هەڵبژاردەی زیاتر لە سەر گەشتەکان لەگەڵ ڕاداری گەشت
ڕاداری گەشت تایبەتمەندییەکی نوێیە کە دەرفەت دەدات بە تۆ و شۆفێرانی دیکە کە ئوبەر بەکاردەهێنن بۆ بینین و هەڵبژاردنی ئەو داواکارییانەی لەو نزیکەن. ڕاداری گەشت دەرفەتی زیاتری داواکاریی گەشتت پیشان دەدات — بەڵام، بەردەوامیش دەبیت لە وەرگرتنی داواکاریی تاکەکەسی.
چۆن کاردەکات
1. داواکارییەکان بدۆزەرەوە
کاتێک لە گەشتێکدا نیت، لەوانەیە ئاگادارکردنەوەیەکت لە ڕاداری گەشتەوە بەدەست بگات. پەنجەی پیا بنێ بۆ بینینی ژمارەیەک داواکاریی UberX کە لە نزیکتەوەن.
2. ئارەزوو بۆ داواکاریی گەشت نیشان بدە
دەتوانیت پەنجە بخەیتە سەر هەر داواکارییەک کە ئارەزووی دەکەیت و زۆرترینیان هەڵبژێریت.
لەبیرت بێت کە ڕاداری گەشت بە سەلامەتی بەکاربهێنیت. ئەگەر هەرکات بەکارهێنانی ئەپی Driverی ئوبەر تەرکیزی بردیت، بیر لەوە بکەرەوە کە لە شوێنێکی سەلامەت لابدەیت ئینجا مۆبایلەکەت بەکاربهێنیت.
3. یەکخستنێک بەدەست بهێنە
شۆفێرانی تریش دەتوانن دەستیان بگات بە لیستەکە، بۆیە هەموو هەڵبژاردنەکانت بەدەست ناهێنیت. ئامانجی یەکخستن کەمکردنەوەی تێکڕای کاتەکانی چاوەڕوانییە بۆ شۆفێران و سەرنشینان. تا پەنجە بە زۆرتریندا بنێیت، ئەگەری ئەوە زیاترە کە لەگەڵ بژاردەیەکدا یەکبخرێیت کە بۆ تۆ گونجاوە.
چۆنیەتی بەکارهێنانی ڕاداری گەشت
بڕۆ بۆ ئەو شوێنەی کە دەتەوێت
ئەگەر پێویست بکات لە شوێنێک بیت، ئەوا ڕاداری گەشت دەتوانێت یارمەتیت بدات بۆ وەرگرتنی داواکاری بۆ ئەو گەشتانەی کە بە ئاراستەیەکی دیاریکراودا دەڕۆن.
خێرا دەست پێ بکە
ئەگەر ناتەوێت چاوەڕێی داواکاری گەشتی داهاتوو بکەیت، ڕاداری گەشت بکەرەوە و هەڵبژاردنی خۆت بکە.
پرسیارە زۆر دووبارە بووەکان
ئامانجی ڕاداری گەشت چییە؟
ڕاداری گەشت دەرفەتێک دەدات بە تۆ و شۆفێرانی تر کە لەنێو داواکارییە زیادە نزیکەکانی UberXدا هەڵبژێرن. بژاردەی زیادە پیشان دەدات، بۆیە تۆش بەردەوام دەبیت لە وەرگرتنی داواکاری تاکەکەسی.
جگە لەوەش دەتوانیت ڕاداری گەشت بەکاربهێنیت بۆ:
- یارمەتیت دەدات داواکاری ئەو گەشتانەت دەست بکەوێت کە بە ئاراستەیەکی دیاریکراودا دەڕۆن ئەگەر شوێنێکت هەبێت کە پێویستە لێی بیت
- ئەگەر هەستت کرد کە ناتەوێت چاوەڕێی داواکاریی گەشتەکەی دواترت بکەیت، خێرا دەست پێ بکە
چۆن ڕاداری گەشت کاریگەری لەسەر ئەو داواکارییانەی گەشت هەیە کە بە تاکەکەسی بەدەستم دەگات؟
داواکاریی گەشتەکان لە ڕاداری گەشت زیادەن—هەروەها بەردەوام دەبیت لە وەرگرتنی داواکاریی تاکەکەسی. لەبیرت بێت کە ڕاداری گەشت بە سەلامەتی بەکاربهێنیت. ئەگەر هەرکات بەکارهێنانی ئەپی Driverی ئوبەر تەرکیزی بردیت، بیر لەوە بکەرەوە کە لە شوێنێکی سەلامەت لابدەیت ئینجا مۆبایلەکەت بەکاربهێنیت.
ئوبەر چۆن بڕیار دەدات کێ داواکاری لە ڕاداری گەشت وەردەگرێت؟
ئامانجی یەکخستن کەمکردنەوەی تێکڕای کاتەکانی چاوەڕوانییە بۆ شۆفێران و سەرنشینان. تێبینی بکە کە هێشتا دەتوانیت کاتی خۆت بۆ هەڵسەنگاندنی پێشنیارەکە وەربگریت — گەشتەکە دەسپێردرێت بەو شۆفێرەی کە لە باشترین شوێندایە، نەک حەتمەن بەو شۆفێرەی کە پێش هەمووان پەنجەی لەسەر «یەکخستن» داناوە.
ئایا ڕاداری گەشت کاریگەری لەسەر ڕێژەی وەرگرتنم هەیە؟
نایکات. کاتێک داواکاریی گەشتەکان لە ڕاداری گەشت هەڵدەبژێریت، دەتوانیت هەرچەند دانەیەکت کە دەتەوێت هەڵبژێریت. هەروەک داواکارییە ئاساییەکان، دوای ئەوەی یەکخرایت هێشتا دەتوانیت بڕیار بدەیت کە هەڵیبوەشێنیتەوە ئەگەر بتەوێت. (بەڵام هەڵوەشاندنەوەی گەشتەکان کاریگەری لە ڕێژەی پوچەڵکردنەوەت دەبێت.)
دەربارە