عايز تكون شريك سائق لـ”أوبر” في مصر؟ بسيطة… اقرأ الدليل ده كويس!

صعب نقول إنّ نجاح خدمة “أوبر” في مصر اتحقق بين يوم وليلة، بالعكس، نجحنا مِن ساعة ما بدأنا في تقديم الخدمة في مصر في عام ٢٠١٥ في تغيير مفاهيم كتيرة لها علاقة بتنقلات الناس وتوصيلهم في مصر. ووفّرنا كمان فرص رائعة للعمل الحر لشُركائنا السائقين، وإذا كُنت مهتم إنك تكون شريك سائق مع “أوبر” (علشان تساعدنا على توسيع خدماتنا في كل مكان في مصر)، مِن فضلك اقرأ الدليل ده كويس، وهتلاقي فيه كل اللي هتحتاجه!

 ليه” شركائنا السائقين”؟

محتار وعايز تعرف يعني إيه ” شركائنا السائقين”؟ الموضوع بسيط جدًّا، المصطلح ده بنطلقه على السائقين في “أوبر”، لأن ده وصفهم الطبيعي بالنسبة لنا! باختصار، هم شركائنا في النجاح، ومِن غيرهم صَعب كُنا نحقّق النجاحات ده. بمعنى تاني، كل ما يزيد نجاح “أوبر”، كل ما يزيد نجاح شركائنا السائقين والعكس صحيح. وبنحرص جدًّا على نجاح شركائنا السائقين وسعادتهم، لأن ده معناه ازدهار أعمالنا وتحقيق النجاحات اللي بنتمنّاها!

مرونة كبيرة ومكافآت عظيمة

عَارف أفضل ميزة في كونك شريك سائق لـ”أوبر” إيه؟ إنك تقدر تسوّق عربيتك وتحقّق الدخل اللي إنت عايزه! مِيزة تانية مهمة جدًّا لازم تحطّها في الاعتبار، إنه مافيش مكتب هيحصرك جوّاه طول اليوم أو مُدير يقول لك اعمل كده وماتعملش كده! بالعكس، إنت المتحكّم الأول والأخير في وقتك وأنت مدير نفسك، وكل ما تسوّق عربيتك على الطريق، كل ما تكسب فلوس أكتر. وفوق ده وده، مُمكن يشتغل شركاء “أوبر” السائقين لبعض الوقت؛ يَعني لجزء يحدّدوه مِن وقتهم، ويستغلّوا المكسب اللي بيطلّعوه في تمويل مشاريع أو في مجالات تانية. ومُمكن كمان تبقى صاحب مشروع ورجل أعمال صغير مع “أوبر”، عن طريق تأسيس أسطولك الصغير من السائقين اللي شغّالين معاك، وفي أمثلة من دول كتير جدًا.

طلبات أساسية

بالرغم مِن أن عملية تسجيل اشتراكك ضمن فريق شركاء أوبر السائقين بالكتير هتاخد ٤ دقايق على موقعنا الإلكتروني، في بعض الطلبات الأساسية اللي لازم توفّرها قبل اشتراكك معانا، منها إن سِنك لازم يكون ٢١ سنة على الأقل، ومعاك رخصة قيادة سارية. كمان لازم تقدّم بعض الأوراق والمستندات المهمة، زي رخصة العربية والفيش الجنائي. وبعد ما تبتدي تسوق مع أوبر هيكون في شوية ورق زيادة لازم تقدمه، زي فحص العربية وتحليل المخدرات. 

الشروط المطلوبة

احرص على توافر الحاجات دي:

·  سِنك لا يقل عن ٢١ سنة.

· رخصة سواقة سارية.

· ترخيص العربية الساري.

. ارفع المستندات على موقعنا

لمّا تقوم بعملية التسجيل على موقعنا، احرص على رفع صور ونسخ من المستندات والأوراق اللي فاتت.. ومُمكن تستخدم كاميرا تليفونك المحمول علشان تاخد صور للمستندات ده. لكن، اتأكّد من وضوح كل البيانات والمعلومات اللي في المستندات. يعني اقف في مكان فيه إضاءة كويسة، وابعد قدر الإمكان بجسمك أو ظلّك وإنت بتاخد الصور!

اعرف مدينتك!

بعد ما توفّر المستندات المطلوبة، ابدأ عملية التسجيل بطريقة سريعة وسهلة من هنا. وبعد كده، هيكون فيه مرحلة تانية مهمة وهي “عملية التحاق المرشحين بالشغل”. بنضمن من خلال العملية دي تلبية الشركاء السائقين للمعايير العالية اللي بنحطّها!

جُزء من العملية دي بيتطلّب بعض المعلومات العامة، خصوصًا المتعلّقة ببعض المناطق والأماكن في مدينتك، وبعض الطّرقات والشوارع الرئيسية، إلى جانب أهم الأماكن السياحية المشهورة. ولو تعرف أي شريك من السائقين في “أوبر” اتكلم معاه واستشيره في اللي المفروض تبقى عارفه لما حدّ يسألك!

السلامة أولًا.. شعارنا الأول والأخير!

بنفتخر دايمًا إننا بنوفّر خدمة آمنة، ونظيفة وكمان بتعمل بكفاءة عالية. علشان كده، بنقوم بإجراء بعض الفحوصات والاختبارات على الشركاء السائقين والعربيات بعد ما يشتغلوا معانا. 

بتتلخّص عمليات الفحص في التالي:

· فحص العربية لأمان الراكب والشريك.

·   تحليل المخدرات في أي مركز من المراكز المعتمدة اللي بتحددها الشركة.

تدريب أساسي

قُلنا قبل كده إنك مش هتشتغل من مَكتب ما دام إنك بتشتغل معانا شريك سائق، وده صحيح تمامًا، لكن في مكتب رئيسي في كل مدينة بنشتغل فيها. ولما ينجح طلب العمل اللي اتقدّمت بيه عندنا ممكن نطلب منك اجتياز محاضرة تدريبية مُدتها ٦٠ دقيقة. بعض المحاضرات دي بتبقى بالشراكة مع مؤسّسة https://harassmap.org/”خريطة التحرش“، وهي مبادرة خيرية تَهدف إلى خلق بيئة مافيهاش أي تسامح مع التحرش الجنسي!

اختار أحد خدمات “أوبر”..

حاليًّا، في ٣ خدمات لـ”أوبر” في مصر:

·             أوبر إكس (uberX) في القاهرة والإسكندرية والمنصورة وطنطا ودمنهور والغردقة والزقازيق. وهي خدمة بتوفّر فرصة للركّاب في التنقّل داخل المدن بعربية مريحة وبتكلفة مناسبة جدًّا.

·             سيلكت (SELECT) في مدينة القاهرة فقط: ده خدمة أعلى من “أوبر إكس” وفيها رفاهية أكتر. بتسمح الخدمة دي للركّاب بالانتقال معانا بشكل مريح جدًّا وبطريقة عصرية للغاية، سواء كنت عايز تروح المطار أو عندك اجتماع شغل، أو حتى خارج مع أصحابك. طبعًا تكلفة الخدمة دي أعلى شوية من خدمة “أوبر إكس”، وده طبعًا لأنها بتستعين بعربيات أفخم بكتير وسائقين أكتر احترافًا.

·             سكوتر (SCOOTER): دي أكتر خدمة اقتصادية بنوفرها حاليًا وهي متوافرة في القاهرة والإسكندرية. الركاب مع الخدمة ده بيتنقلوا بأسرع وأوفر طريقة عن طريق الموتوسيكل. أحسن طريقة لاستخدام خدمة سكوتر هي لما يكون في راكب واحد ومشواره قصير.

ولو عندك عربية خاصة بيك أو بتفكّر في شراء واحدة، تحديدًا علشان تبقى شريك سائق مع “أوبر”، مِن المهم إنك تعرف إن عربيتك هتترفض لو معدّتش فحص العربية.

ملاحظات أخيرة:

شركاء “أوبر” السائقين بيديروا أعمالهم بطريقة فعّالة وبكفاءة عالية، كمان لازم تاخد بالك إنك لازم تحافظ على عربيتك نظيفة مع صيانتها بشكل دوري، وهتزوّدها بالبنزين اللازم علشان توصّل العملاء. كمان هتحتاج تسدّد العمولة اللي بتاخدها “أوبر” (وهي النسبة اللي بتاخدها “أوبر” من التكلفة الإجمالية للأجرة). وهتعرف كل حاجة عن الموضوع ده لما تسجّل للاشتراك على موقعنا ومن خلال تطبيق أوبر.

لو حابب تكون شريك سائق مع “أوبر” اضغط هنا.