ابدأ طلب الطعام مع أوبر إيتس (Uber Eats)

اطلب الآن
المنتجات

ما هو أوبر؟ 6 حقائق مسلية تفيد ركابنا

18 نوفمبر 2019 / مصر

إيه هو أوبر؟ إحنا مبسوطين إنك سألت السؤال ده لإنك مش الوحيد اللي بتسأله. لاحظنا إن فيه سؤال شائع بيتردد: إيه هو أوبر؟ هل هو خدمة تاكسي؟ مش بالضبط. نقل عام؟ لأ. طيب إيه هو أوبر بالضبط؟ الحقيقة، أوبر بكل بساطة هو عبارة عن تطبيق بيوصل الشركاء السائقين بالركاب. عشان نساعدك يكون عندك فكرة أحسن عن الموضوع، جمّعنالك قائمة تعرف منها شوية معلومات مختلفة وممتعة عن أوبر وهتجاوبك على أسئلة زي إيه هو أوبر، وبدأ إزاي، ومين هو مالك الشركة؟

القصة كلها بدأت من باريس

بدأت فكرة أوبر لما لقى ترافيس كالانيك وجاريت كامب نفسهم واقفين على الطريق في ليلة من ليالي باريس الباردة ومش لاقيين تاكسي، وسألوا نفسهم السؤال ده: “إيه اللي هيحصل لو نقدر نطلب عربية بمجرد ضغطة زر في التليفون؟” ومن هنا انطلقت الشركة لأول مرة سنة 2009، ومن وقتها وهي بتحقق نمو مستمر.

ما هو أوبر؟ 6 حقائق مسلية تفيد ركابنا

الرئيس التنفيذي هو دارا خسروشاهي

إدارة شركة عالمية فيها أكتر من 16 ألف موظف هي حاجة محتاجة خبرة كبيرة. ولحسن الحظ، رجل الأعمال دارا خسروشاهي عنده الخبرة دي. قبل ما يتولى منصبه في أوبر، كان هو الرئيس التنفيذي لشركة السفر الإلكترونية “إكسبيديا”. هو كمان مناصر كبير لحقوق اللاجئين وده لأنه هو نفسه هاجر من بلده إيران وقت ما قامت الثورة لما كان عنده 9 سنين.

أوبر بتقدم خدماتها في 65 بلد

المقر الرئيسي لشركة أوبر موجود في مدينة سان فرانسيسكو في أمريكا وكمان ليها مكاتب كبيرة في لندن وساو باولو وميكسيكو سيتي وأمستردام. بكده تقدر تطلب مشوار مع أوبر في أكتر من 600 مدينة حول العالم.

ما هو أوبر؟ 6 حقائق مسلية تفيد ركابنا

أكتر من 3,000 شريك سائق في الإمارات العربية المتحدة بس

من سنة 2016، اشتغل مع أوبر أكتر من 3,000 شريك سائق في مدينة دبي بيساعدوا الركاب يوصلوا لوجهتهم المطلوبة. ومع زيادة شعبية أوبر، عدد الشركاء السائقين والركاب مستمر في الزيادة.

عربيات كهربائية مع خدمة “أوبر وان – UberONE”

خدمة UberONE هي خدمة فريدة من نوعها لتقضية المشاوير وده لأنها بتستخدم عربيات كهربائية فاخرة متوفرة بس حصرياً من خلال تطبيق أوبر. انطلقت الخدمة المتميزة دي من مدينة مدريد سنة 2016 ووصلت دبي سنة 2017 بالتعاون مع مؤسسة تاكسي دبي. الخدمة دي قدرت توفر للركاب اختيار بيراعي البيئة لما يحبوا يروحوا أي مشوار.

ما هو أوبر؟ 6 حقائق مسلية تفيد ركابنا

وحدة”أوبر للتقنيات المتطورة – Uber ATG” بتشتغل على تقنيات القيادة الذاتية

من فترة مش طويلة، كانت العربيات اللي فيها خاصية القيادة الذاتية كأنها حاجة خيالية. لكن عشان الابتكار هو دايماً محور اهتمام أوبر، هنلاقي وحدة “أوبر للتقنيات المتطورة” مكرّسة نفسها للهدف ده وبتشتغل على تحقيق حلم القيادة الذاتية لكل الركاب. الفريق بتاعها بيشتغل على سلامة المركبات ووضع الخرائط والتقنيات اللازمة. أول نموذج اتجرب في أمريكا سنة 2016.

نتمنى أنك تكون اتعرفت أكتر على أوبر، وكمان عرفت بعض الحقائق الممتعة عشان تشاركها مع الشريك السائق في مشوارك الجاي!