استلام أرباحك صار فوري في العراق من خلال تطبيق (سوبر كي)
هسه صار بإمكانك آستلام أرباحك بشكل أسرع وأسهل من قبل، من خلال التحويل الفوري إلى تطبيق سوبر كي. ماكو داعي تنتظر، فلوسك توصل خلال ثواني وتكدر تواصل شغلك بدون أي توقف.
شنو هو تطبيق سوبر كي؟
تطبيق سوبر كي هو محفظة رقمية تتيح لك تستلم أرباحك من تطبيق أوبر للسائقين بطريقة آمنة وسريعة.
🔹 وإذا بعد ما عندك سوبر كي، تكدر تنزل التطبيق من الرابط وتفعّله وانت وكاعد ببيتك بكل سهولة.
رابط الصفحة : دوس اهنا
وهذا الفيديو راح يعلّمك شلون تسجل محفظة كي كارد داخل التطبيق خطوة بخطوة:
شلون تستلم أرباحك بشكل فوري؟
الخطوات بسيطة وسهلة:
- تأكد عندك حساب سوبر كي فعّال
- افتح تطبيق Uber Driver
- روح إلى قسم Earnings (الأرباح)
- اختار Cash Transfer (تحويل الأموال)
- اختار سوبر كي
- دخل المبلغ المطلوب
- أكد العملية
وبس! خلال دقائق، الفلوس راح توصل لمحفظتك
ملاحظة مهمة 💡
الفلوس راح تنزل بحساب المحفظة داخل التطبيق، مو مباشرة على البطاقة.
وإذا تحب تحوّل فلوسك من المحفظة إلى البطاقة، هذا الفيديو راح يفيدك ويشرح الطريقة خطوة بخطوة 👇
معلومات مهمة لازم تعرفها ⚠️
الحد الأعلى للتحويل: 100,000 دينار عراقي
التحويل مسموح مرة وحدة يومياً
الحد الأدنى للتحويل: 10,000 دينار عراقي
Alhasan Khatab