ටෝනි වෙස්ට් යනු Uber හි ජ්‍යේෂ්ඨ උප සභාපති, ප්‍රධාන නීති නිලධාරී සහ සමාගම් ලේකම් වන අතර, ඔහු සමාගමේ ගෝලීය නීති, අනුකූලතා සහ ආචාර ධර්ම සහ ආරක්ෂක කටයුතු මෙහෙයවයි.
රාජ්‍ය හා පෞද්ගලික යන දෙඅංශයේම දශක තුනකට ආසන්න අත්දැකීම් සහිත ටෝනි එක්සත් ජනපදයේ සෙනෙට් සභාව විසින්. එක්සත් ජනපදයේ අධිකරණ දෙපාර්තමේන්තුවේ ඉහළ තනතුරු සඳහා. දෙවරක් තහවුරු කරන ලද අතර; ආරක්‍ෂාව සම්බන්ධයෙන් අදාළ ක්‍ෂේත්‍රයේ ප්‍රමුඛයා වීමට එහි දැරූ ප්‍රයත්නයන් ද ඇතුළුව Uber හි සංස්කෘතික වෙනසෙහි ප්‍රධාන පුරුකක් වී ඇති අතර; පොදු කොටස් සමාගමක් ලෙස නව යුගයක් ආරම්භ කිරීමට සමාගමට උපකාර කර ඇත. මෙම කාර්යයේ ප්‍රතිඵලයක් ලෙස ආයතනික විනිවිදභාවය පිළිබඳ ඔහුගේ නිර්භීත උත්සාහයන් සමඟින්, ඔහු ඇමරිකානු නීතිඥ සංගමය විසින් 2023 වසරේ සාමාන්‍ය උපදේශකයා ලෙස නම් කරන ලදී.
Uber සමාගමට සම්බන්ධ වීමට පෙර, ටෝනි, සුවපහසු ආහාර පාන නිෂ්පාදන පිළිබඳව ගෝලීය ප්‍රමුඛයා වන PepsiCo හි සාමාන්‍ය උපදේශක, රාජ්‍ය ප්‍රතිපත්ති සහ රජයේ කටයුතු පිළිබඳ විධායක උප සභාපති සහ සමාගම් ලේකම් ලෙස ද කටයුතු කළේ ය.
2012 සිට 2014 දක්වා. ටෝනි එක්සත් ජනපද අධිකරණ දෙපාර්තමේන්තුවේ තුන්වන ජ්‍යේෂ්ඨතම නිලධාරි, එක්සත් ජනපදයේ 17 වන සහකාර නීතිපතිවරයා ලෙස ද සේවය කළේ ය. එහි දී ඔහු සිවිල් අයිතිවාසිකම්, විශ්වාසභංග, බදු, පරිසරය සහ ස්වාභාවික සම්පත් සහ සිවිල් අංශ මෙන්ම අධිකරණ වැඩසටහන් කාර්යාලය, කාන්තාවන්ට එරෙහි ප්‍රචණ්ඩත්වය පිළිබඳ කාර්යාලය සහ ප්‍රජා නැඹුරු පොලිස් සේවා කාර්යාලය වැනි බොහෝ අංශ අධීක්ෂණය කළේ ය. එම කාලය තුළ, 2009 මූල්‍ය අර්බුදයේ දී ඔවුන්ගේ හැසිරීම හරහා ඇමරිකානුවන්ට හානි කිරීම් හේතුවෙන් මූල්‍ය ආයතනවලින් ඩොලර් බිලියන 37 කට ආසන්න මුදලක් දඩ මුදල් සහ දඩුවම් ලෙස ටෝනි ලබා ගත්තේ ය.
ඊට පෙර, 2009 සිට 2012 දක්වා, ටෝනි, අධිකරණ දෙපාර්තමේන්තුවෙහි විශාලතම නඩු පැවරීමේ අංශය වන සිවිල් අංශයේ සහකාර නීතිපතිවරයා ද විය. එම තනතුරේ, ටෝනි විසින් විවාහ ආරක්ෂණ පනතේ (DOMA) ව්‍යවස්ථාපිතභාවය පිළිබඳ අධිකරණ දෙපාර්තමේන්තුවෙහි සමාලෝචනයට නායකත්වය දුන් අතර, නීතිය ව්‍යවස්ථා විරෝධී බැවින් දෙපාර්තමේන්තුව විසින් සිය පැරණි රෙගුලාසි ආරක්ෂා කිරීම අතහැර යුතු බවට දැඩිව හා සාර්ථකව පෙනී සිටියේ ය.
2014 දී නීතිපති Eric Holder ඔහුට අධිකරණ දෙපාර්තමේන්තුවෙහි ඉහළම ගෞරවය වන Edmund J. Randolph සම්මානය පිරිනැමී ය.
ඔහුගේ වෘත්තීය ජීවිතයේ මුල් අවදියේ, ටෝනි කැලිෆෝනියාවේ උතුරු දිස්ත්‍රික්කයේ සහකාර එක්සත් ජනපද නීතිඥයෙකු ලෙස කටයුතු කළේ ය; කැලිෆෝනියා අධිකරණ දෙපාර්තමේන්තුවේ විශේෂ සහකාර නීතිපති ලෙස ද සේවය කර ඇත; ඒ වගේම සැන් ෆ්රැන්සිස්කෝ Morrison & Foerster LLP හි නඩු පැවරීම් හවුල්කරුවෙකු ලෙසද කටයුතු කළේ ය.
ටෝනි ඔහුගේ උපාධිය Harvard විශ්ව විද්‍යාලයෙන් ලබා ගත් අතර එහි දී ඔහු Harvard Political Review හි ප්‍රකාශකයෙකු ලෙස ද සේවය කළ අතර Stanford නීති විද්‍යාලයෙන් ඔහුගේ නීති උපාධිය ලබා ගත් අතර ම එහි දී ඔහු Stanford Law Review හි සභාපති ලෙස ද කටයුතු කළේ ය. ඔහු දැනට BXP අධ්‍යක්ෂ මණ්ඩලයේ සේවය කරන අතර Stanford නීති විද්‍යාල ආගන්තුකයන්ගේ මණ්ඩලයේ NAACP නීති ආරක්ෂක සහ අධ්‍යාපන අරමුදල් අධ්‍යක්ෂ මණ්ඩලයේ සහ ඔබාමා පදනමේ My Brother's Keeper Alliance උපදේශක මණ්ඩලයේ ද තනතුරු හොඹවයි.
පිළිබඳව