ابدأ طلب الطعام مع أوبر إيتس (Uber Eats)

اطلب الآن
المنتجات

إيه هي طريقة حساب أوبر؟ وإيه هي أداة تقدير الأجرة؟

18 نوفمبر 2019 / مصر

سواء كنت بتعمل مشاوير كتير للمطار مثلاً أو بتكون دايماً المسؤول عن تخطيط كل الخروجات اللي هتقضيها بره مع أصحابك، فتنظيم الانتقال من مكان لمكان بيبقى في الأغلب صعب. لو كنت من النوع اللي بيفكر لقدام وبيحب يعمل حسابه لكل حاجة، أوبر بتقدملك الحل المناسب. مع أداة تقدير الأجرة، مفيش مفاجآت لأن من خلال الأداة دي بتقدر تقارن أسعار المشاوير قبل حتى ما تطلب مشوارك بوقت طويل.

إيه هي طريقة حساب أوبر؟ وإيه هي أداة تقدير الأجرة؟

إزاي نظام تقدير الأجرة بيشتغل؟

افتح تطبيق أوبر، واكتب الموقع اللي هتقابل فيه الشريك السائق والمكان اللي عايز تروحه وهيظهرلك السعر المقدّر للمشوار في الجزء اللي تحت من الشاشة. السعر المقدّر بيعتمد على حركة المرور والساعة اللي استعنت فيها بأداة التقدير، وده معناه إن السعر خاضع للتغيير حسب توفر الشركاء السائقين. كمان تقدر من خلال موقعنا على الإنترنت إنك تاخد فكرة عن النظام ده وتعرف تقدير سعر أي مشوار في أي مدينة في العالم بتشتغل فيها خدمات أوبر.

أوبر بيستخدم نموذج التسعير الديناميكي لما بتكون فيه زحمة مرور والطلب على المشاوير أكتر من عدد الشركاء السائقين المتوفرين. هيجيلك تنبيه بخط عريض لما بيكون فيه زيادة في السعر، وبالتالي تقدر تستنى شوية قبل ما تخرج. كمان تقدر تطلب إن يجيلك تنبيه بمجرد ما الأجرة تقل وترجع لمعدلها الطبيعي وده بيحصل لما عدد الشركاء السائقين يزيد على الطريق.

إيه هي طريقة حساب أوبر؟ وإيه هي أداة تقدير الأجرة؟

ليه تستخدم أداة تقدير الأجرة؟

مفيش أسهل من تقضية المشاوير باستخدام خدمة أوبر، وده عشان تقدر توصل لمواعيدك المهمة في الوقت المظبوط. لو كنت محتاج تعدى على صاحبك وأنت في طريقك عشان تاخده معاك مشوار، ممكن بكل بساطة تضيف وجهة في مشوارك. تقدر كمان تقسّم أجرة أوبر مع أصحابك بحيث كل واحد يدفع مقابل الجزء الخاص بيه من المشوار. لما بتقسّم الأجرة بالتساوي وكل واحد يدفع الجزء بتاعه، مش هتضطر بعد كده تحاسب أصحابك أو تدخل معاهم في مناقشة محرجة عنوانها “إنت عليك ليا فلوس”.

لو كنت بتخطط للسفر عشان تقضي اجازة نهاية الأسبوع مع أصحابك، تقدر تقارن تقسيم أجرة أوبر مع سعر البنزين وتأجير عربية وغيرها من الحاجات اللي ممكن تدفعها. أكيد هتكتشف إن اختيارك لأوبر هيوفرلك لأنه أرخص من الاختيارات التانية وكمان هو الأكتر راحة. تقدر تحدد ميزانية مشوارك قبل ما تطلب أوبر عن طريق أداة تقدير الأجرة وأكيد لما تعرف المبلغ اللي هيتبقى معاك عشان تصرفه على الأكل والمشروبات اللذيذة، أنت وأصحابك هتنبسطوا أكتر.

إيه هي طريقة حساب أوبر؟ وإيه هي أداة تقدير الأجرة؟

التحضير هيوفرلك كتير

كتير من الناس الناجحة قالوا إن سر النجاح في الحياة هو التحضير. نفس المبدأ بينطبق على تخطيطك لمشاويرك، يعني ما ينفعش تتهاون في الوصول في وقتك لو أنت رايح مقابلة شغل أو عندك معاد مع الدكتور. حتى لو رايح حفلة مثلاً، برضه لازم تحضر نفسك. عشان كده، تقدر تعتبر أداة تقدير الأجرة في أوبر من أقرب أصحابك اللي هيساعدك تنظم مشاويرك صح.

نتمنى تكون المقالة دي ساعدتك تعرف المعلومات الكافية عن طريقة حساب أوبر.