Products

Deliver with Uber

April 13 / Pakistan


Zaroorat-e-waqt kay tehat Uber ne ‘Uber Delivery’ launch kiya hai. Iss service ka bunyadi maqsad logoun ko zaroori saz-o-samaan un k gharon tak pohanchana hai, jaisay keh zaroori tibbi ashia aur groceries.
Yeh sahulat Uber Moto k tamam partner drivers kay liye muyasar hai. Ap apni Uber driver application kay zeryay apni marzi sae Uber Delivery ka option ka intekhab kar saktay hain. 

Sharait o Zawabit

Terms & Conditions

Driver products par Uber Delivery ka istemaal karkay, aap mandarja zail takmeeli sharait o zawabit se ittafaq karte hain:

  1. Uber on-demand lead genration aur mutaliqa khidmaat muhayya karta hai, aur sirf aap ko sarfeen ke sath rabta qaim aur azadana tor par moahida karne ke liye aik platform muhayya karta hai. Samaan le jany ka moahida mukammal tor par aap aur sarif ke darmiyan hoga.
  2. Driver muahiday mein tay shuda naqal o hamal khidmaat ko riyasat ke ilaqay mein uber services ke tavassut se sarfeen ko ashya ki tarseel ke liye khidmaat ki farahmi ko shaamil karne ke liye parha jaye ga, aur yeh ke jahan bhi munasib ho, wahan musafiron ki aamad o raft se mutaliq daf-aat ashya ki farahmi par laago hon gi.
  3. Driver muahiday ke tehat kisi bhi zimma daari se taasub ke baghair, aap ittafaq karte hain ke sarif ko ashya ki farahmi ki takmeel ke silsilay mein aapki wahid zimma daari hai.
  4. Sarfeen ko ashya ki tarseel ke silsilay mein koi bhi billing aur mafahmat aap aur Sarif ke darmian ki jaye gi. Kisi bhi haalat mein sarif ki hadaayat par aap ke zareya kharidi gayi ashya ki adaigi ke silsilay mein Uber zimma daar nahi hoga.
  5. Aap dkandaron ke zareya jari kardah ashya ke raseed ko barqarar rakhen ge aur farahmi mukammal honay par Sarif ko asal raseedein farahim karen ge.
  6. Aap driver application ko istemaal nahi karen ge agar aap ko shuba hai ke aap ko koi mutaddi bemari hai ya aap ko shuba hai keh kisi bhi shakhs se aapka zaati rabita hua hai jis ko mutaddi bemari hai.
  7. Driver muahiday par taasub ke baghair, Uber aap ko delivery brand ke ghalat istemaal ya un izafi sharait o zawabit ki khilaf warzi ki soorat mein baghair ittila ke aap ko fori tor par ghair fa-aal kardey ga.

Ab ap apni sahalot aur marzi se Uber delivery ker saktay hai aur kama saktay hain.