රියැදුරන්ට Uber සමගින් කොපමණ මුදලක් උපයා ගත හැකි ද?
ඔබ Uber යෙදුම සමග රිය පැදවීමෙන් උපයන මුදල් රඳා පවතින්නේ ඔබ රිය පැදවීම සිදු කරන්නේ කවදාද, කොහේදී ද සහ කොපමණ වාරයක් ද යන්න මත ය. ඔබේ ගාස්තු ගණනය කරන්නේ කෙසේදැයි සොයා බැලීමට සහ ඔබේ ඉපැයීම් වැඩි කිරීමට උදවු කළ හැකි ප්‍රවර්ධන ගැන දැන ගන්න.¹
ඉපැයීම් ගණනය කරන ආකාරය
ඔබට Uber සමඟ රිය පැදවීමෙන් කොපමණ මුදලක් සොයා ගත හැකි දැයි ඔබ කල්පනා කරනවා විය හැකි ය. එක් එක් ගමන සඳහා ඔබ උපයන මුදල තීරණය කිරීමට පහත සාධක උපකාරී වේ.
සම්මත ගාස්තුව
සම්පූර්ණ කරන ලද සෑම ගමනක් සඳහා ම ඔබ ගාස්තුවක් උපයයි.
ඉහළ යාම
ඔබට ඔබේ සම්මත ගාස්තුවට වඩා වැඩියෙන් උපයා ගත හැකි වන පරිදි මගීන්ගේ ඉල්ලුම වැඩි වන්නේ කුමන අවස්ථාවක ද සහ කොතැන ද යන්න සොයා ගැනීම සඳහා ඔබේ යෙදුමේ කාර්යබහුලතා සිතියම පරීක්ෂා කරන්න.
අවම ගමන් ඉපැයීම්
එක් එක් නගරයේ, ඔබ ඕනෑම ගමනක් සඳහා උපයන අවම මුදලක් ඇත. කෙටි ගමන්වල දී පවා, ඔබේ ඉපැයීම් ඔබ දරන උත්සාහය පිළිබිඹු කරන බවට මින් සහතික කරයි.
සේවා ගාස්තුව
මෙම ගාස්තුව යෙදුම් සංවර්ධනය සහ පාරිභෝගික සහාය වැනි දේවල් සඳහා මුදල් සැපයීමට උපකාරී වෙයි.
වෙන් කරවා ගැනීමේ ගාස්තුව
සුරක්ෂිතතාව, නියාමනය, සහ රක්ෂණය වැනි මෙහෙයුම් වියදම් ආවරණය කිරීම සඳහා උපකාරී වනු පිණිස මගීහු වෙන් කරවා ගැනීමේ ගාස්තුවක් ගෙවති.
අවලංගු කිරීම්
බොහෝ අවස්ථාවල දී, මගියෙකු ඉල්ලීමක් අවලංගු කරන්නේ නම් ඔබට අවලංගු කිරීමේ ගාස්තුවක් ලැබෙනු ඇත.
ප්‍රවර්ධන සහ ඒවා ක්‍රියා කරන ආකාරය
රියැදුරු යෙදුමෙන් ඔබේ ප්‍රදේශය තුළ වැඩි ම ගමන් ඉල්ලීම් අපේක්ෂා කරන ස්ථාන මත පදනම්ව සිදු කරනකරන යෙදුම තුළ ප්‍රවර්ධන මගින් ඔබට කටයුතු කලින් සැලසුම් කිරීමට හා ඉපැයීම් උපරිම කර ගැනීම සඳහා ඉලක්ක පිහිටුවා ගැනීමට උපකාරී වේ. සෑම ප්‍රවර්ධනයක් ම සියලු ම රියදුරන්ට ලබා ගත නොහැකි ය. පහත නියමයන් බලන්න.²
නියමිත ගමන් ගණනකට ළඟා වන්න
දීමනාව පවතින අතරේ නිශ්චිත කාල සීමාවක් තුළ නියමිත ගමන් වාර ගණනක් සම්පූර්ණ කළහොත් අමතර මුදලක් උපයා ගන්න.
කාර්යබහුල වේලාවල දී රිය පදවන්න
කාර්යබහුල වේලාවල දී ඇතැම් ප්‍රදේශවල ගමන් සඳහා අමතර මුදලක් ලබා ගන්න.
ඉපැයීමේ ක්‍රම කිහිපයක්
යෙදුම සමඟ ඉදිරියට යාම
මෙම යෙදුමෙහි ඔබගේ කාලයෙන් උපරිම ප්‍රයෝජන ගැනීමට ඔබට උපකාර කරන ප්‍රබල විශේෂාංග ඇත. ප්‍රවණතා නිරීක්ෂණය කොට පවත්වා ගැනීමේ සිට ආසන්නයේ ඇති ඉපැයුම් අවස්ථා පිළිබඳ ඔබට දැනුම්දීම දක්වා මගට පිළිපන් ඔබේ සම්පත වන්නේ යෙදුම යි.
ආහාර සහ ගමන් බිමන් සම්බන්ධයෙන් සැලසුම් කිරීම
කාර්යබහුල වේලාවන් සහ ආහාර වේල තුළ Uber සහ Uber Eats යන දෙකටම පිවිසීමෙන් ඔබට වැඩිපුර බෙදාහැරීමේ ඉල්ලීම් ලබා ගැනීමේ අවස්ථා වැඩි කර ගත හැකි ය.
ඔබ ලබා දෙන සේවාව වෙනුවෙන් සන්තෝසම් ලබා ගැනීම
සෑම ගමනකට ම පසුව මගීන්ට පහසුදායී ලෙස ඍජුව ම යෙදුම තුළින් ඔබට පහසුවෙන් සන්තෝසම් ලබා දීමට පුළුවන. සැමවිටම ඔබේ සන්තෝසමෙන් 100%ක් ම ඔබට ලැබේ.
ඔබ ගෙවීම් ලැබෙන දිනය සහ ආකාරය
වේගයෙන් මුදල් ලබා ගන්න
ගෙවීම් ලබා ගැනීම පහසු ය. ඔබට අවශ්‍ය වන්නේ බැංකු ගිණුමක් පමණි. ඔබේ ඉපැයීම් සෑම සතියකම මාරු කරනු ලැබේ.
ඔබේ පාරිභෝගිකයා මුදලින් ගෙවන්නේ නම්
මුදල් සමඟින්, ඔබ ගමනක් සම්පූර්ණ කළ වහාම ඔබට ගෙවනු ලැබේ. යෙදුමෙන් ඔබේ පාරිභෝගිකයා වෙතින් ලබා ගත යුතු මුදල දක්වන අතර ඔබ Uber වෙත ගෙවිය යුතු ගාස්තු ගණනය කරයි.
රිය පැදවීමේ වියදම් ඉතිරි කර ගැනීම
ඔබේම ව්‍යාපාරයක් පවත්වාගෙන යාම සමග නම්‍යශීලීබවක් සමගින් පැමි‍ණ‍ෙන අතර කල් ඇතුව තීරණය ගැනීමේ හැකියාව ලැබේ. ඉන්ධන, රක්ෂණය සහ වාහන නඩත්තු සඳහා බදු අඩු කළ හැකි විය හැකි අතර, Uber හට ඔබට සහාය වන වට්ටම් පිරිනැමීම සඳහා හවුල්කාරිත්වයන් ඇත.
රියැදුරු යෙදුම තුළ ඉක්මන් සංචාරයක නිරත වන්න
වැඩිදුර දැන ගැනීමට කැමතිද? Uber සමඟින් රිය පැදවීමේ දී ඔබට සහාය වීමට වෙනත් රියැදුරන්ගේ උපදෙස් සහ තොරතුරු සහිත වීඩියෝවලින් පිරුණු සැමවිට ම යොමු විය හැකි සම්පතක් ඔබ සතුව ඇත.
රියැදුරන් වෙතින් ලැබෙන ප්‍රධාන ප්‍රශ්න
- මගේ ගමන් ඉපැයීම් මට දැකිය හැක්කේ කොතැනින් ද?
ඔබට යෙදුම තුළ ඔබගේ ඉපැයීම් සාරාංශ දැකිය හැකි ය. ඔබේ සිතියම් තිරයේ ගාස්තු නිරූපකය ටැප් කරන්න, ඉන්පසු ඔබේ ඉපැයීම් බැලීමට දකුණට සහ වමට ස්වයිප් කරන්න.
- මට සති අන්තයේ පමණක් Uber යෙදුම සමඟ රිය පැදවිය හැකි ද?
ඔව්. ඔබට රිය පැදවිය යුත්තේ කවර විටක කෙසේ ද යන්න ඔබ තීරණය කරයි. ඔබ සොයන්නේ මුදල් ඉපැයීම සඳහා නම්‍යශීලී ක්‍රමයක් නම්, Uber සමගින් රිය පැදවීම ඔබට සුදුසු ම මාර්ගය විය හැකි ය.
- රියැදුරන්ට ගාස්තු සඳහා ගෙවීම් ලැබේ ද?
ගමනක යෙදී සිටින විට, ගාස්තු මුදල මගීන්ගෙන් අය කරනු ලබන අතර ඔබේ ගාස්තුවට ස්වයංක්‍රීයව එක් කෙරේ. ඔබට ඉපැයීම් කොටසෙන් හෝ යෙදුම තුළ ගමන් විස්තර වෙතින් ඔබේ ගාස්තු ප්‍රතිපූරණය දැකිය හැකි ය.
¹මෙම පිටුවේ සපයා ඇති කරුණු තොරතුරු අරමුණු සඳහා පමණක් වන අතර ඒවායින් ඉපැයීම් සහතික නොකරයි. ඉපැයීම් ව්‍යුහයන් නගරය අනුව වෙනස් විය හැකි ය. ඔබේ නගරයේ බෙදාහැරීමේ ගාස්තු පිළිබඳ වඩාත් නිවැරදි විස්තර සඳහා සෑම විටම ඔබේ නගරයට විශේෂිත වෙබ් අඩවිය පරීක්ෂා කරන්න.
²ඔබ ප්‍රවර්ධනයක් සඳහා සුදුසුකම් ලබන විට Uber ඔබට ඒ බව දැනුම් දෙනු ඇත. ප්‍රවර්ධන සඳහා සීමාවන් අදාළ වේ. කිනම් හෝ සීමා කිරීමක් හෝ නියමයක් නිශ්චිත ප්‍රවර්ධනය හෝ මෙවලම තුළ ඔබ සමග බෙදා ගනු ලැබේ. එවැනි ප්‍රවර්ධනයක් ලබා ගැනීමට සපුරා ලිය යුතු අවශ්‍යතා ඇතුළුව, නමුත් ඒවාට සීමා නොවී, ඕනෑම ප්‍රවර්ධනයක් වෙනස් කිරීමට හෝ අවලංගු කිරීමට අයිතිය Uber රඳවා තබා ගනී.
පිළිබඳව