دليل “أوبر” لأحسن ١٠ أماكن في الجونة

مِن ساعة ما اتعملت في أواخر التمانينيات، ما أخدتش الجونة وقت طويل علشان تكون أحسن وأشهر منتجع سياحي في مصر، لأنها بتتميّز بموقع استراتيجي جدًّا؛ فهي بتبعد حوالي ٣٠ كيلومترًا من شمال الغردقة، وبيفصلها عن مطار الغردقة الدولي حوالي ٤٥ دقيقة بالعربية. ولو ناوي تزور الجونة، “أوبر” بتقدّم لك دليل بأحسن الأماكن اللي ممكن تزورها هناك:

بتتميّز الجونة بقنواتها المائية وشواطئها الجميلة، علشان كده بيُطلق عليها اسم “فينيسيا البحر الأحمر”! وكل شواطئ الجونة خاصة، علشان كدة كتير من الفنادق هناك عندها شاطئها الخاص. ومن أشهر الشواطئ في الجونة شاطئ “مارينا” اللي هتلاقي فيه “مودز ريستوران آند بيتش كلوب” وده مطعم بيقدّم أشهى الأكلات الإيطالية والأوروبية والمصرية كمان https://www.facebook.com/Moods.ElGouna/، بخلاف شاطئ “زيتونة” اللي على جزيرة خاصة وممكن توصل له بمركب.

المنطقة دي ساحرة بجد، صممها المعماري الإيطالي “ألفريدو فريدا”، علشان كده هتلاقي بصمات مدينة فينيسيا الإيطالية في كل حتة في المنطقة دي. وفيه هناك مرسى أبوتيج اللي بيضم مراكب ويخوت فاخرة كتيرة، بخلاف ٥ فنادق ومطاعم وكافيهات مالهاش عدد بتضفي جو راقي على المكان. من الآخر، المنطقة دي روعة لو هتتمشّى فيها ساعة الغروب!

في قلب منطقة الداون تاون في الجونة ميدان مشهور أوي اسمه تمر حنة مليان بأشجار النخيل والمحلات والكافيهات بقعداتها الجميلة في الهواء الطلق! المكان ده رائع للاستجمام طول النهار، لكن بيزدحم بالليل، خصوصًا إن فيه نوادي ليلية كتيرة هناك بتلفت الأنظار، وكمان تقدر تستمتع بالعروض الفلكلورية ورقصات التنورة على أنغام الموسيقى الشعبية الجميلة!

لو هتدوّر على أماكن سياحية في الجونة، فأكيد هتحتار من كُتر الخيارات الموجودة في المنتجع الساحر ده. لكن، أهم حاجة بتميّز الجونة هو إنها موقع مثالي للغطس في الأعماق والاستمتاع بعالم البحار الخلاب المليء بالشعب المرجانية والأسماك النادرة المختلفة، وكمان ممكن تتفرج على حطام السفن اللي غرقت في أوقات الحروب. وحسب المكان اللي هتختاره، هيكون هناك فرصة إنك تتفرّج على أسماك القرش المنقّطة والسلاحف البحرية والدلافين وكمان أسماك التونة. ولو عايز تحترف الغوص، ممكن تاخد دروس خاصة علشان تبقى غوّاص محترف، أو تأجر معدّات الغطس (سنوركلينج) وتستكشف بنفسك العالم الساحر ده!

مِن أشهر الألعاب المائية اللي ممكن تستمتع بيها أوي في الجونة، ركوب الأمواج والتزحلق الهوائي، وفيه مناطق معينة مفتوحة في الجونة بتكون فيها سرعة الرياح شديدة وده يعني الاستمتاع بالألعاب دي أكتر، وخصوصًا على شواطئ “مانجروفي” و”بوذا”.

الجونة كابل بارك

سلايدرز كابل بارك الجونة عبارة عن مجمع متكامل للرياضات المائية، وبتتكون لعبة “الويك بورد” من حبل بيسحب المتزحلق على المياه في تراك معين من غير قارب آلي. ومن كام شهر، أقيمت فعاليات بطولة أوروبا وإفريقيا للعبة “الويك بورد” للمرة الأولى داخل إفريقيا في المجمع ده، وتحت رعاية الاتحاد المصري للشراع والتزحلق على الماء، وده بيأكد على أهمية المكان ده وجماله.

هو متحف صغير افتتح من حوالي ٣٠ عامًا وبيُعرض فيه ٩٠ تحفة فنية وتاريخية، منها تماثيل طبق الأصل من تماثيل شهيرة، وأعمال الفنان التشكيلي المصري المعاصر حسين بيكار.

مكتبة الإسكندرية في الجونة

المكتبة دى ليها اسم تاني كمان وهي “سفارة المعرفة”، وافتتحتها “سوزان مبارك” عام ٢٠٠٨ علشان تكون مكتبة رقمية متطورة ترتبط بشكل أساسي بمكتبة الإسكندرية. ويمكن للزوار الاطّلاع إلكترونيًّا على كل الكتب الموجودة في مكتبة الإسكندرية هناك. وفيه كمان عروض تفاعلية عن تاريخ مصر بقاعات المكتبة، وممكن للزوّار استعارة كتب من المكتبة وقراءتها في الهواء الطلق.

لو مهتم برياضة الجولف، هتكون الجونة جنة بالنسبة لك؛ فهناك ملاعب جولف جميلة جدًّا استضافت بطولات دولية مهمة. من أهم ملاعب الجولف في الجونة ملعب “شتيجنبرجر” (https://www.steigenberger.com) اللي صممه لاعب الجولف المشهور “فريد كابلز”، وكمان ملعب “إنشنت ساندز” اللي صممه “كارل ليتن” (http://www.hotels.elgouna.com/ancient-sands/).

مافيش شك إن فيه حاجات كتيرة هتعملها لما تزور الجونة، منها زي ما قلنا الرياضات والألعاب المائية، لكن الجونة كمان فيها رياضات وأنشطة صحراوية مذهلة، زي ركوب الخيل وركوب الموتوسيكلات الرباعية والبيتش باجي وعمل سفاري بيها، وماتنساش كمان خدمة “أوبر توك توك” اللي هتساعدك تتنقل لأي مكان بكل سهولة ويسر.