Uber × UberEATS 完美約會求生指南
作者：情人節滿街愛侶，擔心自己手上嗰束花唔夠人地大，又擔心年年情人節都係食飯睇戲送另一半返屋企，唔夠有新意？Uber 同 UberEATS 今年一齊幫你計劃完美情人節，冧掂你嘅另一半！首先就等 Uber 帶你地遠離熱鬧人群，直達為你精心挑選嘅獨家拍拖聖地。搭車嗰陣開定 UberEATS 揀埋心水美食。一抵達浪漫地點，二人甜蜜晚餐隨傳隨到。
1. 太平山「山頂公園」
以為同愛人手拖手搭纜車上山頂，眺望城市夜空已經夠浪漫？話你知一個秘密好去處！從凌霄閣沿著柯士甸山道向上行大概15分鐘，就會嚟到廣闊而寧靜嘅山頂公園。別緻典雅嘅涼亭、白色牆藍色窗嘅別墅守衛室，都充滿著一種古典嘅英式浪漫。提提你，UberEATS 嘅外賣可以直送山頂㗎！特別推薦 Boomshack 嘅炸雞窩夫配以特製三層芝士同各式雞尾酒。情人節嚟山頂公園野餐，夠晒特別啦。
Boomshack × UberEATS 優惠 （2月8至14日）
外賣滿兩個主菜及兩樣配菜，即送「香蕉榛子醬窩夫」一份
2. 觀塘「海濱公園」
傍晚時分，孖住情人漫步於觀塘海濱長廊，從迷人嘅晚霞一直睇到迷濛嘅夜色。公園每晚6 -10點，每隔半個鐘塔樓就會有燈光表演。海濱樹木徑同塔樓光影舞動，配合地面瀰漫嘅水霧，迷幻至極。此時此刻，再食返個甜品，特別滿足。同 UberEATS 合作嘅糖水鋪「金滿堂甜品」同「甜入心」都推出咗情人節期間限定優惠，快啲來發掘屬於你倆嘅甜蜜驚喜啦！
「金滿堂甜品」× UberEATS 優惠（2月8至14日）
白馬黃紫 + 金枝玉葉 + 綠茶三重奏（原價 HK$148，情人節限定價 HK$118）
「甜入心」× UberEATS 優惠（2月10至14日）
只需 HK$80 即可任揀「朱古力心連心窩夫＋心太軟」套餐或「芒果心連心窩夫＋心太軟」一份
3. 尖沙咀「訊號山花園」
十九世紀初，訊號山曾經係皇家香港天文台向維多利亞港嘅船隻報時嘅地點。有咩浪漫得過登上愛德華式建築嘅訊號塔，喺歷史悠久而且象徵時間嘅訊號塔入面說愛你？從訊號塔出來，有冇諗過喺訊號山花園嘅小涼亭入面都可以享受到充滿鄉村風味嘅正宗意大利菜？UberEATS 誠意獻上英國名廚 Jamie Oliver 開設嘅 Jamie’s Italian 餐廳美食。無須排隊 book 枱就可以感受呢份兩個人的高級晚餐，仲唔係情人節嘅冧爆回憶？
Jamie’s Italian × UberEATS 優惠（2月8至14日）
二人情人節套餐
4. 西營盤海傍「中山紀念公園」
呢度有一大片圓形草地，前面就係無敵嘅維港景色，無論同愛侶嚟呢度野餐，定係靜靜地瞓吓草地傾吓計，甚至一齊觀賞日落，直至對岸燈光點點，都係一件浪漫嘅事。悠悠閒閒用 UberEATS 嗌個外賣，野餐一樣可以食得好精緻。不妨試吓 Momotaro 嘅新派日本料理，特別推薦佢地嘅燒小龍蝦同壽司拼盤。幸福就係可以同鍾意嘅人一齊分享美食！
Momotaro × UberEATS 優惠（2月14日）
嗌情人節套餐，即送日本清酒一支
5. 紅磡「海濱花園」
同愛人一齊靜靜地散步，吹著海風，傾吓心事，呢一份平常已經好珍貴。由尖沙咀鐘樓開始，沿著星光大道一路行到紅磡海濱花園，呢一段路好寧靜，而且非常舒服。行到攰仲可以坐低，等 UberEATS 為你送上「聰少甜品」美味又養顏嘅新式糖水。呢份甜蜜，就係你倆情人節嘅最佳小確幸。
「聰少甜品」× UberEATS 獨家優惠（2月1至14日）
外賣任何熱品糖水免費升級加湯丸4粒！
6. 利東街「秘密花園」
每個女仔心底都有個童話夢。情人節不妨同愛人一齊去利東街嘅林蔭大街購物同用餐，享受歐陸式的醉人風景，仲可以上5樓嘅空中秘密花園。呢度有浪漫南瓜車、小天使同天鵝雕像，仲有歐陸式嘅心形擺設同夢幻拱門，同戀人嚟呢度談談心，拍拍照，連心都特別靠近。想令彼此嘅親密升溫，向你推薦 La Bo La 嘅越南菜，特級美國生牛肉湯河同五香炸無骨雞翼熱辣辣火速送到，兩個人一齊分享，幸福滿瀉。