙකු (“නියෝජිතයා”) වෙනුවෙන් ගමන් ඉල්ලීමට සහ කළමනාකරණය කිරීමට ඔබට අවසර ඇත. නියෝජිතයා වෙනුවෙන් ගමන් ඉල්ලීමට, වෙනස් කිරීමට හෝ අවලංගු කිරීමට ඔබට හැකි වනු ඇත.
• ඔවුන් වෙනුවෙන් සහ නියෝජිතයාගේ අනුදැනුම සහ කැමැත්ත ඇතිව ඉල්ලා සිටින ගමන් සඳහා පමණක් ඔබට නියෝජිතයාගේ ගෙවීම් ක්‍රමය භාවිත කළ හැක. ඔබ වෙනුවෙන් වන ගමන් සඳහා නියෝජිතයාගේ ගෙවීම් ක්‍රමය භාවිත කිරීම මෙම නියමයන් උල්ලංඝනය කිරීමක් වන අතර, ඔබ සහ නියෝජිතයා යන දෙදෙනාට ම Uber යෙදුම වෙත ප්‍රවේශය අහිමි වීමට හේතු විය හැක.
• ඔබට Uber හි නියෝජිතයා සඳහා ඔබ විසින් ඉල්ලා ඇති සියලුම අතීත, වර්තමාන සහ ඉදිරියට නියම කළ ගමන් පිළිබඳ වූ ගමන් විස්තර වෙත ප්‍රවේශ විය හැක. මෙයට ඔවුන්ගේ තත්‍ය කාලීන ගමන් පිහිටීම් විස්තර සහ පසුගිය ගමන් සඳහා වූ රිසිට්පත් ද ඇතුළත් වේ.
• ඔබ වෙනත් අය සමඟ නියෝජිතයාගේ ගෙවීම් තොරතුරු හෝ පුද්ගලික තොරතුරු බෙදා නොගත හැක.
• නියෝජිතයාගේ ගෙවීම් ක්‍රමය භාවිතයෙන් ගමනක් ඉල්ලා සිටීමෙන්, ගමන් වර්ගය, නංවා ගැනීමේ ස්ථානය සහ ගමනාන්තය, සහ ඕනෑම ගමන් මනාපයන් ද ඇතුළුව, එම විශේෂිත ගමන ඉල්ලීමට ඔබේ නියෝජිතයා ඔබට සම්පූර්ණ බලය ලබා දී ඇති බව ඔබ ප්‍රකාශ කරන අතර ම සහතික කරයි.
• හදිසි අවශ්‍යතා සඳහා ඔබට ගමන් ඉල්ලීම් කළ නොහැකි ය.
• මෙම විශ්වසනීය සබඳතා නියම වලට අමතරව, Uber හි සාමාන්‍ය භාවිත නියම සහ ප්‍රජා මාර්ගෝපදේශ තවමත් නියෝජිතයා-විසින්-ඉල්ලූ ගමන් සඳහා අදාළ වේ. ඔබ මෙම නියම උල්ලංඝනය කරන්නේ නම් ඔබේ ගිණුම් ප්‍රවේශයට බලපෑම් ඇති විය හැක.
• ඔබට ඇතැම් වෙලඳපොලවල් හෝ ස්ථානවල ගමන් ඉල්ලීමට නොහැකි විය හැක. සේවාව ලද නොහැකි ස්ථානයක දී එසේ ඉල්ලීමට උත්සාහ කිරීමේ දී ඔබට යෙදුම තුළ පණිවුඩයක් දිස් වනු ඇත.
• ඔබට ඔබගේ Uber යෙදුම් පැතිකඩ සැකසුම් තුළ ඕනෑම වේලාවක විශ්වසනීය සබඳතාවක් ලෙස ඔබව ඉවත් කළ හැක.