Uber 陪你歡度佳節，迎接 2018！

你準備好迎接 2018 年未？未諗好喺邊度慶祝唔緊要，只需要記住當你需要一個安全可靠嘅交通選擇時，Uber 都會隨時候命！以下我哋為你準備咗一啲小貼士，等你慶祝完可以輕輕鬆鬆返屋企。

由於平安夜同除夕夜當日會有特別交通及封路措施，我哋將會喺中環、蘭桂坊、灣仔、銅鑼灣以及尖沙嘴設立指定上車點。到時你可以根據 app 嘅指示，選擇最近嘅上車點會合你嘅司機。以下係更多有關平安夜同除夕夜當日嘅安排。

我哋預計平安夜同除夕夜嘅需求會增加，有機會令車資比平日高，尤其是午夜至凌晨 3 點期間，市民將於倒數後陸續搭車返屋企。喺叫車前，你可以透過即時定價了解實際車資*，把握最佳時機叫車。如果同朋友一齊搭車，記得用埋「多個目的地」功能，咁就唔會失預算啦！

想同朋友一齊坐 Uber？你可以喺完成行程前*善用「平分車資」功能，咁就唔洗慢慢夾錢啦！「多個目的地」功能喺返屋企途中就大派用場喇，你哋最多可以輸入 3 個停車點（包括最終目的地），最先輸入就去邊度先，咁就可以同順路嘅朋友一齊舒舒服服咁返屋企啦！

無論你會早到、遲到、定準時到，你都可以透過 app 分享你嘅行程，讓家人或朋友更安心。

我哋預計到時交通會非常繁忙，所以上車前請確保接你嘅車型、車牌號碼以及司機夥伴同 app 顯示嘅相同，記住唔好上錯車呀！

落車前記得檢查清楚有無帶齊隨身物品，唔好畀一時大意破壞心情呀！萬一真係漏咗野喺車上，可以透過程式內嘅「求助」功能、並選擇「遺失物品」聯絡你嘅司機或同我哋聯絡。